Yeremiya 51:10 - Tonga Bible 1986

¹⁰ Ambuya ŵaza ndi uneneska widu; tiyeni, titaule mu Zioni, nchitu ya Ambuya Chiuta widu.

Yeremiya 51:10 ပူးပေါင်းရင်းမြစ်များ

Sumu 118:17

Ine kuti ndikafwanga cha, kweni ndiŵenge wamoyo; ndikambenge vyo Ambuya achita.

Sumu 37:6

Atuzgenge urunji wako pakweru nge nkhungweruka, ndi kweruzga kwako nge ndi msana pakati.

Sumu 64:9

Sono ŵanthu wose ŵakawopanga; ŵakonkhomenge vyo Chiuta watata, ndikughanaghanapo paku vyo wachita.

Sumu 66:16

Zaninga ndi muvwe, mose mwa ŵakopa Chiuta, ndipo nditaulenge vyo wandichitiya.

Sumu 9:14

mwakuti ndikonkhomenge marumbu ghinu ghose, ndi kuti mu malikomo gha mwana munthukazi wa Zioni, ndikondwenge mu utaski winu.

Yesaya 24:14

Ŵasoska mazu ghawo, ŵambiya chimwemwe; pa kuziza kwa Ambuya ŵaŵawata kutuwa ku zambwe.

Yesaya 40:2

Kambani ghakuzikiska mtima Yerusalemu, ndi mubongoliyeni kuti nkhondo yake yamara, uheni wake wagowokereka, pakuti waronde ku janja la Ambuya mwakuwerezga kaŵi pa uheni wake wose.

Yesaya 51:11

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; likondwa la muyaya likaŵanga pa mitu yawo; ŵakalondenga likondwa ndi chimwemwe, chitima ndi mitamanthu vikathaŵiyanga kutali.

Yeremiya 50:28

“Avwani! Ŵathaŵa ndi kunyeremuka ku charu cha Babiloni, kwachitaula mu Zioni thayu la Ambuya Chiuta widu, thayu lapa kasopi wake.

Yeremiya 50:45

Chifukwa cho avwani fundu yo Ambuya arongoso kuchita pa Babiloni, ndi maghanaghanu ghawo pa charu cha Kaldiya; kwakuneneska twana twa ku mskambu wawo tukaguzikiyanga kutali; kwakuneneska khora lawo likanangikanga pa soka lawo.