Yeremiya 51:18 - Tonga Bible 1986

¹⁸ Vya wakawaka, nchitu yakupusika; pa nyengo ya kulangika kwawo vikamaranga.

Yeremiya 51:18 ပူးပေါင်းရင်းမြစ်များ

Chituwa 12:12

Pakuti ndikarutanga mu charu chose cha Egipiti, mu usiku uwa, ndi nkhabayanga wana ŵaumwali wose ŵa ŵanthu ndi ŵa nyama; ndipo pa ŵachiuta wose ŵaEgipiti ndikachitanga cheruzgu: Ndine Ambuya.

Yesaya 19:1

Vyakukambika vya pa Egipiti. Ehe, Ambuya akwera pa mtambo wakupusumpha ndipo atuza ku Egipiti; ndipo ŵangoza ŵa Egipiti ŵakanjenjemanga pakuŵapo iwo, ndipo mitima ya ŵaEgipiti yikasongonokanga mukati mwawo.

Yesaya 2:18

Ndipo ŵangoza ŵakamaranga, kujako so cha.

Yesaya 46:1

Belo wajikama pasi, Nebo wakotama, ŵangoza ŵawo ŵe pa viŵetu ndi ng'ombe; ivi vinthu mupinga vinyekezgeka uli ndi katundu pa nyama zakuvuka.

Yesaya 57:12

Ndikokhomenge gha urunji winu ndivyenivyo muchita, kweni kuti vimovyeninge cha.

Yeremiya 10:11

Viyo ndimu ukambiye kwaku wo: “Ŵachiuta ŵeniwo ŵengavi kulenga machanya ndi charu chapasi ŵakamaranga mu charu chapasi ndi kusi ku mitambo.”

Yeremiya 10:14

Munthu yose ngwakupusa ndi wambura chinjeru; ŵangoza ŵalengeska misiri wakuŵapanga, pakuti vikozgu vyake vya utesi, mulivi mvuchi mwaku wo.

Yeremiya 10:15

Mbaŵakaŵaka, ndi nchitu yakufuvya; panyengo ya kulangika kwawo ŵakamaranga.

Yeremiya 10:8

Mbakupusa ndi ŵazereza, kusambizga kwa ŵangoza nchimuti pe!

Yeremiya 18:15

Kweni ŵanthu ŵangu ŵandiruwa ine, ŵatoche sembe ku ŵachiuta ŵatesi; ŵaguŵa mu nthowa zawo, mu miseu ya mwaka, ndipo ŵasere mu tunthowa twakudumuwa, ŵareka mseu ukuru,

Yeremiya 46:25

Ambuya Chiuta wa maŵanja, Chiuta waku Yisraele, wanguti: “Ehe, ndituza ndi kulanga paku Amoni waku Tebesi ndi Farao ndi Egipiti ndi ŵachiuta ŵake ndi ŵakaronga ŵake, paku Farao ndi wose ŵakugomekezga mwake.

Yeremiya 48:7

Chifukwa mungugomezga mu malinga ghinu ndi mu chuma chinu, imwe namwe mukatolekanga; ndipo Kemoshi wakarutanga ku umkoli, ŵazukuru ŵake ndi mafumu ghake.

Yeremiya 50:2

“Ŵandiska mukati mu mitundu ndi memeza, umike mbendera umemeze, ungabisanga cha, kamba kuti: ‘Babiloni watoreka Belo walengeskeka, Merodaki wadika nthazi. Vikozgu vyake vyalengeskeka ŵangoza ŵake ŵamara nthazi.’

Ezekiele 6:6

Kweniko kose muja misumba yinu yikapasukanga, malo ghinu gha pachanya ghazgokenge mapopa, viyo kuti majochero ghinu ghakapasukanga ghakaŵanga mayiyi, ŵangoza ŵinu kufyoka ndi kuparghangika, majochero ghinu gha vyakusunkhizga ghakadumulikiyanga pasi, nchitu zinu zikamaranga.

Yona 2:8

Wo ŵaphwere vyangoza vya utesi, ŵataya kujithereska kwawo kwakuneneska.

Zefaniya 2:11

Ambuya aŵenge akofya kwaku iwo; awondeskenge ŵachiuta wose panu pasi, ndipo kwaku iyo ŵangwadiyenge ŵanthu ŵa mitundu yose mu charu chawo ndi chawo.

Machitidu gha Ŵakutumika 14:15

“Mwaŵanthu, chifukwa chine muchita ichi? Nafwe te ŵanthu kwakulingana ndi imwe, taŵakutauliya imwe evangeli, kuti kutuwa ku vyawaka vyenivi mung'anamukiye kwaku Chiuta wamoyo, mweniyo wangwata kuchanya ndi pasi ndi nyanja, ndi vyose vyamwenimo: