Yeremiya 7:13 - Tonga Bible 1986

¹³ Ndupo sono, chifukwa mwachita vinthu ivi vyose, atiti Ambuya, ndipo penipo ndingukamba namwe kwambura kureka kuti mungutegherezga cha, ndipo penipo ndingumudanani, kuti mungwamuka cha,

Yeremiya 7:13 ပူးပေါင်းရင်းမြစ်များ

Nthanthi 1:24

Chifukwa ndingudana ndipo mungukana kundivwa, ndatambaluwa janja langu ndipo palivi yumoza yo waphweleko,

Yesaya 50:2

Chifukwa chine, penipo ndinguza, pengavi munthu? Po ndadananga pengavi wakwamuka? Kumbi janja langu likufupiskika, kuti litondeka kuwombo? Pamwenga kumbi ndilivi nthazi za kutaskiya? Ehe, ndi kuchenya kwangu ndimizga nyanja, misinji ndiyisanduska bozwa; somba zawo zinunkha chifukwa chakuwura maji, ndipo zitufwa chiparantha.

Yesaya 65:12

ine ndikakurongosoliyaninga ku lipanga, ndipo imwe mose mukakotamiyanga pasi kubayika; chifukwa, penipo ndingudana, kuti mungwamuka cha, po ndingurongoro, kuti mungutegherezga cha, kweni mukuchita cho chenga uheni mu maso ghangu, mungusankha cho ine ndengavi kukondwa nacho.”

Yesaya 66:4

nani mbwenu ndikaŵasankhiyanga yuzgu, ndi kutole mantha ghawo paku iwo ŵeneko; chifukwa, penipo ndingudana, pengavi yumoza wangwamuka, po ndakambanga kuti ŵangutegherezga cha; kweni ŵanguchita cho chenga uheni mu maso ghangu, ŵangusamkha cho ine ndengavi kukondwa nacho.”

Yeremiya 11:7

Pakuti ndinguŵachenjezga auskemwe, pa nyengo yo ndinguŵatuzgiya mu Egipiti; kuŵachenjezga kaŵi, inya mpaka zuŵa lino, kuti, Vwiyaninga mazu ghangu.

Yeremiya 11:8

Ndipuuli kuti ŵanguvwiya pamwenga kutegherezga cha; kweni yose wangwenda mu unonono wa mtima wake uheni. Chifukwa cho ndingutole paku wo mazu ghose gha phanganu ili, lenilo ndinguŵalanguliya kulichita, kweni ŵengavi kulichita.”

Yeremiya 13:10

Ŵanthu ŵaheni yaŵa ŵeniwo ŵakana kuvwa mazu ghangu, wo ŵarondo mu unonono wa mtima wawo ndipo watataliya ŵachiuta ŵanyake, ŵakaŵangauli ndi lamba ili, lo kuti ndamampha ku kanthusocha.

Yeremiya 13:11

Pakuti nge ndimo lamba likhore mu chiunu cha munthu, viyo ndimundinguchitiya nyumba yaku Yisraele ndi nyumba yaku Yuda kukhore mwaku ine, atiti Ambuya, alinga kuti ŵaŵe ŵanthu, zina, rumbu ndi unkhankhu kwaku ine; kweni kuti ŵangunkhumba kutegherezga cha.

Yeremiya 25:3

“Kwavirimika machumi ghaŵi pachanya vitatu (23) kwamba pa chirimika cha chumi ndi vitatu (13) chaku Josiya mwana waku Amoni karonga wa ŵaYuda, mpaka zuŵa lino, mazu gha Ambuya ghaza kwaku ine, ndipo ndakamba kaŵikaŵi kweni kuti mwavwiya cha.

Yeremiya 26:5

ndi kuphwere mazu gha ŵateŵeti ŵangu ŵamchimi ŵeniwo ndituma kwinu, pakuti mulivi kuphwere,

Yeremiya 29:19

chifukwa ŵengavi kuphwere mazu ghangu, atiti Ambuya, gho ndingurongoro namwe kaŵikaŵi mu ŵateŵeti ŵangu ŵamchimi, kweni imwe kuti mungukhumba kuvwa cha, atiti Ambuya.’

Yeremiya 32:33

Ŵandirazga msana chisku chawo cha; nanga ndaŵasambizga kwakufwiririyapo, kweni kuti ŵategherezga cha kuti ŵaronde chisambizgu.

