Yeremiya 7:26 - Tonga Bible 1986

²⁶ kweni kuti ŵangutegherezga, pamwenga kundivwa cha, ŵangunonopeska mitima yawo. Wangunanga kurutizga pa auskeu.

Yeremiya 7:26 ပူးပေါင်းရင်းမြစ်များ

1 ŴaKaronga 14:22

Ndipo ŵaYuda wanguchita cho chenga uheni mu maso gha Ambuya, ndipo anguŵayuskiya kusanji ndi mauheni ghawo, kuruska mauheni ghose gho auskeu wanguchita.

1 ŴaKaronga 14:9

Kweni iwe wachita mphurupuru kuruska wose wo ŵengako paurongo pako ndipo wajipangiya ŵachiuta ŵamwenga, ndi ŵangoza ŵakusongono, kundisosomole ku chikwiya, ndipo wanditaya kuvuli kwako,

2 ŴaKaronga 17:14

Kweni kuti ŵangukhumba kuvwa cha, ŵenga ŵanonono, nge ndimo ŵanguŵiya auskeu, ŵeniwo ŵengave kuywana mu Ambuya Chiuta wawo.

2 ŴaKaronga 17:15

Ŵanguyeya vyeruzgu vyake, ndi phanganu lake lo wangupangana ndi auskeu, ndi kuchenjezgeka ko wanguŵachenjezga. Ŵangundondoloska ŵangoza ŵatesi ndipo ŵangusanduka ŵatesi, ŵangundondoloska mitundu yo yinguŵazunguliya, paku yeniyo Ambuya anguŵalanguliya kuti ŵangachitanga nge ndiyo cha.

2 Mikoka 30:8

Sono mureke kungangamiska mitima yinu nge ndimo auskemwe ŵanguŵiya, kweni mujipereke ku Ambuya, ndi muzi ku malo ghawo ghakupaturika, ghenigho aghapatuliskiya ku nchitu yawo kwa muyaya, ndi muŵateŵete Ambuya Chiuta winu, mwakuti ukari wawo wakofya utuweko kwaku imwe.

2 Mikoka 33:10

Ndipo Ambuya angukamba ndi Manase ndi ku ŵanthu ŵake, kweni kuti ŵanguvwiya cha.

2 Mikoka 33:23

Kweni kuti wangujiyuyuwa cha pa maso ghaku Chiuta nge ndimo Manase awiske ŵangujiyuyuliya, kweni Amoni wanangiyanga-nangiyanga.

Nehemiya 9:29

Ndipo munguŵachenjezga alinga kuti muŵawezge ku dangu linu. Ndipuuli ŵanguchita kwakujikuzga ndipo kuti ŵanguvwiya malamulu ghinu cha, kweni ŵangulakwiya malangulu ghinu, ghenigho pakughavwiya munthu wakajanga ndi umoyo, ndipo ŵangung'anamuliyako phewa la mtafu ndi ŵangungangamiska khosi lawo ndi ŵangukana kuvwiya.

Nthanthi 29:1

Mweniyo wasuskika kaŵikaŵi kweni wangangamika mbwenu khosi lake wakaswekanga kwamabuchibuchi wambura machizgika.

Yesaya 48:4

Chifukwa ndiziŵa kuti mwe ŵanonono, khosi linu ndi msipi wa chisulo mphunu yinu nja mkuŵa,

Yesaya 5:4

Kumbi mphanyi ndinguchita chine chinyake ndi munda wangu wa mphereska, cho ndengavi kuchita mwakuwo? Penipo ndinguwulereze kuti ukapasanga vipasi, chifukwa chine ungupasa vikorakora?

Yeremiya 11:8

Ndipuuli kuti ŵanguvwiya pamwenga kutegherezga cha; kweni yose wangwenda mu unonono wa mtima wake uheni. Chifukwa cho ndingutole paku wo mazu ghose gha phanganu ili, lenilo ndinguŵalanguliya kulichita, kweni ŵengavi kulichita.”

Yeremiya 16:12

Ndipo chifukwa imwe mwananga kwakuruska auskemwe, pakuti ehe, mose mwandondoloska khumbu linu linonono liheni, mukana kutegherezga kwangu.

