Yeremiya 51:44 - Tonga Bible 1986

⁴⁴ Ndipo ndikalanganga Belo mu Babiloni, ndi kutuzgamo mu mlomo wake cho wakumeza. Mitundu kuti yikazanga kwaku iyo cha; linga la Babiloni lawa.

Yeremiya 51:44 ပူးပေါင်းရင်းမြစ်များ

2 Mikoka 36:7

Nebukadanezara wanguto viyaŵi vyamu nyumba yaku Chiuta kuruta navyo ku Babiloni, wanguviŵika mu kasopi wake ku Babiloni.

Jobu 20:15

Wameza usambasi, ndipo watiwuwukuwa so; Chiuta watiwutuzga kutuwa munthumbo yake.

Yesaya 2:2

Ghazamufiskika mu mazuŵa gha pavuli kuti phiri la nyumba ya Ambuya lazamchitika kuŵa litali kwakuruska mapiri ghanyake, ndipo lazamtumphuskika pachanya pa mithuthu; ndipo makhamu ghose ghazamuwungana kwaku lo,

Yesaya 21:9

Ndipo ehe, eyaŵa ŵatuza ŵapa ŵaKavalo, ŵatenda ŵaŵi-ŵaŵi!” Ndipo iyo ŵangwamuka, “Wawa, wawa Babiloni; ndipo vyangoza vyose vya ŵachiuta ŵake waswiya pasi.”

Yesaya 60:5

Sono ŵakawonanga ndipo ukaŵalanga ndi chimwemwe mtima wako ukaziyanga ndi kujikuzga; chifukwa usambasi wa nyanja ukang'anamukiyanga kwaku iwe, usambasi wa mitundu ukazanga kwako.

Yeremiya 50:15

Bangulani paku iyo kwakuzunguliya, wathera; malinga ghake ghawa, vimati vyake vyagumulikiya pasi. Pakuti iti ndi thayu la Ambuya: chitani thayu paku iyo, muchitiyeni nge ndimo iyo nayo wachitiya.

Yeremiya 50:2

“Ŵandiska mukati mu mitundu ndi memeza, umike mbendera umemeze, ungabisanga cha, kamba kuti: ‘Babiloni watoreka Belo walengeskeka, Merodaki wadika nthazi. Vikozgu vyake vyalengeskeka ŵangoza ŵake ŵamara nthazi.’

Yeremiya 51:18

Vya wakawaka, nchitu yakupusika; pa nyengo ya kulangika kwawo vikamaranga.

Yeremiya 51:34

“Nebukadanezara karonga wa Babiloni wandirgha ine, wandiphwanya; wandichita kuŵa chiyaŵi chiyumu, wandimeza ulaka ncha nchalinda: wazaza nthumbu yake ndi vyakunowa vyangu, wandikana ine.

Yeremiya 51:47

“Chifukwa cho, ehe, mazuŵa ghakazanga po ndazamulanga vyangoza vya Babiloni; charu chake chose chikalengeskekanga, ŵakubayika ŵake ŵakaŵanga mukati mwake.

Yeremiya 51:53

Chingana Babiloni wangakwere kuchanya, chingana wangazingirizga mitunthu yake yitali ndilinga, wakazanga mbwenu wakuphwanya kutuwa kwaku ine, atiti Ambuya.

Yeremiya 51:58

“Viyo atiti Ambuya ŵa maŵanja: Linga lisani la Babiloni likabwangandulikiyanga pasi ske; ndipo malikomo ghake ghatali ghochekenge ndi moto. Ŵanthu ŵatakataka kwambura kanthu, ndipo mitundu yitijivuska yeneko chifukwa cha moto pe.”

Danyele 1:2

Ndipo Ambuya angupereka Yehoyakimu karonga waku Yuda mu janja lake, pamoza ndi viyaŵi vinyake vya nyumba yaku Chiuta. Wanguvitole ku charu cha Shinara, mu nyumba yaku chiuta wake; ndi wanguviŵika viyaŵi mu malo ghakusungiyamo usambasi waku Chiuta wake.

Danyele 3:29

Chifukwa ichi ndilangula kuti, ŵanthu wose, mitundu yose, pamwenga kakambidu, ŵakukamba kanthu kose kumikana ndi Chiuta waku Shadreke, Mesheke, Abedenego, ŵakadumulikanga chiŵaru ndi chiŵaru, ndi nyumba zawo zikasanduskikanga makunthu; chifukwa kulivi Chiuta munyake yo waziŵa kutaska viyo.”

Danyele 4:1

Karonga Nebukadanezara ku ŵanthu, mitundu, ndi makambidu; ŵakuja mu charu chose chapasi; Chimangu chandaniskike kwaku imwe!

Danyele 4:22

ndimwe, karonga, mwakuwa ndi mwaŵa wanthazi. Ukuru winu wakuwa kufika kuchanya, ndi muwusu winu wafika ku mpherekezgu za charu chose chapasi.’

Danyele 5:19

ndipo chifukwa chakuzirwa ko wangumupaska, ŵanthu wose, mitundu ya ŵanthu, ndi makambidu ŵangutenthema ndi kopa paurongo pake. Yo wangukhumba kubaya, wangubaya, ndipo yo wangukhumba kusunga, wangumsunga wamoyo. Yo wangukhumba kumsoska, wangumsoska; ndipo yo wangukhumba kusiska, wangumsiska.

Danyele 5:26

Yaka ndikokang'anamuridu kake: MENE, Chiuta waŵerenga unandi wa mazuŵa gha ufumu winu ndi kughamara;

Danyele 5:31

ndipo Dariusi muMede wanguto ufumu, wenga ndi virimika machumi ghankhonde ndi limoza pachanya viŵi (62).