Yeremiya 35:14

Dangu lenilo Yonadabu mwana waku Rekabu wangupaska ku ŵana ŵake kureka kumwa vinyo, lasungika; ndipo kuti watumwa nanga nkhamana cha kufika ku zuŵa lino, pakuti ŵavwiya dangu la uskeu. Ndarongoro namwe kaŵikaŵi, kweni kuti mwanditegherezga cha.

Yeremiya 35:15

Ndakutumiyani ŵateŵeti ŵangu wose ŵamchimi, kuŵatuma kaŵikaŵi, kuti, ‘Ng'anamukaniko yose waku imwe ku nthowa yake yiheni, ndipo musinthe machitidu ghinu, ndipo mungalondonga ŵachiuta ŵanyake cha kuŵatataliya po ndipo mukajanga mu charu chenicho ndingukupaskani imwe ndi auskemwe.’ Kweni kuti munguvwiya cha pamwenga kutegherezga kwangu.

Yeremiya 35:17

Chifukwa cho, atiti Ambuya, Chiuta wa maŵanja, Chiuta waku Yisraele: Ehe, nditoliyenge paku Yuda ndi wose ŵakuja mu Yerusalemu uheni wose weniwo ndikuzumbuwa paku wo; chifukwa ndikurongoro nawo ndipo ŵalivi kutegherezga, ndaŵadanirizga kweni ŵalivi kwamuka.”

Yeremiya 44:23

Chifukwa mungocha vyachema, ndi mungulakwiya Ambuya ndi kuti munguvwiya cha mazu gha Ambuya pamwenga kwenda mu dangu lawo ndi mu malangulu ghawo ndi virunguchizgu vyawo, reka chiheni ichi chakuwiyani, uli ndimo kuliri msana wale.”

Yeremiya 44:4

Kweni kaŵikaŵi ndingukutumiyani ŵateŵeti ŵangu ŵamchimi, kuti, ‘Okwe, rekani kuchita chinthu ichi cha ukazuzi chenicho nditinkha!’

Yeremiya 5:21

“Vwani ichi mwa ŵanthu ŵakupusa ndi ŵambura zeru, mwaŵakuwa ndi maso kweni kuti muwona cha, mwa ŵakuŵa ndi makutu, kweni kuti mutuvwa cha.

Yeremiya 6:10

Njani yo ndikakambanga nayo ndi kumuncheŵeska, alinga kuti ŵavwenge. Ehe, makutu ghawo ghakujara, ŵatondeka kutegherezga; ehe, mazu gha Ambuya kwaku iwo nchinthu chakutozeka, kuti ŵatighakhumba cha.

Yeremiya 7:25

Kutuwa ku zuŵa lo auskemwe ŵangutuliya mu Egipiti kufika msana wale, ine ndawerezgapowerezgapo kutuma ŵateŵeti ŵangu ŵamchimi kwaku wo, zuŵa ndi zuŵa:

Hoseya 11:2

Mo ndinguŵadaniya, ndimu so ŵangutuwiyako kwaku ine; ŵangurutiriya kupereka sembe ku ŵaBala, ndi kuŵawoche vyakununkhira ŵangoza.

Hoseya 11:7

Ŵanthu ŵangu ŵaŵika mitima yawo pakutuwako kwaku ine; viyo ŵarongozgeke ku goŵa, ndipo palivi yumoza walituzgengeko.

Hoseya 9:17

Chiuta wangu waŵatayenge, chifukwa ŵalivi kumuvwiya; ŵaŵenge ŵakuyinga mukati mu mitundu.

Zekariya 7:13

“Nge ndimo ine ndingukambiya ndipo kuti ŵanguvwa cha, viyo ŵangudanirizga kweni kuti ndinguvwa cha,” atiti Ambuya ŵa maŵanja.

Mateyu 23:37

“Yerusalemu, Yerusalemu we, wakubaya ŵamchimi, ndi wakuŵapong'a mya wo ŵatumizgika kwako! Kwakaringa ndakhumba kuwunjika pamoza twana twako, nge ndimo nyakhutu waunjikiya twapiyupiyu twake kusi ku mapapiku ghake, ndipo kuti ungukhumba cha!