Yeremiya 5:21 - Tonga Bible 1986

²¹ “Vwani ichi mwa ŵanthu ŵakupusa ndi ŵambura zeru, mwaŵakuwa ndi maso kweni kuti muwona cha, mwa ŵakuŵa ndi makutu, kweni kuti mutuvwa cha.

Yeremiya 5:21 ပူးပေါင်းရင်းမြစ်များ

Sumu 94:8

Mwa ŵanthu ŵangu, nkhupusa uli kwa uzereza ko mweneko? Ndizuŵanji mukaŵanga ndi vinjeru?

Nthanthi 17:16

Chifukwa nchine chakuti wakupusa waŵi ndi malonda mu janja lake kugula zeru, penipo walivi maghanughanu?

Yesaya 27:11

Zititi zamira mphanda zake, zifyoka, ŵanthukazi ŵatuza kuzachidewa nkhuni za moto. Pakuti yaŵa mbanthu ŵambura kuteska, chifukwa cho wakiŵalenga yo kuti wakaŵanga nawo ndi lisungu cha, mweniyo wanguŵaumba kuti wakaŵarongonga wezi so cha.

Yesaya 43:8

Uŵatuzge ŵanthu wo mba chiburumutiya, kweni maso ŵe nagho, wo mbamugota, kweni makutu ŵe nagho!

Yesaya 44:18

Kuti waziŵa cha, chingana nkhuti wateska cha, pakuti wajara maso ghawo, alinga waleke kuwona, ndi zeru yawo, alinga ŵaleke kuwamo.

Yeremiya 10:8

Mbakupusa ndi ŵazereza, kusambizga kwa ŵangoza nchimuti pe!

Yeremiya 4:22

“Pakuti ŵanthu ŵangu mbakupusa kuti ŵatindiziŵa cha; mbana ŵakupusa, ŵalivi kuwamo. Mbakuchenje mu kuchita uheni, kweni kuchita umampha kuti ŵaziŵa cha.”

Yeremiya 5:20

Ziŵiskani ichi mu nyumba yaku Yakobe, chimemezeni mwaku Yuda;

Yeremiya 5:4

Viyo ine ndinguti, “Yaŵa mbakusauka, ŵalivi chinjeru; pakuti kuti ŵaziŵa cha nthowa ya Ambuya, dangu laku Chiuta wawo.

Yeremiya 6:10

Njani yo ndikakambanga nayo ndi kumuncheŵeska, alinga kuti ŵavwenge. Ehe, makutu ghawo ghakujara, ŵatondeka kutegherezga; ehe, mazu gha Ambuya kwaku iwo nchinthu chakutozeka, kuti ŵatighakhumba cha.

Yeremiya 7:13

Ndupo sono, chifukwa mwachita vinthu ivi vyose, atiti Ambuya, ndipo penipo ndingukamba namwe kwambura kureka kuti mungutegherezga cha, ndipo penipo ndingumudanani, kuti mungwamuka cha,

Yeremiya 8:7

Chingana ndi kakoŵa mu machanya waziŵa nyengo zake; ndipo njiŵa, kaŵeluwelu, ndi tofu, ŵasunga nyengo za kuza kwawo; kweni ŵanthu ŵangu kuti ŵaziŵa cha lamulu la Ambuya.

Ezekiele 12:2

“Mwana wa munthu, uja mukati mu nyumba ya ŵachigaruka, wo maso ŵenagho, kweni kuti ŵawona cha, makutu ŵe nagho, kweni kuti ŵatuvwa cha;

Hoseya 7:11

Efraimu wenge ndi nkhunda, yakupusa ndi yambura zeru; wadana ku Egipiti, watiya ku Asiriya.

Zekariya 7:11

Kweni wangukana kuvwiya, ŵangusukung'a maphewa, ndi kujara makutu mwakuti ŵareke kuvwa.

Marko 4:12

alinga kuti kuwona ŵangawona kweni ŵangawamo cha; vinu kokuli ŵangang'anamuka, ndipo ŵangagowokereka.”

Marko 8:18

Wakuŵa ndi maso, kweni kuti mulereska cha? Wakuŵa ndi makutu, kweni kuti mutuvwa cha? Ndipo asi mukumbuka?

Yohane 12:40

“Waburumutuzga maso ghawo, ndipo wanonopeska mtima wawo; vinu ŵangalereska ndi maso ghawo, ndi ŵangawamo ndi mtima wawo, ŵangang'anamukiya kwaku ine ndipo ine ndingaŵachizga.”

Machitidu gha Ŵakutumika 28:26

wakuti, ‘Kanga ku khamu lenili, ndi ulinene, Ndi kuvwa muvwenge, ndipo kuti muteskenge cha; ndipo pakulereska mulereskenge, ndipo kuti muwengemo cha.

ŴaRoma 1:20

Chifukwa kutuwa ku ulengi wa charu vyambura kuwoneka vyake, ndivyu nthazi yake yamuyaya ndi so uChiuta wake, viwoneke limu, pakuteskeka mu machitidu ghake, viyo yaŵa ŵanthu mbambura mphandira.

ŴaRoma 11:8

uli ndimo kwalembeke, “Chiuta waŵapaska mzimu wakugompho, maso ghakuti ŵareke kulereska, ndi makutu ghakuti ŵareke kuvwa, mpaka ku zuŵa lenilino.”

Marangu 29:3

Mwawona vyakwesa vikuru, visimikizgu, ndi vyakuziziswa vikuru viya,

Marangu 29:4

kweni mpaka msana wale Ambuya alivi kumpaskani muwongo wakuwamo, pamwenga maso ghakuwona, pamwenga makutu ghakuvwa.

Marangu 32:6

Kumbi mutiŵatayiya thayu viyo Ambuya, mwa ŵanthu ŵakupusa ndi ŵambura chinjeru imwe? Kuti ndiwo auskemwe cha wo angumulengani, wo angumupangani imwe ndi kumujarikani?