Yeremiya 5:18 - Tonga Bible 1986

¹⁸ “Kweni chingana ndi mu mazuŵa gho, atiti Ambuya kuti ndikafiskanga umari wakufikapo paku iwe cha.

Yeremiya 5:18 ပူးပေါင်းရင်းမြစ်များ

Yeremiya 30:11

Pakuti nde nawe pamoza kukutaska, atiti Ambuya; ndikamaranga kwakufikapo mitundu yose mwaku yeniyo ndingukumbininiskani, imwe kuti ndikamumariyaninga limu cha. Ndikakulanganinga mwakwenere, kweni kuti ndikakusiyaninga waka ŵambura kulangika cha.

Yeremiya 4:27

Pakuti viyo atiti Ambuya, “Charu chose, chikaŵanga mapopa, kweni kuti ndikamaranga vyose cha.

Yeremiya 5:10

“Ukwere ukaporoti mu mizere yake ya mphereska ndi ukaparghang'e, kweni kwachimarizgiya limu cha; katuzgemo mphanda zake pakuti kuti za Ambuya cha.

Yeremiya 5:17

“Ŵazamkurgha vuna yinu ndi kurgha kwinu; ŵazamkurgha ŵana ŵinu ŵanthurumi ndi ŵana ŵinu ŵanthukazi; ŵazamkurgha mberere zinu ndi viŵetu vinu: ŵazamkurgha mphereska zinu ndi miti ya mikuyu; ŵazamubwanganduwa ndi lipanga mizi yinu ya malinga mwaku yo mugomezga.”

Yeremiya 5:19

Ndipo penipo ŵanthu ŵinu ŵakambenge, ‘Chifukwa chine Ambuya Chiuta ŵachita vinthu vyose ivi paku ifwe?’ Muŵaneniyenge iwo, ‘Pakuti mwasiya ine ndipo mwatataliya ŵachiuta ŵachilendo mu charu chinu, viyo mukatataliyanga ŵalendo mu charu chenicho kuti nchinu cha.’ ”

Ezekiele 11:13

Ndipo kunguŵa kuti, po ndachimanga, kuti Peletiya mwana waku Benaya wakufwa. Ndinguwa kavunama, ndinguliya kwakubangula, kuti, “Owe Ambuya Chiuta! Kumbi mukamaliyanga limu tetete ŵakujapo ŵa ŵaYisraele?”

Ezekiele 20:17

Kweni ndipuuli jiso langu linguŵagowoke, kuti ndinguŵaparghang'a nanga nkhuŵamariya limu mu bozwa cha.

Ezekiele 9:8

Ndipo po ŵabayanga, ine ndingusiyika ndija, ndinguwa kavunama, ndinguliya, “A! Ambuya Chiuta! Muchipunguliya ukari winu pa Yerusalemu kumbi mubayenge wose wo ŵakujapo mu Yisraele?”

Habakuku 1:12

Asi ndimwe wamuyaya, Ambuya Chiuta wangu, Mtuŵa wangu? Kuti tifwenge cha. Ambuya mwaŵamika nge ncheruzgu; ndipo imwe, Jarawe, mwaŵaŵika kuti ŵalangike.