Yeremiya 5:22 - Tonga Bible 1986

²² Kumbi kuti mutindopa cha ine? atiti Ambuya; Kumbi kuti mumbwambwanthiya cha paurongo pangu? Ndinguŵikapo mchenga nge ndi mphaka ya nyanja, ndi dangu la muyaya kuti yireke kurutiliyapo, chingana mayigha ghapumeko, kuti ghangayijumpha cha, nanga ghawuruma, kweni kuti ghangarutiliya yapa cha.

Yeremiya 5:22 ပူးပေါင်းရင်းမြစ်များ

Chiyambo 1:9

Ndipo Chiuta wanguti, “Maji gha pasi pa mtambo ghaunjikike pamoza mu malo ghamoza, kuti uwoneke mtunda uyumu.” Ndipo kunguŵa viyo.

1 ŴaKaronga 13:28

Wanguruta, wangusaniya thupi lake lapong'eka mu mseu, ndipo mbunda ndi nkharamu vyama waka jo pafupi ndi thupi chingana nkhu paruwa mbunda cha.

Jobu 26:10

Wazingirizga maji ndi zimphaka, pa mphatukano pa ukweru ndi mdima.

Jobu 37:24

Mu chifukwa ichi ŵanthu ŵatumopa, kuti ŵaphwere wose wo mbazeru mu mtufu wa ŵeneku cha.”

Jobu 38:8

“Pamwenga ndiyani yo wangujara mitunda ya nyanja ndi visasa, penipo yingupongore utinge yituwa mu nthumbo;

Sumu 104:9

Mungughaŵikiya mphaka kuti ghareke kujumpha, alinga kuti ghareke kuburumutizga so charu chapasi.

Sumu 119:120

Chifukwa chaku imwe, ndichita mantha, ndazazika ndi chitenthe chifukwa cha vyeruzgu vinu.

Sumu 33:7

Anguwunjika maji gha mu nyanjange ndi mu botolo; aŵika zindimba mu nyumba zakusungiyamo.

Sumu 46:3

nanga ghauruma ndi kuvunduka maji ghake, inya, nanga mapiri ghatethema ndi kutukumuka kwake.

Sumu 99:1

Ambuya ausa, ghatentheme makhamu! Aja ndeku pa maKerubi; charu chapasi chisukunike!

Nthanthi 8:29

penipo angupereka ku nyanja malili ghake, alinga kuti maji ghareke kulengeska langulu lawo, penipo angulemba viŵanja vya charu chapasi,

Yesaya 50:2

Chifukwa chine, penipo ndinguza, pengavi munthu? Po ndadananga pengavi wakwamuka? Kumbi janja langu likufupiskika, kuti litondeka kuwombo? Pamwenga kumbi ndilivi nthazi za kutaskiya? Ehe, ndi kuchenya kwangu ndimizga nyanja, misinji ndiyisanduska bozwa; somba zawo zinunkha chifukwa chakuwura maji, ndipo zitufwa chiparantha.

Yesaya 64:2

uli ndi moto utocha tumphanda pamwenga mo moto uŵiriskiya maji kuchitiska zina linu kuti liziŵikwe ku ŵakupindikana ŵinu, ndi kuti mitundu yinjenjeme pa uŵapo winu!

Yesaya 66:5

Vwani mazu gha Ambuya, imwe mutenthema pa mazu ghawo: “Ŵabali ŵinu wo ŵatikutinkhani ndipo ŵatikudikiskani chifukwa cha zina langu ŵakuti, ‘Ambuya akankhuskike, kuti tiwone chimwemwe chinu,’ kweni ndiwo wo ŵakalengeskekanga.

Yeremiya 10:7

Njani yo wangareka kumopani imwe, mwa Karonga ŵa mitundu? Pakuti mwe ŵakwenere kopeka; mukati mu ŵazeru wose ŵa mitundu ya ŵanthu ndi mu maufumu ghawo ghose mulivi wakuyana ndi imwe.

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yeremiya 31:35

Viyo atiti Ambuya, wo apereka lumwi kungweruska ndi msana ndi kulanguliya mwezi ndi nyenyezi kwambura kusintha kungweruska ndi usiku, ŵeniwo ayuska nyanja viyo kuti mayigha ghake ghauruma, Ambuya ŵa maŵanja ndilo zina lawo:

Danyele 6:26

Ndimika dangu kuti mu muwusu wangu wose ŵanthu ŵatenthemi ndi kopa paurongo paku Chiuta waku Danyele. Pakuti ndi Chiuta wamoyo, wajaririya muyaya; ufumu wake kuti umarenge cha ndi muwusu wake ngwambura chigoti.

Amosi 4:12

“Chifukwa ichi ndimo ndichitiyenge nawe, Yisraele; ndipo pakuti ndichitenge ichi kwaku iwe, ujinozge kukumana ndi Chiuta wako, iwe Yisraele!”

Amosi 9:6

yo wazenga vipinda vyake vyapachanya mu machanya, ndi wazenga chipinda chake chapasi pa charu; yo wadana maji gha mu nyanja, ndi kughapunguliya pa chisku cha charu chose. Ambuya ndilo zina lawo.

Yona 1:16

Ndipo ŵanthurumi ŵangopa Ambuya weniukongwa, ndipo ŵangupereka sembe ku Ambuya, ndi ŵangurapa marapo.

Nahumu 1:4

Achenya nyanja ndi kuyikamuska, aphwiska misinji yose; Bashani ndi Karmele ŵafota, luŵa laku Lebanoni nalo lifota.

Mateyu 10:28

Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena.

Marko 4:39

Ndipo wati wayuka wanguyichenya mphepu, ndipo wanguyinene nyanja, “Chetama ja bata!” Ndipo mphepu yingureka, ndipo kunguŵa bata likuru.

Luka 12:5

Kweni ndazamrongo imwe yo mopenge: mopeni yo ngwakuŵa ndi mtufu, wati wabaya, kupong'amu mu Gehena; nadi, ndikuneniyani, mopeni mweniyo.

Marangu 28:58

“Asani mukaŵanga ŵambura kuphwere kuchita mazu ghose gha dangu ili ghenigho ghakulembeka mu buku ili, kuti mopenge zina la unkhankhu ndi lakofya, Ambuya Chiuta winu,

Chivumbuzi 15:4

Njani warekenge kopa imwe, Ambuya, ndi kukankhuska zina linu? Pakuti ndimwe pe mwe ŵakupaturika. Chifukwa mitundu yose yikazanga, ndipo yilambiyenge paurongo pinu; pakuti vyeruzgu vinu vyakurunjika vyawoneka pakweru!”