Yeremiya 6:16 - Tonga Bible 1986

¹⁶ Viyo atiti Ambuya: “Mani mu zinthowa, ndipo lereskani, fumbani nthowa za mwaka, ko kwe nthowa yamampha; ndipo mwende mwaku yeniyo! Ndipo musaniye chipumulu cha mizimu yinu. Kweni iwo ŵanguti, ‘Kuti tendenge mwaku yo cha.’

Yeremiya 6:16 ပူးပေါင်းရင်းမြစ်များ

1 ŴaKaronga 8:36

vwani imwe kuchanya ko, ndipo gowokiyani kulakwa kwa ŵaŵanda ŵinu, khamu linu Yisraele, po mutuŵasambizga nthowa yamampha yo ŵatenere kwendamo, perekani vuwa pa charu chinu, chenicho mukupaska khamu linu kuŵa chihara.

2 Mikoka 19:11

Wonani, Amaria mzukuru mura we pachanya pinu mu milando yose ya Ambuya, ndipo Zebedia mwana waku Yishumaeli, mweruzgi wa nyumba yaku Yuda ndi mura mu milando yose ya karonga; ŵaLevi ŵaŵenge nge mbateŵeti ŵinu. Chitani ndi kukhwima mtima, Ambuya aŵenge ndi ŵakutowa mu mtima!”

Sumu 116:7

Wa mzimu wangu, uwere ku chipumulu chako; chifukwa Ambuya aŵa amampha kwangu.

Yesaya 2:5

Wa nyumba yaku Yakobe we, zanga, tiye tendenge mu ukweru wa Ambuya.

Yesaya 28:12

kwaku wo weke “Ichi nchipumulu; pumuzgani ŵakuvuka, ndipo uku nkhuweremo nthazi;” ndipuuli kuti ŵatuvwa cha.

Yesaya 30:21

Ndipo makutu ghinu ghakavwanga mazu kuvuli kwinu, kuti, “Nthowa ndi iyi, yendaninga mwaku yo,” penipo mupatukiya ku marghe ndi penipo mupatukiya ku maze.

Yesaya 46:9

kumbukani vinthu vyakudanga vya mwaka; chifukwa ndine Chiuta, ndipo kulivi so munyake; ndine Chiuta ndipo kulivi nanga njumoza wakukozgana nane,

Yesaya 57:2

wasere mu chimangu; ŵapumuwa mu vita vyawo wo ŵatenda mu ukongorekwa wawo.

Yesaya 8:20

Kukusambizga ndi ku ukaboni! Kwakuneneska pa mazu yagha ŵakamba kulivi kucha.

Yeremiya 12:16

Ndipo kukaŵanga kuti asani ŵakasambiranga ndi phamphu nthowa za ŵanthu ŵangu, kurapiya ndi zina langu, ‘Achiŵa amoyo Ambuya,’ uli ndimo ŵangusambizgiya ŵanthu ŵangu kurapa paku Bala, po ndipo wakazengekanga mukati mu ŵanthu ŵangu.

Yeremiya 18:12

“Kweni iwo ŵatiti, ‘Palivi kanthu! Tikarondonga vyo tighanaghana taŵeni, ndipo we yose wakachitanga nge ndimo mtima wake uheni wangangamikiya.’

Yeremiya 18:15

Kweni ŵanthu ŵangu ŵandiruwa ine, ŵatoche sembe ku ŵachiuta ŵatesi; ŵaguŵa mu nthowa zawo, mu miseu ya mwaka, ndipo ŵasere mu tunthowa twakudumuwa, ŵareka mseu ukuru,

Yeremiya 2:25

Kanizga maphazi ghako kuŵa ghambura skapato ndi chigolomelo chinu chambura nyota cha. Kweni imwe munguti, ‘Palivi kakulindizga, pakuti ndanja ŵalendo, ndirutenge kuŵalondo.’

Yeremiya 22:21

Ndingurongoro nawe mu kusakata kwako, kweni iwe unguti, ‘Kuti ndivwengeko cha.’ Umu ndimu yaŵiya nthowa yako kutuwa ku uhurwa wako, kuti wavwiya mazu ghangu cha.

Yeremiya 31:21

“Ujimikiye vyakurongo nthowa, ujichitiye vichiri vyakurongozga; ughanaghane, menderu ghako gha kali, mseu weniwo ungwendamo pakuruta. Weko wa mwali we Yisraele, uwere ku mizi yako iyi.

