Yeremiya 52:4 - Tonga Bible 1986

⁴ Ndipo mu chirimika cha chinkhonde ndi chinayi cha muwusu wake, mwezi wa chumi, pa zuŵa la chumi la mwezi, Nebukadanezara karonga wa Babiloni wanguza ndi nkhondo yake yose pa Yerusalemu, wanguwuzinga ndipo wanguzenga vyakuwuzingiya kwakuzunguliya.

Yeremiya 52:4 ပူးပေါင်းရင်းမြစ်များ

Yesaya 29:3

Ndikagoŵanga kumikana namwe kwakuzunguliya kweti, ndipo ndikakuzinganinga ndi vitanthali ndikasoskanga nchitu zakukuzingani imwe.

Yeremiya 21:2

“Tifumbiyeni ku Ambuya, pakuti Nebukadanezara karonga wa Babiloni wachita nafwe nkhondo; pamwenga Ambuya akatichitiyanga kwakulingana ndi nchitu zawo zose, vinu akamuwezgiyanga vuli.”

Yeremiya 32:24

Ehe, vidya vya ŵakuzinga vyafika ku msumba kuti ŵauthereske; ndipo chifukwa cha lipanga ndi chilala ndi chideru, msumba waperekeka ku ŵaKaldiya ŵeniwo ŵarwana ndi msumba wo. Chenicho imwe mungukamba chafiskika, ndipo ehe, mutichiwona.’

Yeremiya 34:1

Mazu ghanguza kwaku Yeremiya kutuwa ku Ambuya, penipo Nebukadanezara, karonga wa Babiloni ndi ŵankhondo ŵake wose, ndi maufumu ghose ghenigho wanguusa ndi ŵanthu wose ŵarwananga ndi Yerusalemu ndi misumba yake yose:

Yeremiya 39:1

Mu mwezi wa chumi, chirimika cha chinkhonde ndi vinayi chaku Zedekiya karonga waku Yuda, Nebukadanezara karonga wa Babiloni ndi wumba wake wose wa nkhondo ŵanguza kurwana ndi Yerusalemu ndipo ŵanguwuzinga;

Yeremiya 4:17

Ŵazunguliya Yerusalemu kumunanga uli mbalonda ŵa munda, chifukwa wandigarukiya ine, atiti Ambuya.

Yeremiya 52:7

Sono ŵanguswa linga la msumba, ndipo ŵanthu wose ŵankhondo ŵanguthaŵa, ŵangutuwa mu msumba ndi usiku munthowa ya likomo lapakati pa malinga ghaŵi, ku munda wa karonga, po ŵaKaldiya ŵanguzinga msumba. Ndipo ŵanguruta kurata ku Araba.

Ezekiele 21:22

Mu janja lake la marghe mutuwa mphenduzga yapa Yerusalemu, kujura mlomo ndi kuliya, kusoska mazu ndi kubangula, kumika vyakugumuliya pa malikomo, kuviwunjika vimbumira, kuzenga vitanthali vya nkhondo.

Ezekiele 21:27

Phasulu, phasulu, ndichichitenge phasulu; kuti mukaŵanga kanthu kakuwonekamo so cha mpaka po waza, yo iyo ndiyo mweneko; kwaku iyo ndikachiperekanga.

Ezekiele 26:8

Ku mtunda wakabayanga ŵana ŵako ŵanthukazi ndi lipanga; wakakuzengiyanga linga, ndi kuwunjika chimbumira paku iwe, ndi kusoska mtenje wa zinguru paku iwe.

Ezekiele 33:21

Pa zuŵa la chinkhonde la mwezi wa chumi, mu chirimika cha chumi ndi viŵi cha uŵanda widu, munthu yo wanguthaŵa ku Yerusalemu wanguza kwaku ine, wanguti, “Msumba wawa.”

Ezekiele 40:1

Mu chirimika cha machumi ghaŵi pachanya vinkhonde cha uŵanda widu, pakwamba kwa chirimika, pa zuŵa la chumi la mwezi, mu chirimika cha chumi ndi vinayi pavuli pakuthereskeka kwa msumba, pa zuŵa leniliya ilo, janja la Ambuya linguŵa paku ine,

ŴaLevi 26:25

Ndipo nkhatolenga nkhondo paku imwe yo yikatayiyanga thayu phanganu lo. Asani mukawungananga mu misumba yinu nkhatumanga zinthenda mukati mwinu, ndipo mukaperekekanga mu janja la murwani winu.

Zekariya 8:19

“Viyo atiti Ambuya ŵa maŵanja: Kufunga kwa mwezi wachinayi, ndi kufunga kwa wachinkhonde, ndi kufunga kwa wa chinkhonde ndi chiŵi, ndi kufunga kwa wa chumi, kukaŵanga ku nyumba yaku Yuda mu nyengo za likondwa ndi chimwemwe, ndi madghera ghakusangaruska; viyo mwanje uneneska ndi chimangu.

Luka 19:43

Pakuti ghafikiyenge pako mazuŵa penipo ŵamawongo ŵako ŵakunjirinjiskiyenge nthembwe, ndi ŵakuzingirizgenge, ndi ŵakuvimbizgenge kosekose,

Luka 21:20

“Kweni penipo mukawonanga Yerusalemu wazungurizgika ndi maugoŵi, ziŵani penipo kuti laŵandika phasulu lake.