Yeremiya 17:23

Kweni kuti ŵanguvwa chingana nkhutegherezga cha, kweni ŵangungangamiska khosi lawo, kuti ŵareke kuvwa ndi kuronde chisambizgu.

Yeremiya 19:15

“Viyo atiti Ambuya ŵa maŵanja Chiuta waku Yisraele, Ehe, ndikatolenga pa msumba uwu ndi pa mizi yose uheni wose weniwo ndapataula paku wo, chifukwa ŵangangamiska khose lawo, ŵakana kuvwa mazu ghangu.”

Yeremiya 22:21

Ndingurongoro nawe mu kusakata kwako, kweni iwe unguti, ‘Kuti ndivwengeko cha.’ Umu ndimu yaŵiya nthowa yako kutuwa ku uhurwa wako, kuti wavwiya mazu ghangu cha.

Yeremiya 25:3

“Kwavirimika machumi ghaŵi pachanya vitatu (23) kwamba pa chirimika cha chumi ndi vitatu (13) chaku Josiya mwana waku Amoni karonga wa ŵaYuda, mpaka zuŵa lino, mazu gha Ambuya ghaza kwaku ine, ndipo ndakamba kaŵikaŵi kweni kuti mwavwiya cha.

Yeremiya 25:7

Kweni kuti mungundivwiya cha, atiti Ambuya, mungundisosomole ku ukari ndi nchitu za manja ghinu, viyo mungujitole uheni paku mwaŵeni.

Yeremiya 26:5

ndi kuphwere mazu gha ŵateŵeti ŵangu ŵamchimi ŵeniwo ndituma kwinu, pakuti mulivi kuphwere,

Yeremiya 29:19

chifukwa ŵengavi kuphwere mazu ghangu, atiti Ambuya, gho ndingurongoro namwe kaŵikaŵi mu ŵateŵeti ŵangu ŵamchimi, kweni imwe kuti mungukhumba kuvwa cha, atiti Ambuya.’

Yeremiya 3:13

Zomera waka kulakwa kwako, kuti ungugarukiya Ambuya Chiuta wako ndipo unguparghaniya mwaŵi wako mu ŵalendo pa sina pa muti wose uŵisi, ndi kuti ulivi kuvwiya mu mazu ghangu, atiti Ambuya.

Yeremiya 32:23

ndipo ŵangusere ndi kuchihara. Kweni kuti ŵanguvwiya mazu ghinu cha chingana nkhwenda mudangu linu, ŵangukana kuchita vyo munguŵalanguliya kuchita. Chifukwa cho imwe mwaŵafikiskiya viheni ivi vyose.

Yeremiya 34:14

‘Pa umari wa virimika vinkhonde ndi chimoza we yose waku imwe wafwatuwe muHebere munyake, mweniyo wakuguliskika kwaku iwe ndipo watataliya iwe virimika vinkhonde ndi chimoza, utenere kumufwatuwako ku nchitu yako.’ Kweni auskemwe kuti ŵangunditegherezga cha chingana nkhundivwa cha.

Yeremiya 35:15

Ndakutumiyani ŵateŵeti ŵangu wose ŵamchimi, kuŵatuma kaŵikaŵi, kuti, ‘Ng'anamukaniko yose waku imwe ku nthowa yake yiheni, ndipo musinthe machitidu ghinu, ndipo mungalondonga ŵachiuta ŵanyake cha kuŵatataliya po ndipo mukajanga mu charu chenicho ndingukupaskani imwe ndi auskemwe.’ Kweni kuti munguvwiya cha pamwenga kutegherezga kwangu.

Yeremiya 35:17

Chifukwa cho, atiti Ambuya, Chiuta wa maŵanja, Chiuta waku Yisraele: Ehe, nditoliyenge paku Yuda ndi wose ŵakuja mu Yerusalemu uheni wose weniwo ndikuzumbuwa paku wo; chifukwa ndikurongoro nawo ndipo ŵalivi kutegherezga, ndaŵadanirizga kweni ŵalivi kwamuka.”

