Yeremiya 5:24 - Tonga Bible 1986

²⁴ Kuti ŵakamba cha mu mitima yawo, ‘Tiyeni topenge Ambuya Chiuta widu, mweniyo wapaska vuwa mu nyengo yake, vuwa yamtumbuku ndi ya chipwepwe, ndipo watitiŵikiya ŵasabata ŵakupaturikiya kuvuna.’

Yeremiya 5:24 ပူးပေါင်းရင်းမြစ်များ

Chiyambo 8:22

Chichalipo charu chapasi, nyengo yakumija ndi kuvuna, kuzizira ndi kufunda, chihanya ndi chifuku, zuŵa ndi usiku kuti vikamaranga cha.”

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

Jobu 29:23

Wangundirindizga nge ndi vuwa: ndipo ŵangujura milomo yawo nge nkhu vuwa ya chizimwa malufya.

Jobu 38:37

Ndiyani wangaziŵa kuŵerenga mitambo ndi zeru? Pamwenga ndiyani wangaziŵa kundandamika mathumba gha maji kuchanya,

Jobu 5:10

Wang'iska vuwa pa charu, ndi watuma maji pa minda.

Sumu 147:8

Ngwakukukiska mabingu mu malo gha kuchanya, wapaska vuwa ku charu, wamezga uteka mu mitunthu.

Sumu 65:9

Muchezga ndi charu chapasi pakuchipaska vuwa, mwachisambisiska ukongwa ndi nyata, msinji waku Chiuta ngwakuzaza ndi maji; murongoso mbutu yawo, nadi mutiyirongoso.

Yesaya 64:7

Palivi mweniyo wadana pa zina linu, wakujipamphuska kumukoreskani imwe; pakuti mwabisa chisku chinu kwaku ifwe, ehe, mwatipereka mu janja la mphutupuru zidu.

Yeremiya 10:13

Ŵachituzga mazu ghake maji ghachita chiwawa kuchanya, ndipo wakwezga nyankhuŵinda ku vigoti vya charu chapasi. Malimphezi ghachiska vuwa, ndipo watuzga mphepo mu mbiku zake.

Yeremiya 14:22

Kumbi walipo mukati mu ŵachiuta ŵatesi ŵa ŵamitundu yo wangaziŵa kupereka vuwa? Pamwenga kumbi machanya ghangaziŵa kupaska manthonera? Ndimwe pe munyake cha, Ambuya Chiuta widu? Ifwe tiŵika chigomezgu chidu mwaku imwe, chifukwa ndimwe muchita vyose ive.

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yeremiya 3:3

Chifukwa chenichi manthonera ghakanizgika ndipo vuwa ya chifuku palivi; ndipuuli iwe wendi chisku cha ureŵi, ukana kuchita soni.

Yeremiya 5:22

Kumbi kuti mutindopa cha ine? atiti Ambuya; Kumbi kuti mumbwambwanthiya cha paurongo pangu? Ndinguŵikapo mchenga nge ndi mphaka ya nyanja, ndi dangu la muyaya kuti yireke kurutiliyapo, chingana mayigha ghapumeko, kuti ghangayijumpha cha, nanga ghawuruma, kweni kuti ghangarutiliya yapa cha.

Yeremiya 50:5

Ŵazamufumba nthowa ya kuya ku Zioni, po visku vyawo vilereska kweniko, ŵakatinge, ‘Tiyeni, tijisazge pamoza ku Ambuya mu chipangano cha muyaya, cho kuti chikaruwikanga cha.’

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

Hoseya 6:1

“Zaninga, tiyeni tiwere kwa Ambuya; chifukwa aparuwa, mwakuti atichizge; atipuma ndipo atimangenge umempha mabara.

Yoele 2:23

“Kondwani mwa ŵana ŵaku Zioni, sekeriyani mwa Ambuya Chiuta winu, chifukwa wampaskani vuwa yakwamba, ndi yaumari nge ndi kali.

Amosi 4:7

“Ndipo so ndakunorani vuwa, po yingujako mwezi yitatu kufika ku vuna, ndingutuma vuwa pa msumba umoza ndipo ndengavi kutuma vuwa pa msumba unyake; yingung'a pa munda umoza, ndipo munda wo yingureka kung'apo ungufota;

Zekariya 10:1

Pemphani ku Ambuya vuwa mu nyengo ya vuwa yakumariya, ku Ambuya wo akulenga mitambo ya vuwa, wo apaska vuwa, ku ŵanthu wose, kwaku yose vyakume mu munda wake.

Mateyu 5:45

alinga kuti muŵenge ŵana ŵa Auskemwe ŵakuchanya: pakuti atuzgiya dazi lawo pa ŵaheni ndi ŵamampha, ndipo ang'iskiya vuwa pa ŵarunji ndipa ŵaziraurunji.

Machitidu gha Ŵakutumika 14:17

Ndikweni kuti wajireka ŵaka cha wambura chisimisimi, mwakuti wanguchita umampha, pakupaska imwe kutuwa kuchanya vuwa ndi nyengo zakupasiya, ndi pakugutiska mitima yinu ndi vyakurgha ndi likondwa.”

Marangu 28:12

Ambuya akakujuriyaninga usambasi wawo wamampha mu machanya, kukupaskani vuwa pa charu chinu mu nyengo yake, ndi kutumbika nchitu yose ya manja ghinu. Ndipo mukateuliskanga mitundu yinandi, kweni imwe kuti mukateuwanga cha.

Yakobe 5:7

Viyo, mwa ŵabali, kunthiyanipo mpaka uzi wa Ambuya. Awonani, mlimi yo walindizga chipasi chakuzirwa cha charu, paku cho, mpaka wangaronde vuwa ya mtumbuku ndi ya pa vuli.

Chivumbuzi 11:6

Yaŵa ŵe ndi mtufu kwachijara kuchanya, kuti vuwa yireke kung'apo mu mazuŵa gha umchimi wawo: ndipo mtufu ŵe nawo pa maji kughasanduska ndopa, ndi kukoso charu ndi chideru chose, penipo pose ŵangakhumbiya.