Yeremiya 52:3 - Tonga Bible 1986

³ Kwakunenenska chifukwa cha kukwiya kwa Ambuya vinthu vyenga viheni mu Yerusalemu ndi Yuda, pakuti wanguŵadikiskapo pa maso ghake. Zedekiya wangugarukiya karonga wa Babiloni.

Yeremiya 52:3 ပူးပေါင်းရင်းမြစ်များ

Chiyambo 4:14

Awonani, mwandidikiska msana wale ku nyata; ndipo ndikabisikanga chisku; ndipo ndikaŵanga wakuthaŵathaŵa ndi wakiyingayinga pa charu chapasi, ndipo we yose wakundisaniya wakandibayanga.”

Chiyambo 4:16

Viyo Kaini wangutuwapo pa maso pa Ambuya, ndi wanguja mu charu cha Nodi, ku vuma kwa Edeni.

2 Samuele 24:1

Ndipo ukari wa Ambuya ungukore so pa ŵaYisraele, angusoska Davidi kumikana nayo, akuti, “Ruta, ukaŵerenge ŵaYisraele ndi ŵaYuda.”

1 ŴaKaronga 10:9

Watumbikike Mbuya Chiuta winu, yo ngwakukondwere mwaku imwe ndi kumujarikani pa chitengo chaku Yisraele! Chifukwa Ambuya ŵangwanja Yisraele muyaya, akuchitani imwe kuŵa karonga, kuti muchitenge cheruzgu chirunji ndi ukongorekwa.”

2 ŴaKaronga 17:18

Chifukwa cho Ambuya angukara ukongwa ndi Yisraele, ndipo anguŵatuzgapo pa maso pawo, pengavi yumoza wangujapo kweni khamu laku Yuda pe.

2 ŴaKaronga 17:20

Viyo Ambuya ŵangujowo mphapu yaku Yisraele anguŵayuzga ndipo anguŵapereka mu janja la ŵakunanga mpaka penipo anguŵadikiskapo pa chisku chawo.

2 ŴaKaronga 17:23

mpaka, penipo Ambuya angumutuzgako Yisraele ku maso ghawo, nge ndimo angurongolere mu ŵateŵeti ŵawo wose ŵamchimi. Viyo Yisraele wangutuzgikamo mu charu chapa mtima wawo kuya ku Asiriya mpaka zuŵa lino.

2 ŴaKaronga 24:20

Pakuti chifukwa cha ukari wawo chingufiskika ichi mu Yerusalemu ndi Yuda Ambuya anguŵadikiska pa maso ghawo. Ndipo Zedekiya wangugaruka ku karonga wa Babiloni.

2 Mikoka 36:13

Ndipo so wangugarukiya karonga Nebukadanezara yo wangumlapiska ndi Chiuta, wangunonopa khosi lake ndi kunonopeska mtima wake kureka kukwere kwa Ambuya Chiuta waku Yisraele.

Ezra 4:15

Sono lisandike buku la makani ghakale gha ŵambuyamwe. Mu buku la makani musaniyenge ndi kuwamo nadi kuti muzi uwu ngwachigaruka, wachitiya uheni ŵakaronga ndi vyaru, ndi kuti chigaruka chikuyuskikamo ndi kale. Chifukwa ichi ungupasulika.

Nthanthi 28:2

Asani charu chituswa dangu chendi ŵeruzgi ŵanandi; kweni ndi ŵanthu ŵakuwamo ndi ŵachinjeru ukhovu wake ukakiyangakiyanga nyengo yitali.

Wakutaula 10:16

Owe iwe, mtunda we, penipo karonga wako ndi mwana, ndi mafumu ghako ghaturgha madghera ndi mlenji.

Yesaya 19:4

ndikaperekanga ŵaEgipiti mu janja la mbuya munonono; ndipo karonga wakofya wakaŵausanga, atiti Ambuya, Ambuya ŵa maŵanja.

Yesaya 3:1

Pakuti, ehe, Ambuya, Ambuya ŵa maŵamja, atuzgamo mu Yerusalemu ndi mwaku Yuda nchilikiliro ndi ndodo, nchilikiliro yose ya chiŵande ndi nchilikiliro yose ya maji,

Yesaya 36:5

Kumbi ughanaghana kuti mazu ghawaka mkhurwa ndipo ndi nthazi za nkhondo? Kumbi sono uyegeme paku yani po wandigarukiya?

Yeremiya 15:1

Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!

Yeremiya 7:15

Ndipo ndikakudikiskaninga ku chisku changu, uli ndimo ndingudikiskiya ŵabali ŵinu, mphapu yose yaku Efraimu.