Yeremiya 51:16 - Tonga Bible 1986

¹⁶ Wachikamba mazu ghake, maji ghanandi ghatuwa mu machanya, ndipo wang'iska nyankhuŵinda, kutuwa ku maumari gha charu chapasi. Wachitiska malimphezi ghapaske vuwa, ndipo watuzga mphepo mu vyakusungiyamo vyake.

Yeremiya 51:16 ပူးပေါင်းရင်းမြစ်များ

Chiyambo 8:1

Kweni Chiuta wangukumbuka Nowa ndi nyama zose ndi vyakuŵeta vyo vyenga nayo pamoza mu ngaraŵa. Ndipo Chiuta wanguputiska mphepo pa charu, ndipo maji ghangutheruka.

Jobu 37:13

Pamwenga nchifukwa chakuyirunjiska, pamwenga nchifukwa cha charu chake, pamwenga nchifukwa cha chanju chake, wativichita kuti viŵeko.

Jobu 38:22

“Kumbi waseremo mu zinyumba zakusungiyamo nyankhuŵinda, pamwenga mu malo ghakusungiyamo matarara,

Jobu 40:9

Kumbi wendi janja nge ndi Chiuta, ndipo kumbi ungaziŵa kuguluruska ndi mazu ghako nge ngake?

Sumu 104:7

Kweni po imwe munguchenya maji ghanguthaŵa; penipo ghanguvwa kukambura kwinu kwa kulangula, ghanguŵiriŵitiya kutali.

Sumu 135:7

Ndiwo asoka mitambo kutuwa ku vigoti vya charu chapasi; achitiska malimphezi ghapaske vuwa, ndi kutuzga mphepo mu vyakusungiyamo vyake.

Sumu 147:18

Wapaska langulu, ndipo visongonoka, watuma mphepo, ndipo maji ghataŵala.

Sumu 18:13

Ambuya nawo angudiririska kuchanya. Apachanya limu angutuzga mazu ghawo, matalala ndi maka gha moto.

Sumu 46:6

Yinguuruma mitundu, ghangusukunika maufumu; wakamba mazu ghake, charu chapasi chisongonoka.

Sumu 68:33

Kwaku iwo ŵakugara pa mitambo, pa mitambo ya mwaka! Tegherezgani kwaku iwo, kamburani ndi kubangura kwa nthazi!

Sumu 78:26

Wangutuma mphepo ya kuvuma kuti yipute kuchanya, ndipo ndi nthazi yake wanguvunduwa mphepo yake malaŵi;

Chituwa 10:13

Viyo Mosese wangutambaruliya ndodo yake pa charu cha Egipiti, ndipo Ambuya anguputiska mphepo yaku vuma pa charu zuŵa lose liya ndi usiku wose wuwa; ndipo kunguti kwacha ndi mlenji mphepo yiya yaku vuma yinguza ndi ŵazombe.

Chituwa 10:19

Ndipo Ambuya angung'anamuwa mphepo ya nthazi ukongwa yaku zambwe, yeniyo yingusoska ŵazombe ndi kuŵaputiskiya mu Nyanja Yiyera, kuti mungusiyika zombe nanga njumoza cha mu charu cha Egipiti.

Chituwa 14:21

Sono Mosese wangutambaruliya janja lake pa nyanja; ndipo Ambuya angudikiskiya vuli nyanja ndi mphepo ya nthazi yaku vuma usiku wose, ndipo nyanja anguyisanduska mtunda uyumu ndipo maji ghangugawukana.

Ezekiele 10:5

Kugunda kwa mapapa gha makerubi kunguvwika mpaka ku luluwa la kubwaro, ulaka ndi mazu ghaku Chiuta Wanthazizose pa warongoro.

Amosi 9:7

“Kumbi kuti mwenge mbaEtiopia cha kwaku ine, imwe mwa ŵanthu ŵaku Yisraele?” atiti Ambuya. “Kumbi kuti ndinguŵatuzga cha ŵaYisraele mu charu cha Egipiti, ŵaFilisti ku Kafitoro; ndi ŵaSiriya ku Kiri?

Yona 1:4

Kweni Ambuya angutuma mphepo yikuru pa nyanja, ndipo kwenga lirondo lanthazi pa nyanja, viyo ngaraŵa yenga pafupi kusweka.

Yona 4:8

Ndipo kunguŵa, penipo lumwi lingutuwa, Chiuta wangunozga mphepo yachifundizi yakuvuma, ndipo lumwi lingumocha pa mutu Yona, wanguziririka; ndipo wanguromba, ndi wanguti, “Nkhwamampha kuti ndifwe kuruska kuja wamoyo.”