Yeremiya 7:19 - Tonga Bible 1986

¹⁹ Kumbi ndine mweniyo ŵasosomo atiti Ambuya? Kumbi kuti ndiwo ŵeneko cha, wo ŵatijitimbanizga?

Yeremiya 7:19 ပူးပေါင်းရင်းမြစ်များ

Ezra 9:7

Kutuwa ku mazuŵa gha ŵambuyafwe taja mu ubudi ukuru kufika zuŵa linu; ndipo chifukwa cha uheni widu, ifwe, ndi ŵakaronga ŵidu, ndi ŵazukuru ŵidu, taperekeka mu manja gha ŵakaronga ŵa vyaru vinyake, ndi ku lipanga ndi ku umkoli, ndi kukuskoŵeka, ndi kujirengeska taŵeni mo kwaŵiya msana wale.

Jobu 35:6

Asani mwananga, nchine cho mwamuchitiya iyo? Ndipo asani kwananga kwinu kwandana, nchine cho muchita kwaku iyo?

Yesaya 1:20

Kweni asani mukana ndi kugaruka, mukamaranga ndi lipanga, pakuti mlomo wa Ambuya wakamba.”

Yesaya 1:24

Chifukwa cho Ambuya atiti. Ambuya ŵa maŵanja, Wanthazi yo waku Yisraele: “Aha, ndikatuzgangapo ukari wangu pa ŵakupindikana nane, ndi kujitayiya thayu pa ŵarwani ŵangu.

Yesaya 45:16

Wose ŵalengeskeka ndi ŵatimbanizgika, ŵakuchita ŵangoza ŵatimbanizgikiya pamoza.

Yeremiya 15:9

Yo wangupapa ŵankhonde ndi ŵaŵi wadengenduka, walakatuka; lumwi lake lasere kweche msana; wachita soni ndipo walengeskeka. Ndipo ŵakujapo ŵaku wo ndikaŵaperekanga ku lipanga, paurongo pa ŵakupindikana wawo, atiti Ambuya.”

Yeremiya 2:17

Asi ndimwe mwaŵeni mwajidaniya uheni uwo kuti ukuziyeni pakureka Ambuya Chiuta winu, penipo wangukurongozgani mu nthowa?

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yeremiya 20:11

Kweni Ambuya ŵe nane uli ndi wankhondo wakofya; chifukwa cho ŵakundisuzga ŵakaguŵanga, kuti ŵakandipundanga cha. Ŵakalengeskekanga weniukongwa, chifukwa kuti ŵakachitangapo kanthu cha, kuyuyulika kwawo kwa muyaya kuti kukaruwikanga cha.

Yeremiya 22:22

Mphepo yikaliskanga ŵaliska ŵako wose, ndipo mabwezi ghako ghakarutanga ku umkoli; sono ukalengeskekanga ndi kutimbanizgika chifukwa cha mautimbanizi ghako ghose.

Yeremiya 25:7

Kweni kuti mungundivwiya cha, atiti Ambuya, mungundisosomole ku ukari ndi nchitu za manja ghinu, viyo mungujitole uheni paku mwaŵeni.

Yeremiya 3:25

Tiyeni tigone pasi mu kulengeskeka kwidu, ndipo kujiyuyuwa kwidu kutivimbe; pakuti talakwiya Ambuya Chiuta widu, ifwe pamoza ndi auskefwe kutuwa ku uhurwa widu inya mpaka msana wale; ndipo tilive kuvwiya mazu gha Ambuya Chiuta widu.”

Yeremiya 44:3

chifukwa cha mautimbanizi ghenigho ŵanguchita, kundisosomole ine ku kukwiya, pakuti wanguruta kwachoche vyachema, ndi kutataliya ŵachiuta ŵanyake wo ŵengavi kuŵaziŵa, nango ndiwo nanga ndimwe, nanga mbauskemwe.

Yeremiya 8:19

Avwani, kuliya kwa ŵanthu ŵangu, kutuliya mu utali ndi mu usani wa charu: “Kumbi Ambuya mulivi mu Zioni? Kumbi karonga wake kuti we mwake cha?” “Chifukwa nchine ŵandisosomole ku kukwiya ndi ŵangoza ŵawo ŵakusemeka, ndipo ndi ŵangoza ŵawo ŵachilendo?”

Yeremiya 9:19

Pakuti chiwawa cha chitenje chivwika mu Zioni: ‘Tapasuka uheni! Talengeskeka kwakufikapo, chifukwa tasiya charu, pakuti ŵabwanganduliya pasi nyumba zidu.’ ”

Ezekiele 16:26

Ndipo so ukuchita ureŵi ndi ŵaEgipiti; ŵanasi ŵako ŵalifwenkha-fwenkha, ŵandaniska maureŵi ghako, kundisosomole ku ukari.

1 ŴaKorinte 10:22

Pamwenga tisosomole Mbuya ku sanji, kumbi? Kumbi te ŵanthazi ifwe kwakuruska iyo?

Marangu 32:16

Ŵangumuyuska kuŵa ndi sanji ndi ŵachiuta ŵalendo, ndi machitidu ghaukazuzi ŵangumukalipiska.