Yeremiya 50:3 - Tonga Bible 1986

³ “Pakuti kutuliya ku nkhonde mtundu waza kukwere paku iyo, wo ukachitanga charu chake kuŵa mapopa, ndipo paulengevi yumoza wakuja mwenimo; wose munthu ndi nyama ŵakathaŵanga.

Yeremiya 50:3 ပူးပေါင်းရင်းမြစ်များ

Chiyambo 6:7

Viyo Ambuya anguti, “Ndisisitenge munthu yo ndalenga kumutuzga mu charu, munthu ndi nyama ndi vyakukwaŵa ndi viyuni vya mude, chifukwa nde wachitima kuti ndinguvichita.”

Chituwa 12:12

Pakuti ndikarutanga mu charu chose cha Egipiti, mu usiku uwa, ndi nkhabayanga wana ŵaumwali wose ŵa ŵanthu ndi ŵa nyama; ndipo pa ŵachiuta wose ŵaEgipiti ndikachitanga cheruzgu: Ndine Ambuya.

Yesaya 41:25

Ndinguyuska yumoza ku nkhonde, ndipo waza, kutuliya ko lituwa lumwi, ndipo wakadananga pa zina langu; wakendanga pa ŵakutuduliya uli mpha thuli, uli ndimo muumbi wadiniya dongo.

Yesaya 45:1

Viyo atiti Ambuya ku wakupakika wawo, kwaku Surusi, yo ndakhomeska janja lake la marghe kuthereska mitundu paurongo pake ndi kufwatuwa viunu vya ŵakaronga, kujura makhomo paurongo pake kuti vipata vireke kujarika:

Yeremiya 21:6

Ndikapumanga ŵakuja mu muzi uwu, munthu ndi nyama pamoza; ŵakafwanga ndi chideru chikuru.

Yeremiya 50:9

Pakuti ehe, ndichiska ndi nditole pa Babiloni mpingu wa mitundu yikuru, kutuwa ku charu chaku nkhonde; ndipo ŵazamkujindandamika paku iyo, kutuwa po ŵakatolekanga. Mivwi yawo ye uli nchiŵinda chakuziŵiska cho kuti manja ghake ghawe waka cha.

Yeremiya 51:11

“Norani mivwi! Toni zinguru! Ambuya ayuska ŵakaronga ŵa ŵaMede, kuti ŵabwanganduwe Babiloni, pakuti lenilo ndilo thayu la Ambuya, thayu lapa kasopi wawo.

Yeremiya 51:48

Sono machanya ndi charu chapasi, ndi vyose vya mukati mwawo vyazamumbiya likondwa paku Babiloni; pakuti ŵakupasuwa ŵakazanga paku wo kutuliya ku nkhonde, atiti Ambuya.

Yeremiya 51:62

ndipo ukati, ‘Ambuya mwe, mukukamba gha pa malo yagha kuti mukaghadumuwangako, alinga kuti palivi cho chikajangamo, chingana ndi munthu, nanga ndi nyama, ndipo ghakaŵaanga mapopa muyaya.’

Yeremiya 7:20

Chifukwa cho atiti Ambuya Chiuta; Ehe, kukwiya kwangu ndi ukari wangu vikapungulikiyanga pa malo yagha, pa munthu ndi nyama, pa miti yamu minda ndi chipasi chapa nyata. Vikawochekanga ndipo kuti vikazimwikanga cha.”

Yeremiya 9:10

“Dangani kuliya ndi kwenjerwa chifukwa cha mapiri, tenjeni chifukwa cha mauliska gha mubozwa, chifukwa ghachitika mapopa palivi yo waporotamo, ndipo kubama kwa ng'ombe kuti kuvwika cha; vyose viyuni vya mude ndi nyama za mudondo vyathaŵa kuti viwoneka so cha.

Yeremiya 9:11

Ndikachitanga Yerusalemu ndundu, ya vyakunangika, mphanji mwakugona ŵakambwe; ndipo ndikayichitanga mizi yaku Yuda kuŵa mapopa, yambura ŵakujamo.”

Zefaniya 1:3

“Ndimarenge munthu ndi chinyama; ndimarenge viyuni vya mude ndi somba zamu Nyanja. Ndiparghang'enge ŵaheni; nkhatuzgangamo ŵanthu wose mu charu,” atiti Ambuya.