Yeremiya 42:3

kuti Ambuya Chiuta wako watirongo nthowa yakuti tendemo, ndi chinthu cho titenere kuchita.”

Yeremiya 44:16

“Kuti tikavwanga cha mazu gho warongoro kwaku ifwe mu zina la Ambuya.

Yeremiya 50:5

Ŵazamufumba nthowa ya kuya ku Zioni, po visku vyawo vilereska kweniko, ŵakatinge, ‘Tiyeni, tijisazge pamoza ku Ambuya mu chipangano cha muyaya, cho kuti chikaruwikanga cha.’

Yeremiya 7:23

Kweni langulu lo ndinguŵapaska ndi ili, ‘Muvwiyenge mazu ghangu, ndipo ine ndikaŵanga Chiuta winu, imwe mukaŵanga ŵanthu ŵangu; mwendenge mu nthowa yose yo ndikulanguliyani alinga kukuŵiyeninga umampha.’

Yeremiya 7:24

Kweni kuti ŵanguchita vyo ndinguŵalanguliya pamwenga kundivwiya cha, ŵangwenda mu vipangu vya ŵeneko ndi mu unonono wa mitima yawo yiheni, ndipo ŵanguwere vuli, kuti ŵanguya kunthazi cha.

Yeremiya 7:3

Viyo atiti Ambuya ŵa maŵanja, Chiuta waku Yisraele, Nozgani nthowa zinu ndi machitudu ghinu, ndipo ndikakupaskaninga kuja mu malo yagha.

Malaki 4:4

“Kumbukani dangu laku Mosese mteŵeti wangu, visambizgu ndi vyeruzgu vyo ndingumulanguliya pa Horebe kuti ŵa Yisraele wose ŵavwe.

Luka 16:29

Kweni Abrahamu watinge, ‘Ŵe nawo Mosese ndi ŵamchimi wo; ŵavwenge iwo.’

Yohane 12:35

Wanguŵanene Yesu, “Nyengo yimanavi Kungweruka kweche mukati mwinu. Mwendenge mweche nako kungweruka, winu mdima ungamsaniyani; pakuti wakwenda mu mdima kuti waziŵa ko watiya cha.

Yohane 13:17

Asani muziŵa vyenivi, mwe ŵamwaŵi asani mutivichita.

Yohane 5:39

Mupenja mu malembo, pakuti mutiti mwaku ghenigho mwe nawo umoyo wamuyaya: ndipo ghenagha ndigho ghasimikizgiya ine;

Machitidu gha Ŵakutumika 17:11

Ndipo yaŵa ŵenga ŵaulemu kwakuruska ŵamu Tesalonika, wose ŵangugharonde mazu ndi pamphu lose, ndipo ŵangupenjapenjamo mu malembo zuŵa ndi zuŵa, asani vyenivivyenga vyaviyo.

ŴaRoma 4:12

waŵe so wiskeu wa mchinju, ku ŵamu mchinju pe cha, kweni ndi kwaku ŵeniwo ŵatenda mu mendedu gha chivwanu chaku Abrahamu auskefwe, cho wanguŵa nacho wenga wandachinjike.

Marangu 32:7

Kumbukani mazuŵa gha mwaka, ghanaghanani virimika vya migonezi yinandi; fumbani auskemwe, ndipo ŵakakurongoninga, ŵara ŵinu ŵakamuneniyaninga.

ŴaKolose 2:6

Viyo uli ndimo mungurondere Kristu Yesu Ambuya, ndimo mujariyenge mwaku iyo,

ŴaHebere 11:2

Chifukwa awaku chenicho ŵaraŵara wo ŵangusimikizgikiya.

ŴaHebere 6:12

alinga mungaŵanga ŵakudodoma cha, kweni ŵakwezga ŵeniwo mu chivwanu ndi unkhunthiya mbakuhara mapanganu.

Ŵeruzgi 2:17

Ndipuuli, kuti ŵanguvwiya ŵeruzgi ŵawo cha; pakuti ŵangusomphorwa ku ŵachiuta ŵanyake ŵanguŵalambiya; ruŵiruŵi ŵangupatuka mu nthowa yo auskeu ŵangwendamo, wo ŵanguvwiya marangu gha Ambuya, kweni iwo kuti ŵanguchita viyo cha.