Yeremiya 52:8 - Tonga Bible 1986

⁸ Kweni ŵankhondo ŵa ŵaKaldiya ŵangundondoloska karonga, ŵangumusaniya Zedekiya mu madambo gha Yeriko; ndipo ŵankhondo ŵake wose ŵanguparghanika ŵangumuthaŵa.

Yeremiya 52:8 ပူးပေါင်းရင်းမြစ်များ

Yeremiya 21:7

Pavuli atiti Ambuya, ndikaperekanga Zedekiya karonga waku Yuda, ndi ŵateŵeti ŵake, ndi ŵanthu ŵamu msumba uwu wo ŵakapozomokanga ku chideru, lipanga ndichilala, mu janja laku Nebukadanezara karonga wa Babiloni, ndi mu janja la ŵakupindikana ŵawo, mu janja laku wo ŵapenja kuŵabaya. Ŵakaŵakosonga ndi lipanga; kuti wakaŵafwiyanga lisungu, pamwenga kuŵareka, pamwenga kuŵa ndi chitima cha.’

Yeremiya 32:4

Zedekiya karonga waku Yuda kuti wakathaŵanga cha ku janja la ŵaKaldiya, kweni wakaperekekangadi mu janja la karonga wa Babiloni, ndipo wakarongoronga nayo pa maso ndi pa maso ndi kuwonana jiso ku jiso;

Yeremiya 34:21

Ndipo Zedekiya karonga waku Yuda, ndi ŵaraŵara ŵake, ndikaŵaperekanga mu janja la ŵakupindikana ŵawo ndi mu janja laku ŵeniwo ŵapenja kuŵabaya, mu janja la umba wa ŵankhondo ŵa karonga wa Babiloni ŵeniwo ŵatuwako kwako.

Yeremiya 37:17

karonga Zedekiya wangutuma kwachimutuzga ndipo wangumuronde. Karonga wangumufumba ku udeke mu nyumba yake, wanguti, “Kumbi ghaliko mazu ghatuwa kwa Ambuya?” Yeremiya wanguti, “Ghaliko.” Sono wanguti, “Ukaperekekanga mu janja la karonga waku Babiloni.”

Yeremiya 37:18

Yeremiya wanguti soka karonga Zedikiya, “Nchine cho ndakwanangiya pamwenga ndanangiya ŵateŵete ŵako, pamwenga ŵanthu Yaŵa, po ŵandiŵika mu ukaidi?

Yeremiya 38:23

“Ŵawoli ŵinu wose ndi ŵana ŵinu ŵanthurumi ŵakarongozgekiyanga ku ŵaKaldiya, ndipo imwe mwaŵene kuti mukapozomokanga cha ku janja lawo, kweni mukakorekanga ndi karonga wa Babiloni, ndipo msumba uwu wochekenga, ndi moto.”

Yeremiya 39:5

Kweni wumba wa ŵankhondo ŵa ŵaKaldiya unguŵandondoloska, ndipo ungusaniya Zedikiya mu madambo gha Yeriko; ŵanguti ŵamuto, ŵanguza nayo kwaku Nebukadanezara karonga wa Babiloni pa Ribula, mu charu cha Hamati, ndipo wangumweruzga.