Yeremiya 7:15 - Tonga Bible 1986

¹⁵ Ndipo ndikakudikiskaninga ku chisku changu, uli ndimo ndingudikiskiya ŵabali ŵinu, mphapu yose yaku Efraimu.

Yeremiya 7:15 ပူးပေါင်းရင်းမြစ်များ

2 ŴaKaronga 17:23

mpaka, penipo Ambuya angumutuzgako Yisraele ku maso ghawo, nge ndimo angurongolere mu ŵateŵeti ŵawo wose ŵamchimi. Viyo Yisraele wangutuzgikamo mu charu chapa mtima wawo kuya ku Asiriya mpaka zuŵa lino.

2 ŴaKaronga 24:20

Pakuti chifukwa cha ukari wawo chingufiskika ichi mu Yerusalemu ndi Yuda Ambuya anguŵadikiska pa maso ghawo. Ndipo Zedekiya wangugaruka ku karonga wa Babiloni.

2 Mikoka 15:9

Ndipo wanguwunganiska Yuda yose ndi Benjamini, ndi ŵalendo pamoza nawo, kuturiya kwaku Efraimu, ndi kwaku Manase, ndi kwaku Simeoni, chifukwa ŵanandi ŵangumziya kutuwa kwaku Yisraele pa ŵanguti ŵawona kuti Ambuya Chiuta wake wenga nayo.

Sumu 51:11

Rekani kunditaya kutali; kundituzga pa maso pinu, ndipo mureke kutuzgako kwangu mzimu winu wakupaturika.

Yesaya 7:16

Pakuti mwana yo wenga wandiziŵe kukana uheni ndi kusankha umampha, charu cho cha ŵakaronga ŵaŵi wo utopa chikajoworekanga.

Yeremiya 15:1

Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!

Yeremiya 23:33

“Penipo yumoza waku yaŵa, pamwenga mchimi, pamwenga mzukuru watikufumba, ‘Njine mphingu ya Ambuya?’ Ukatinge kwaku iwo, ‘Mphingu yo ndimwe, ndipo ndikakutayaninga, atiti Ambuya.’

Yeremiya 23:39

chifukwa cho, ehe, kwakuneneska ndikamusoskaninga, ndikukutayani kunyake kutuwapo pa maso pangu, imwe ndi msumba wo, weniwo ndingukupaskani imwe ndi auskemwe.

Yeremiya 3:8

Wanguwona kuti chifukwa maureŵi ghake ghose Yisraele, wambura magomekezgeka yuwa ndingumudikiska ndi kumupaska karata wa chipata; kweni ndipuuli Yuda mzichi wake phula kuti wangopa cha, iyo nayo wanguruta kwachichita maureŵi.

Yeremiya 52:3

Kwakunenenska chifukwa cha kukwiya kwa Ambuya vinthu vyenga viheni mu Yerusalemu ndi Yuda, pakuti wanguŵadikiskapo pa maso ghake. Zedekiya wangugarukiya karonga wa Babiloni.

Yeremiya 9:19

Pakuti chiwawa cha chitenje chivwika mu Zioni: ‘Tapasuka uheni! Talengeskeka kwakufikapo, chifukwa tasiya charu, pakuti ŵabwanganduliya pasi nyumba zidu.’ ”

Ezekiele 23:31

Wenda munthowa ya muku wako; chifukwa cho ndikaperekanga chandi chake mu janja lako.

Ezekiele 33:25

Chifukwa cho uŵanene kuti, Viyo atiti Ambuya Chiuta: Muturgha nyama ndi ndopa, ndipo muyinuskiya maso ghinu ku ŵangoza, ndi kudiska ndopa, kumbi mungahara charu viyo?

Hoseya 1:4

Ndipo Ambuya anguti kwaku Hoseya, “Umudani mwana yo zina lakuti, Yezerele; chifukwa kwaja nyengo yimanavi nkhalanganga nyumba yaku Yehu chifukwa cha ndopa zaku Yezerele, ndipo ndituzgengepo ufumu pa nyumba yaku Yisraele.

Hoseya 12:1

Efraimu wakhwema mphepo; wandondoloska mphepo yaku vuma zuŵa lose, watandaniska mautesi ndi nkhaza; wapangana phanganu la maronda ndi Asiriya, ndipo mafuta ghapingikiya ku Egipiti.

Hoseya 13:16

Samaria wasuskikenge chifukwa wagaruka kwaku Chiuta wake; wakabayikanga ndi lipanga, ŵamujedu ŵawo ŵatekenyulikenge tumanatumana ndi ŵanthukazi ŵawo ŵa nthumbu ŵakapangulikanga.

Hoseya 7:13

Owe, kwaku iwo; chifukwa ŵapatuka ku kwaku ine! Pharghaniko kwaku iwo chifukwa ŵagaruka kwaku ine! Ndingukhumba kuŵawombo kweni ŵatindikambiya utesi.

Hoseya 9:13

Ŵana ŵaku Efraimu mo ndaŵawone ine, ŵanozgeke kwachiŵa ŵakuskoŵeska. Efraimu watenere kurongozga ŵana ŵake ku kubayika.

Hoseya 9:3

Kuti ŵakajanga mu charu cha Ambuya cha; kweni Efraimu wakawerenga, ku Egipiti, ndipo ŵamukurgha kurgha kuheni mu Asiriya.

Hoseya 9:9

Ŵajivundiska ukongwa nge ndi mu mazuŵa ghaku Gibeya. Wakumbukenge ubendezi wawo; waŵarengenge chifukwa cha maulakwi ghawo.

Yona 2:4

Viyo ndinguti, ‘Ndatuzgikapo pa maso ghinu, ndilereskenge so uli pa kasopi winu wakupaturika?’

Maŵerengedu 1:32

Ŵina Yosefe, wo mbena Efraimu, migonezi yawo, ndi mbumba zawo, mu nyumba za auskeu, unandi wa mazina ghawo, yose wakuŵa ndi virimika machumi ghaŵi ndi kuruska po, wo wose ŵangaziŵa kurwa nkhondo: