Yeremiya 7:23 - Tonga Bible 1986

²³ Kweni langulu lo ndinguŵapaska ndi ili, ‘Muvwiyenge mazu ghangu, ndipo ine ndikaŵanga Chiuta winu, imwe mukaŵanga ŵanthu ŵangu; mwendenge mu nthowa yose yo ndikulanguliyani alinga kukuŵiyeninga umampha.’

Yeremiya 7:23 ပူးပေါင်းရင်းမြစ်များ

Jobu 36:11

Asani ŵatumuvwiya ndi kumteŵete, ŵakamaranga mazuŵa ghawo muwusakati, ndi virimika vyawo mu kukondwa.

Sumu 119:3

Nadi kuti ŵachita kubende cha; ŵatenda mu nthowa ya Ambuya.

Sumu 40:6

Sembe ndi mpasku kuti mutivikhumba cha; mwandipaska gutu lakuvwiska. Mpasku wakocha ndi mpasku wapa ulakwi kuti munguvipempha cha.

Sumu 81:13

Owe ŵanthu ŵangu mphanyi ŵangundivwa, mphanyi Yisraele wangwenda mu nthowa zangu!

Chituwa 15:26

anguti, “Asani nyengo zose mukavwiyanga mazu gha Ambuya Chiuta winu, ndi kuchita cho nchakurunjika pa maso pake, ndi kuphwere malangulu ghake ndi kusunga vyakukombo vyake vyose kuti ndiŵikengepo nthenda nanga njimoza pinu cha, zenizo ndikuŵika paŵa Egipiti, pakuti ndine Ambuya, ŵakukuchizga.”

Chituwa 16:32

Ndipo Mosese wanguti, “Ichi ndicho Ambuya alangula kuti, ‘Musanirike sokora yimoza yakuzazika ndi ivi mu migonezi yinu yose, alinga kuti ŵawone viŵandi vyo ndakuhiŵani navyo mu bozwa, penipo ndingukutuzgani mu charu cha Egipiti.’ ”

Yesaya 3:10

Unene ŵarunji kuti kukaŵanga umampha kwaku iwo, pakuti ŵakarghanga vipasi vya nchitu zawo.

Yeremiya 11:4

lenilo ndingulanguliya auskemwe pa nyengo yo ndinguŵatuzgiya mu charu cha Egipiti, kutuwa mu ng'anjo ya chisulo, ndinguti, Tegherezgani ku mazu ghangu, ndipo chitani chose cho nditumulanguliyani. Po ndipo mukaŵanga ŵanthu ŵangu, ndipo ine ndikaŵanga Chiuta winu,

Yeremiya 11:7

Pakuti ndinguŵachenjezga auskemwe, pa nyengo yo ndinguŵatuzgiya mu Egipiti; kuŵachenjezga kaŵi, inya mpaka zuŵa lino, kuti, Vwiyaninga mazu ghangu.

Yeremiya 13:11

Pakuti nge ndimo lamba likhore mu chiunu cha munthu, viyo ndimundinguchitiya nyumba yaku Yisraele ndi nyumba yaku Yuda kukhore mwaku ine, atiti Ambuya, alinga kuti ŵaŵe ŵanthu, zina, rumbu ndi unkhankhu kwaku ine; kweni kuti ŵangunkhumba kutegherezga cha.

Yeremiya 22:21

Ndingurongoro nawe mu kusakata kwako, kweni iwe unguti, ‘Kuti ndivwengeko cha.’ Umu ndimu yaŵiya nthowa yako kutuwa ku uhurwa wako, kuti wavwiya mazu ghangu cha.

Yeremiya 22:3

Viyo atiti Ambuya: Chitani cheruzgu chirunji ndi ukongorekwa, taskani ŵakuskoŵeka mu janja la wakumusuzga yo. Ndipo rekani kunangiya pamwenga ku chitiya phuzu mlendo, wambura awiske, ndi choko, chingana nkhudira ndopa zambura kalema mu malo yagha.

Yeremiya 24:7

Ndikaŵapaskanga mtima wakuziŵa kuti ine ndine Ambuya; ndipo ŵakaŵanga ŵanthu ŵangu, ine ndikaŵanga Chiuta wawo, pakuti ŵakaweriyanga kwangu ndi mtima wawo wose.

Yeremiya 31:33

Kweni ili ndi phanganu lo ndikachitanga ndi nyumba yaku Yisraele pavuli pa mazuŵa gho, atiti Ambuya: Ndikaŵikanga dangu mukati mwawo, ndipo ndikalilembanga pa mitima yawo; ndipo ine ndikaŵanga Chiuta wawo, ndipo iwo ŵakaŵanga ŵanthu ŵangu.

Yeremiya 32:23

ndipo ŵangusere ndi kuchihara. Kweni kuti ŵanguvwiya mazu ghinu cha chingana nkhwenda mudangu linu, ŵangukana kuchita vyo munguŵalanguliya kuchita. Chifukwa cho imwe mwaŵafikiskiya viheni ivi vyose.

Yeremiya 38:20

Yeremiya wanguti, “Kuti ukapaskikanga kwaku wo cha. Uvwiye mazu gha Ambuya mwaku vyo ndikamba nawe,

Yeremiya 42:6

Manyi ngamampha pamwenga ghaheni, tikavwiyanga mazu gha Ambuya Chiuta widu kwaku mweniyo titukutumako iwe, alinga kuti kutiŵiyenge umampha ifwe tichivwiya mazu gha Ambuya Chiuta widu.”

Zefaniya 3:2

Kuti uvwiya mazu cha, ukana kususkika. Ugomezga mwa Ambuya cha, kuti undere kwaku Chiuta wake cha.