Yeremiya 44:16

“Kuti tikavwanga cha mazu gho warongoro kwaku ifwe mu zina la Ambuya.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Yeremiya 6:10

Njani yo ndikakambanga nayo ndi kumuncheŵeska, alinga kuti ŵavwenge. Ehe, makutu ghawo ghakujara, ŵatondeka kutegherezga; ehe, mazu gha Ambuya kwaku iwo nchinthu chakutozeka, kuti ŵatighakhumba cha.

Yeremiya 6:17

Ndingumika ŵalonda paku imwe, ndi kuti, ‘Phwereni ku kuliya kwa mbata.’ Kweni iwo ŵanguti, ‘Kuti tikaphwerenga cha!’

Yeremiya 7:24

Kweni kuti ŵanguchita vyo ndinguŵalanguliya pamwenga kundivwiya cha, ŵangwenda mu vipangu vya ŵeneko ndi mu unonono wa mitima yawo yiheni, ndipo ŵanguwere vuli, kuti ŵanguya kunthazi cha.

Yeremiya 9:13

Ndipo atiti Ambuya, “Chifukwa ŵareka dangu langu lo ndinguŵika paurongo pawo, ŵalivi kuvwiya mazu ghangu pamwenga kwenda kwakuyana ndi dangu lo,

Ezekiele 12:2

“Mwana wa munthu, uja mukati mu nyumba ya ŵachigaruka, wo maso ŵenagho, kweni kuti ŵawona cha, makutu ŵe nagho, kweni kuti ŵatuvwa cha;

Ezekiele 12:3

chifukwa ndi nyumba ya chigaruka. Pa chifukwa cho, mwana wa munthu, ujirongosole katundu wapa ulendo ku umkoli, ndipo urutenge ku umkoli ndi msana pa maso ghawo; ukarutanga nge ngwamkoli kutuwa pa malo ghako kuya pa malo ghanyake pa maso ghawo. Akhumba ŵakawangamo nanga mba nyumba ya chigaruka.

Ezekiele 20:30

Chifukwa cho kamba ku nyumba yaku Yisraele, viyo atiti Ambuya Chiuta: Kumbi mukajikazuzganga kwakuyana ndi malusu gha auskemwe pakurondo maunyakazi ghawo?

Danyele 9:6

taŵavwiya cha ŵateŵeti ŵinu ŵamchimi, wo ŵangukamba muzina linu ku ŵakaronga ŵidu, zinduna zidu, auskefwe, ndi ku ŵanthu wose ŵa mu charu.

Hoseya 11:7

Ŵanthu ŵangu ŵaŵika mitima yawo pakutuwako kwaku ine; viyo ŵarongozgeke ku goŵa, ndipo palivi yumoza walituzgengeko.

Zekariya 7:11

Kweni wangukana kuvwiya, ŵangusukung'a maphewa, ndi kujara makutu mwakuti ŵareke kuvwa.

Malaki 3:7

Kwamba mazuŵa gha auskemwe mwapatuka ku marangu ghangu, ndi mwareka kughasunga. Wereni kwaku ine, ndipo ndiwerenge kwaku imwe, atiti Ambuya ŵa maŵanja. Kweni mutiti, ‘Tikawenga uli?’

Mateyu 21:38

Kweni ŵalimi wo, ŵachiwona mwana yo, ŵangukambirana mwaku ŵija, ‘Mwenuyu ngwakuhara; tiyeni tibaye, ndipo tito chihara chake.’

Mateyu 23:32

Zazani namwe mwesowa auskemwe.

Machitidu gha Ŵakutumika 7:51

“Mwanononu ku singu, ndi mwambura kuchinjika ku mtima ndi makutu, nyengo zose mumikana ndi Mzimu Wakupaturika: nge mbauskemwe, namwe viyo.

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

Marangu 8:20

Nge ndimo mitundu yo Ambuya ayiparghang'iya pa nthazi pinu, ndimo namwe muparghang'ikiyenge chifukwa chakureka kuvwiya mazu gha Ambuya Chiuta winu.