Yeremiya 51:11 - Tonga Bible 1986

¹¹ “Norani mivwi! Toni zinguru! Ambuya ayuska ŵakaronga ŵa ŵaMede, kuti ŵabwanganduwe Babiloni, pakuti lenilo ndilo thayu la Ambuya, thayu lapa kasopi wawo.

Yeremiya 51:11 ပူးပေါင်းရင်းမြစ်များ

1 ŴaKaronga 11:14

Ndipo Ambuya anguyuska wakupindikana ndi Solomoni, Hadadi mu Edomu, wenga wa nyumba ya ufumu mu Edomu.

1 ŴaKaronga 11:23

Chiuta wanguyuska so Rezoni mwana waku Eliada, nge ngwakupindikana kwaku iyo, yo wanguthaŵa ku mbuyake Hadadezeri karonga waku Zeba.

1 Mikoka 5:26

Sono Chiuta waku Yisraele wanguvunduwa mzimu waku Puli karonga wa Asiriya, ndi mzimu waku Tilgati-Pilnezara karonga wa Asiriya, ndipo wanguyora wose, ŵine Rubene, Gadi, ndi nusu la fuku laku Manase, wanguza nawo ku Hala, Habori, Hara ndi ku msinji wa Gozani, mpaka zuŵa lino.

2 Mikoka 36:22

Mu chirimika chakudanga chaku Sirusi karonga waku Perese, mwakuti mazu ghaku Chiuta mu mlomo waku Yeremiya ghafiskike, Chiuta wanguyuska mzimu waku Sirusi karonga waku Perese kuti wawandiske mazu mu ufumu wake wose, ndipo wangughalemba, wanguti,

Ezra 1:1

Mu chirimika chakudanga chaku Sirusi karonga waku Perese, Ambuya angutuma Sirusi karonga waku Perese kuti wawandiske uthenga mu ufumu wake wose ndi kuti waulembe, mwakuti mazu gha Ambuya gho Yeremiya wangunena ghafiskike.

Yesaya 10:26

Ndipo Ambuya ŵa maŵanja akasoskiyanga paku wo likwechu, nge ndimo angukosole Midiani pa jarawe la Orebe, ndipo nthonga yawo yikaŵanga pachanya pa nyanja, ndipo akayisoskanga nge ndimo anguchitiya mu Egipiti.

Yesaya 21:2

Chakuwona chizitu chataulika kwangu; wakukwamphuwa wakwamphuwa, wakubwanganduwa wabwanganduwa. Kweliyangako, Elami we, kazenge misasa Media we, kutata kose kwanthazi ko wachitiska iyo ndikamariskanga.

Yesaya 21:5

Ŵarongoso gome, ŵatandika ŵa chali, ŵaturgha, ŵatumwa. Yukani, mwa ŵeruzgi mwe, pakani nguru ndi mafuta!

Yesaya 41:25

Ndinguyuska yumoza ku nkhonde, ndipo waza, kutuliya ko lituwa lumwi, ndipo wakadananga pa zina langu; wakendanga pa ŵakutuduliya uli mpha thuli, uli ndimo muumbi wadiniya dongo.

Yesaya 45:1

Viyo atiti Ambuya ku wakupakika wawo, kwaku Surusi, yo ndakhomeska janja lake la marghe kuthereska mitundu paurongo pake ndi kufwatuwa viunu vya ŵakaronga, kujura makhomo paurongo pake kuti vipata vireke kujarika:

Yesaya 45:5

Ndine Ambuya, ndipo kulivi munyake so, pade paku ine palivi Chiuta; nditukumanga mu chiunu, chingana iwe ureka kundiziŵa,

Yesaya 46:11

Kudana chiyuni chikari kutuwa kuvuma munthu wa fundu yangu kutuwa ku charu cha kutali. Ndarongoro, ndipo ndikafiskanga; ndanozga kuchichita ndipo ndikachitangadi.

Yeremiya 25:25

ŵakaronga wose ŵa Zimri, ŵa Elamu, ndi ŵakaronga wose ŵa Media;

Yeremiya 46:3

“Rongosoni chikopa ndi nguru, ndipo chomiyani ku nkhondo!

Yeremiya 46:4

Mangani ŵakavalo; kwerani, mwa ŵapakavalo mwe! Mume mu malo ghinu ndi visoti vinu, puputani mikondo yinu, vwarani maraya ghinu gha chisulo!

