Yeremiya 52:7 - Tonga Bible 1986

⁷ Sono ŵanguswa linga la msumba, ndipo ŵanthu wose ŵankhondo ŵanguthaŵa, ŵangutuwa mu msumba ndi usiku munthowa ya likomo lapakati pa malinga ghaŵi, ku munda wa karonga, po ŵaKaldiya ŵanguzinga msumba. Ndipo ŵanguruta kurata ku Araba.

Yeremiya 52:7 ပူးပေါင်းရင်းမြစ်များ

2 ŴaKaronga 25:4

Sono ŵanguswa linga, karonga yo ndi ŵanthu wose ŵankhondo ŵanguthaŵa ndi usiku munthowa yakuya ku likomo la pakati pa malinga ghaŵi, kudumuwa pa munda wakaronga, chingana ŵaKaldiya ŵanguzingirikizga msumba wo, ndipo ŵangulazga ku Araba.

Yeremiya 34:22

Ehe, ndikalanguranga, atiti Ambuya, ndipo ndikaŵawezgiyanga ku msumba uwu; ndipo ŵazamukurwa nawo, ndi kuwocha ndi moto. Ndikachitanga misumba yaku Yuda kuŵa mapopa mwambura wakujamo.”

Yeremiya 39:2

pa zuŵa la chinkhonde ndi chinayi, mu mwezi wa chinayi, mu chirimika cha chumi ndi chimoza muzi ungupankhuka.

Yeremiya 49:26

Chifukwa cho ŵanyamata ŵake ŵakawiyanga mu maluluwa ghake ndipo ŵankhondo ŵake wose ŵakaphwanyikanga mu zuŵa leniliya, atiti Ambuya ŵa maŵanja.

Yeremiya 51:32

vipari vyakwambukapo vyatoreka, vimbumira vwawocheka ndipo ŵankhondo ŵabalarika.

Yeremiya 6:5

“Sokani, tiyeni tichite nkhondo ndi usiku, tiphwanye nyumba zake za ufumu!”

Ezekiele 12:12

Fumu yo ye mukati mwawo yikapinganga katundu pa phewa lake mu mdima, ndipo yikarutanga, yikakumbanga chimati ndi kuporota penipo; yibenekeriyenge chisku chake, mwakuti yireke kuwona charu ndi maso ghake.

Ezekiele 12:4

Utuzgi katundu wako ndi msana pa maso ghawo, nge ndi katundu wa umkoli; ndipo iwe wamwene ukarutanga ndi mazulo iwo ŵachilereska, nge ndimo ŵanthu ŵakuya ku umkoli ŵatenere kuchitiya.

Ezekiele 33:21

Pa zuŵa la chinkhonde la mwezi wa chumi, mu chirimika cha chumi ndi viŵi cha uŵanda widu, munthu yo wanguthaŵa ku Yerusalemu wanguza kwaku ine, wanguti, “Msumba wawa.”

ŴaLevi 26:17

Ndikapindikananga namwe, ndipo mukapumikanga paurongo pa ŵamawongo ŵinu; ŵanthu ŵakumutinkhani ndiwo ŵakakuwusaninga, inya mwazamuthaŵa ndi penipo palivi wakumudikiskani.

ŴaLevi 26:36

Ndipo ndikatumanga kulakatuka mu mitima yaku wo ŵaku imwe, wo ŵakasiyikangamo po ŵe mu vyaru vya ŵamawongo ŵawo; ŵakathaŵanga pakuvwa muswayo wa jani lakuputa, ŵakathaŵanga ulaka ndi yo wathaŵa lipanga, ndipo ŵakawanga pasi penipo palivi wakuŵandondoloska.

Amosi 4:3

Ndipo mwamuturiya mu madangazi, we yose paku lo lepafupi nayo; ndipo mwamupong'eka ku Harmoni,” atiti Ambuya.

Marangu 28:25

“Ambuya akamuchitaninga kuti mupundike paurongo pa ŵamawongo ŵinu, mukaŵayukiyanga nthowa yimoza ndipo mukathaŵanga nthowa zinkhonde ndi ziŵi paurongo pawo, ndipo mukagwedukiyanga pasi pa maufumu ghose gha charu chapasi.

Marangu 32:30

Kumbi yumoza waziŵa uli kudikiska chikwi chimoza, ndi ŵaŵi kudikiska vikwi chumi kwambura kuti jarawe lawo lingaŵaguliska, ndipo Ambuya angaŵapereka?