Zekariya 6:15

“Wo ŵe kutali ŵakazanga ndi kovya kuzenga nyumba ya Ambuya; ndipo mukaziŵanga kuti Ambuya ŵa maŵanja andituma kwaku imwe. Ndipo ichi chichitikenge nadi, asani mukavwiyanga ndi phamphu mazu gha Ambuya Chiuta winu.”

Zekariya 7:7

Pa Yerusalemu wenga ndi ŵakujamo ndi usambasi, ndi mizi yake yakumuzungurizga, ndipo ŵanthu ŵajanga kuchiri kumwera ndi mu chidika, kumbi asi ndi yagha mazu gho Ambuya anguwandiska ndi ŵamchimi wawo ŵakale?”

ŴaRoma 16:26

Kweni sono ghakuvumbulika, ndipo mumalembo gha ŵamchimi kwakulingana ndi langulu laku Chiuta wamuyaya, chaziŵiskika, ku mitundu yose kuŵatore ku chivwanu cha mu muvwiyu;

2 ŴaKorinte 10:5

chifukwa tibwanganduwa zimphindanu ndi chiguŵisku chose chakujitumphuska kumikana ndi mziŵiru waku Chiuta, ndikuto ghanaghano lose kuligumizgiya mu umkoli waku mvwiyu waku Kristu,

Marangu 11:27

Thumbiko, asani muvwiya marangu gha Ambuya Chiuta winu ghenigho ndakulanguliyani zuŵa lino.

Marangu 13:4

Mulondonge Ambuya Chiuta winu, ndi kumopa, ndi kusunga marangu ghake, ndi kuvwiya mazu ghake, ndipo mukamuteŵetiyanga ndi kubatikana nayo.

Marangu 13:5

Kweni nchimi yiya pamwenga wakulota maloto yuwa wabayike chifukwa wakusambizgini kuti mugaruke ku Ambuya Chiuta winu, yo wamu tuzgani mu charu cha Egipiti ndi kumuwomboni ndi kumtuzgani mu nyumba ya uŵanda; ndichifukwa chakuti wamupatuskani kutuwa mu nthowa yeniyo Ambuya Chiuta winu wakumulanguliyani kwendamo. Viyo mutuzgengemo uheni mukati mwinu.

Marangu 30:2

Penipo mukawerenga ku Ambuya Chiuta winu, imwe ndi ŵana ŵinu, ndi kusunga mazu ghake mwaku chose cho nditumulanguliyani msana wale, ndi mtima winu wose ndi mzimu winu wose;

Marangu 30:20

pa kwanja Ambuya Chiuta winu, pa kuvwiya mazu ghake, ndi kumeremete kwaku iyo. Pakuti kachitidu kaviyo, kang'anamuwa umoyo kwaku imwe ndi unandi wa mazuŵa alinga kuti mujenge mu charu cho Ambuya angurapiya auskemwe, kwaku Abrahamu, Yisaki, ndi Yakobe kuŵapaska.”

Marangu 30:8

Ndipo muwerezgengepo kusunga mazu gha Ambuya, ndi kusunga marangu ghake gho nditumulanguliyani msana wale.

Marangu 4:10

Kweni sambizgani ŵana ŵinu ndi ŵana ŵawo, mo pa zuŵa liya mungumiya panthazi pa Ambuya Chiuta winu mu Horebe, penipo Ambuya anguti kwaku ine, ‘Undiwunjikiye ŵanthu pamoza, ndi ŵavwiske mazu ghangu, mwakuti ŵasambire kopa Ine mazuŵa ghose gha umoyo wawo pa charu chapasi, ndikuti ŵasambizge ŵana ŵawo.’

Marangu 4:40

Viyo mutenere kusunga vilayizgu vyake ndi marangu ghake vyenivyo ndimuranguliyani zuŵa lino kuti kumuŵiyeni kwamampha, imwe ndi ŵana ŵinu pavuli pinu, mwakuti mazuŵa ghinu ghaŵe ghanandi mu charu chenicho Ambuya Chiuta winu watukupaskiyani limu.”

Marangu 5:16

“ ‘Tumbika ausu ndi anyoko, nge ndimo Ambuya Chiuta wako wakukulanguliya, kuti mazuŵa ghako ghaŵenge ghanandi, kuti kukuŵiye umampha mu charu chenicho Ambuya Chiuta wako watikupaska.

Marangu 5:29

Mtima wa viyo wenga mwaku iyo mazuŵa ghose kundopa ndi kusunga marangu ghangu ghose, mwakuti kuŵaŵiye kwamampha iwo ndi ŵana ŵawo muyaya!

Marangu 5:33

Mwendenge mu nthowa zose zenizo Ambuya Chiuta winu wamulanguliyani, kuti muŵe ndi umoyo, ndi kuti kuŵenge kwamampha kwaku imwe, ndi kuti muje nyengo yitali mu charu cho mwamuronda.

Marangu 6:3

Sono imwe ŵaYisraele vwani marangu ndi ghaphwereni pakughachita, kuti kumuŵiyeni kwamampha, ndi kuti mwandani ukongwa mu charu chakutawara mkaka ndi uche nge ndimo Ambuya Chiuta wa auskemwe wangupanganirana namwe.

ŴaHebere 5:9

ndipo wanguti wafiskika wanguŵaŵiya wose ŵakumvwiya chata wa utaski wamuyaya;

1 Samuele 15:22

Samuele wanguti, “Kumbi Ambuya ŵendi likondwa likuru mu mipasku yakocha ndi zisembe, nge ndimo aliri nalo mu kuvwiya mazu ghawo? Ehe, kuvwiya nkhwamampha kuruska sembe, kutegherezga kuruska mafuta gha viphongo.