Yeremiya 5:27 - Tonga Bible 1986

²⁷ Uli ndi sokora yakuzaza tuyuni, nyumba zawo zizala fuzi yiheni; chifukwa cho ŵaŵa ŵakutukumuka ndi ŵaromba,

Yeremiya 5:27 ပူးပေါင်းရင်းမြစ်များ

Jobu 12:6

Mahema gha ŵapoki ghepa chimangu, ndi wo ŵasosomo Chiuta ŵaja umampha, wo ŵatuza ndi chiuta wawo mu manja ghawo.

Yesaya 3:14

Ambuya asere mu cheruzgu kumikana ndi ŵara ndi nduna za ŵanthu ŵawo: “Ndimwe mwaparghang'a munda wamphereska, muskowo wa ŵasauchi we mu nyumba zinu.

Yeremiya 12:1

Murunji ndimwe, Ambuya mwe, po ndidandauliya kwaku imwe; kweni ndikaperekanga makani ghangu paurongo pinu. Chifukwa chine nthowa ya muheni yisakata? Wakupusika chifukwa chine watuŵa wamoyo?

Yeremiya 8:5

Na chifukwa chine ŵanthu yaŵa ŵapatukiya kunyake, ŵawere vuli kwambura kuweko? Ŵakoreska kupusika, ŵakana kuweko.

Yeremiya 9:6

Ŵaunjika kuyuzga pachanya pa kuyuzga, ndikupusika pachanya pakupusika, ŵakana kundiziŵa ine, atiti Ambuya.

Hoseya 12:9

Ndine Ambuya Chiuta wako, kutuwa ku charu cha Egipiti; nkhakujarikanga so mu mahema nge ndi mu mazuŵa gha madghera ghakumikika.

Mika 1:12

Pakuti ŵakuja mu Maroti ŵalindizga chamampha ndi linweka likuru, chifukwa uheni wasikiya pasi kutuwa ku Ambuya, kuza ku likomo laku Yerusalemu.

Zefaniya 1:9

Mu zuŵa lo ndirangenge yose yo wajumpha pa khomo, ndi wo ŵazaza nyumba ya mbuyawo ndi nkhaza ndi utesi.”

Chivumbuzi 18:2

Ndipo wangukambura ndi mazu ghaunkhankhu watinge, “Wawa! Babiloni mukuru yo, wawa! Wasanduka uja wa ŵademone, ndi linga la mzimu wose wawiyu, ndi mphaku ya chiyuni chose chamwikhu ndi chakutinkhika!