Yeremiya 46:9

Skomani, mwa ŵakavalo mwe, ndipo urumani, mwa magareta! Ŵankhondo ŵatuwe: ŵanthu ŵaku Etiopia ndi Puti ŵeniwo ŵako nguru, ŵanthu ŵaku Ludi, ŵakuziŵiska kuto uta.

Yeremiya 50:25

Ambuya ajura nyumba yawo yakujamo vidya vya nkhondo, ndipo atuzgamo, vidya vya ukari wawo, pakuti Ambuya Chiuta wa maŵanja wendi nchitu yakuchita mu charu cha ŵaKaldiya.

Yeremiya 50:3

“Pakuti kutuliya ku nkhonde mtundu waza kukwere paku iyo, wo ukachitanga charu chake kuŵa mapopa, ndipo paulengevi yumoza wakuja mwenimo; wose munthu ndi nyama ŵakathaŵanga.

Yeremiya 50:45

Chifukwa cho avwani fundu yo Ambuya arongoso kuchita pa Babiloni, ndi maghanaghanu ghawo pa charu cha Kaldiya; kwakuneneska twana twa ku mskambu wawo tukaguzikiyanga kutali; kwakuneneska khora lawo likanangikanga pa soka lawo.

Yeremiya 50:9

Pakuti ehe, ndichiska ndi nditole pa Babiloni mpingu wa mitundu yikuru, kutuwa ku charu chaku nkhonde; ndipo ŵazamkujindandamika paku iyo, kutuwa po ŵakatolekanga. Mivwi yawo ye uli nchiŵinda chakuziŵiska cho kuti manja ghake ghawe waka cha.

Yeremiya 51:12

Mikani mbendera kuratana ndi malinga gha Babiloni; mukhozge ulonda, mikani ŵalonda; rongosoni vivwamba; pakuti Ambuya arongoso ndipo afiska cho angukamba cha pa ŵakuja mu Babiloni.

Yeremiya 51:24

“Ndikamuwezgiyanga Babiloni, ndi wose ŵakuja mu Kaldiya, uheni wose weniwo ŵakuchita mu Zioni imwe muchilereska, atiti Ambuya.

Yeremiya 51:35

Phuzu lo lachitika kwaku ine ndi ku ŵanyangu liŵe pa Babiloni,” ŵakuja mu Zioni ŵakambe viyo. “Ndopa zangu ziŵe pa ŵakuja mu Kaldiya,” ndimu wakambiye Yerusalemu.

Yeremiya 51:36

Chifukwa cho atiti Ambuya: “Ehe, ndikakukambiyanga mlando wako ndi kukutayiya thayu. Ndikamizganga nyanja yake ndi kukamuska chisima chake;

Danyele 5:30

Mu usiku weniuwa Beleshazara karonga wa ŵaKaldiya wangubayika,

Yoele 3:10

Sulani mayembe ghinu ghaŵe malipanga, ndi vipopo vinu viŵe mikondo. Warekeni ŵakulombotoka ŵanene, “Nde chinkhara.”

Yoele 3:9

Wandiskani ichi mu mitundu: nozgani nkhondo; yuskani vinkhara. Ŵarekeni ŵankhondo wose ŵandere pafupi; ŵarekeni ŵakwere.

ŴaLevi 26:25

Ndipo nkhatolenga nkhondo paku imwe yo yikatayiyanga thayu phanganu lo. Asani mukawungananga mu misumba yinu nkhatumanga zinthenda mukati mwinu, ndipo mukaperekekanga mu janja la murwani winu.

Zekariya 14:12

Iyi yiŵenge nthenda ya chigodora yeniyo Ambuya akosonge nayo mitundu yose yo yikarwanga ndi Yerusalemu; nyama yawo yivundiyenge pawima ŵeche kuma, maso ghawo ghavundenge mu vikorongo vyawo, ndi malilimi ghawo ghavundenge mu milomo yawo.

Zekariya 14:2

Chifukwa ndiwunjikenge mitundu yose ya ŵanthu kurwana ndi Yerusalemu, ndipo msumba urondekenge ndi nyumba ziskoŵekenge, ndi ŵanthukazi ŵachichizgikenge; chigaŵa charwande cha msumba chiyorekenge kuruta ku uŵanda, kweni ŵanthu ŵakujako kuti ŵabayikenge cha mu msumba.