Yeremiya 5:31 - Tonga Bible 1986

³¹ ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

Yeremiya 5:31 ပူးပေါင်းရင်းမြစ်များ

1 ŴaKaronga 22:6

Sono karonga ŵaYisraele wanguwungang'a pamoza ŵamchimi, akhumba ŵanthu machumi pe chumi ghanayi, wanguti kwaku wo, “Kumbi ndirutenge ku nkhondo kwachirwa ndi Ramoti-gileada, pamwenga ndireke?” Ndipo iwo ŵanguti, “Kweriyaniko; chifukwa Ambuya akawuperekanga mu janja la karonga.”

Nthanthi 17:4

Wakuchita uheni wategherezga kumilomo ya mphulupulu; ndipo mutesi wategherezga ku lilime lakusovya.

Yesaya 10:3

Mukachitanganje mu zuŵa la chilangu, mu lirondo lo likatuwanga kutali? Nkhwakuyani ko mukachimbiriyanga kusaniya chovyo ndipo usambasi winu ukasiyikanga pani?

Yesaya 20:6

Ndipo ŵakuja mu charu ichi cha likumba wakakambanga mu zuŵa liya, ‘Ehe, ichi ndichu chachitika kwaku wo tingugomekezga mwawo ndi kwaku wo tachimbiriyanga kovyeka, kuti titaskike ku karonga wa Asiriya! Na ifwe, tikapozomokanga uli?’ ”

Yesaya 33:14

Ŵakulakwa mu Zioni ŵatopa; kunjenjeme kwakunga ŵambura uchiuta: “Njani mukati mwidu yo wangaja pamoza ndi moto wakocha? Njani mukati mwidu yo wangaja pamoza ndi kunyeka kwa muyaya?”

Yesaya 43:27

Auskemwe ŵakudanga ŵangulakwa, ndipo ŵamwenda pakati ŵinu ŵangundinangiya.

Yesaya 47:7

Munguti, “Tikaŵanga ŵakuusa muyaya,” viyo kuti munguvighanaghana cha vinthu ivi, pamwenga kukumbuka umari waku vyo.

Yeremiya 12:4

Charu chikatenjenga mpaka zuŵanji, mpaka zuŵanji uteka wamu minda yose ukamiranga? Chifukwa cha mautimbanizi ghaku wo ŵaja mwenimo vinyama ndi viyuni vyakukurwa; chifukwa ŵanthu ŵanguti, “Kuti wakawonanga umari widu cha.”

Yeremiya 14:14

Ndipo Ambuya anguti kwaku ine: “Ŵamchimi ŵachima mautesi mu zina langu: ine kuti ndinguŵatuma, chingana nkhuti ndinguŵalanguliya cha, nanga nkhurongoronawo cha. Ŵachima kwaku imwe viwona vya utesi, ŵabwebweta waka, ndi kupisika kwa mu mitima yawo.

Yeremiya 26:7

Ŵazukuru, ŵamchimi ndi ŵanthu wose ŵangumuvwa Yeremiya wachikamba mazu yagha mu nyumba ya Ambuya.

Chitenje 1:9

Unyakazi wake wenga mu vivwalo vyake, kuti wangughanaghanako gha phasulu lake cha; chifukwa cho kubwanganduka kwake nkhwakofya, walivi msangaruski. “Ambuya mwe, teskani suzgu yangu, pakuti murwani waphanda!”

Chitenje 2:14

Ŵamachimi ŵako ŵakuwone iwe vyakuwona vyakupusika ndi vitesi; ŵalivi kuvumbuwa uheni wako, alinga kuti ŵawezge umampha wako, kweni ŵakuwone iwe vyakuwona vyakupusika ndi vyakukurandizga.

Chitenje 4:13

Ichi chenga chifukwa cha mauheni gha ŵamchimi ŵake ndi kunanga kwa ŵazukuru ŵake, ŵeniwo ŵangudiska mukati mwake, ndopa za ŵanthu ŵarunji.

Chitenje 4:18

Ŵanthu ŵangukhazga mendedu ghidu mwakuti tireke kwenda mu miseu yidu; umari widu ungundere pafupi; mazuŵa ghidu ghangukwana; pakuti umari widu unguza.

Ezekiele 13:10

Chifukwa, inya, awonani ŵapuruska ŵanthu ŵangu, ŵatiti, ‘Chimangu,’ penipo chimangu palivi; ndipo so chifukwa, penipo ŵanthu ŵazenge linga ŵamchimi yaŵa ŵatilimata ndi utoto;

Ezekiele 13:6

Ŵakamba vyawaka, ndi kuwukwa utesi; ŵatiti, ‘Ambuya atiti,’ penipo Ambuya kuti aŵatuma cha, kweni ŵakhazga kuti iwo afiske mazu ghawo.

Ezekiele 22:14

Kumbi chiganga chawo chikarutiliyanga, pamwenga manja ghako kuŵa ghanthazi, mu mazuŵa gho ndikachitanga nawe? Ine Ambuya ndarongoro, ndipo ndikachichitanga.

Hoseya 4:9

Kukaŵanga viyo ku ŵanthu, ndi ŵazukuru, ndiŵarangenge chifukwa cha kendero kawo, ndi kuŵawezge nchitu zawo.

Hoseya 6:10

Mu nyumba yaku Yisraele, ndawona chinthu chakuziziswa; ureŵi waku Efraimu ulimo, ndipo Yisraele wakazuzgika.

Hoseya 9:5

Mukachitanga chine pa zuŵa lakusankhika lakukondwere ndi pa zuŵa la dghera la Ambuya?

Mika 2:11

Asani munthu wangenda ndi mtima wakupusika ndi kukamba utesi, ndi kuti, “Nkhataulanga kwaku iwe ndiza vinyo ndiso ndi vyakumwa vyakuloŵeleska,” ndiyo wangaŵa wakutaula wa ŵanthu yaŵa!

Mika 2:6

“Rekani kutaula,” viyo ŵataula, “munthu kuti watenere kutaula ndi vinthu vya viyo cha; soni kuti zikatikonga cha ifwe.”

Mika 3:11

Ŵarongozgi ŵake ŵateruzgiya chimbundi, ŵazukuru ŵake ŵasambizgiya mphoto, ŵamchimi ŵake ŵaloska chifukwa cha ndrama; ndipuuli ŵayegeme ku Ambuya ndi ŵatiti, “Kumbi Ambuya ŵe mukati mwidu cha? Uheni kuti ukatiwiyanga cha.”

Zefaniya 3:4

Ŵamchimi ŵake mbanthu ŵakupusika; ŵambura magomekezgeka; ŵazukuru ŵake ŵafipiska malo ghatuŵa, ŵabendezga dangu.

Marangu 32:20

Ndipo anguti, ‘Ndikabisanga chisku changu kwaku iwo, ndikawonanga kuti umari wawo ukaŵanga uli, pakuti ndi mugonezi wakupatukapatuka, ŵana mwaku wo mulive ukongorekwa.

Marangu 32:29

Asani ŵenga ŵazeru, mphanyi ŵanguwamo ichi, mphanyi ŵanguziŵa umari wawo wakuŵapo pavuli.