Yeremiya 52:1 - Tonga Bible 1986

¹ Zedekiya po wangusere ukaronga wenga wa virimika machumi ghaŵi pachanya chimoza ndipo wanguwusa virimika chumi pachanya chimoza mu Yerusalemu. Zina la anyina lenga Hamutala mwana munthukazi waku Yeremiya waku Libina.

Yeremiya 52:1 ပူးပေါင်းရင်းမြစ်များ

2 ŴaKaronga 23:31

Jehoahazi wenga wa virimika machumi ghaŵi ndi vitatu wachamba kuwusa, ndipo wanguwusa myezi yitatu mu Yerusalemu. Zina la anyina lenga Hamutala mwana munthukazi waku Yeremiya waku Libina.

2 ŴaKaronga 24:18

Zedekiya wenga wa virimika machumi ghaŵi ndi chimoza mu ula wake po wanguŵa karonga, ndipo wanguwusa virimika chumi ndi chimoza mu Yerusalemu. Zina la nyina Lenga Hamutala mwana munthukazi waku Yeremiya waku Libna.

2 ŴaKaronga 25:1

Mu chirimika cha chinkhonde ndi vinayi cha muwusu wake pa zuŵa la chumi la mwezi, Nebukadanezara karonga waku Babiloni wanguza ndi nkhondo yake yose kuzachirwa ndi Yerusalemu, ndipo ŵanguwuzinga, ŵanguwuzingirizga ndi tumalinga.

2 ŴaKaronga 8:22

Viyo Edomu wangugarukako ku muwusu waku Yuda mpaka zuŵa lino; Libina nayo wangugaruka pa nyengo yeniyo yimoza pe.

2 Mikoka 36:11

Zedekiya wenga wavirimika machumi ghaŵi ndi chimoza wachamba kuwusa, ndipo wanguwusa virimika chumi ndi chimoza mu Yerusalemu.

Yesaya 37:8

Muthenga yo wanguwe, ndi wangusaniya karonga wa Asiriya waturwa ndi Libna, pakuti wanguvwa kuti karonga wangutuwako ku Lakisi.

Yeremiya 21:1

Yagha ndigho mazu ghanguza kwaku Yeremiya kutuwa ku Ambuya, pa nyengo yo karonga Zedekiya wangutuma kwaku iyo Pashuru mwana waku Malkiya, ndi Zefaniya mzukuru yo, mwana waku Maseya, wakunena kuti,

Yeremiya 39:1

Mu mwezi wa chumi, chirimika cha chinkhonde ndi vinayi chaku Zedekiya karonga waku Yuda, Nebukadanezara karonga wa Babiloni ndi wumba wake wose wa nkhondo ŵanguza kurwana ndi Yerusalemu ndipo ŵanguwuzinga;

Yeremiya 51:59

Mazu gho Yeremiya mchimi wangulanguliya Seraya mwana waku Neriya, mwana waku Maseya, penipo wanguruta ndi Zedekiya karonga waku Yuda ku Babiloni, mu chirimika cha chinayi cha muwusu wake, Seraya wenga nduna yira ya nkhondo yakugaŵa vya nkhondo.

Habakuku 1:17

Kumbi wapong'enge mukwawo kaŵikaŵi, kubaya ŵamitundu kwambura lisungu muyaya?

Yoswa 10:29

Pavuli Yoswa ndi Yisraele yose pamoza nayo, wangurutiliya kutuwa pa Makeda kuya ku Libina, wangurwana ndi Libina;

Yoswa 15:42

Libina, Etere, Ashana,