Yeremiya 5:1 - Tonga Bible 1986

¹ Chimbiriyani uku ndi uku mu miseu ya Yerusalemu, lereskani ndi teskani! Penjani uku ndi uku mwenimo! Kuwona vinu mungasaniya munthu, mweniyo wachita cheruzgu chirunji ndi wapenja uneneska; alinga kuti ndimugowoke.

Yeremiya 5:1 ပူးပေါင်းရင်းမြစ်များ

1 ŴaKaronga 19:10

Wanguti, “Ndachitiya sanje weniukongwa Ambuya, Chiuta wa maŵanja; pakuti ŵaYisraele ŵajowo phanganu linu, ŵabwangandukiya pasi viguŵa vinu vya sembe, ŵabaya ŵamchimi ŵinu ndi lipanga, ndipo ine, ine pe ndija ndajako, ndipo ŵapenja umoyo wangu, kuti akoso.”

2 Mikoka 16:9

Pakuti maso gha Ambuya ghalereska uku ndi uku mu charu chose chapasi, ku jirongo nthazi kovya wo mitima yawo njakufikapo pa maso pake. Mwaku ichi wachita ubereŵeza; kwamba sono uŵenge ndi zinkhondo.”

Sumu 12:1

Ambuya, wovyani, chifukwa sono kulivi nanga njumoza yo watimuwopani imwe; pakuti ŵakugomekezga ŵaparghang'ika mukati mu ŵana ŵa ŵanthu.

Sumu 14:2

Ambuya kuchanya alereska pa ŵana ŵa ŵanthu, kuwona vinu ŵangaŵapo ŵakuchita kwazeru, ŵakupenja Chiuta.

Sumu 14:3

Wose ŵapatuka ŵavundiya wose pamoza; kulivi wakuchita umampha, kulivi nanga njumoza.

Sumu 94:16

Njani yo wangundisoke kumikana ndi ŵaheni? Njani yo wenga kuchiri kwangu kumikana ndi ŵakuchita mphurupuru?

Nthanthi 20:6

Ŵanthu ŵanandi ŵamemeza kujithereska kwa ŵeneko, kweni munthu wamagomekezgeka njani wangabowozga?

Nthanthi 23:23

Gula uneneska, ndipo ungauguliskanga cha; gula zeru, kusambizga ndi kuwamo.

Nthanthi 8:3

pachiri pa malikomo ku maso kwa msumba, pakuserere pa makhomo ghakuru kuliya kwakubangura:

Sumu ya Zisumu 3:2

“Ndikayukanga sono ndi kwendayenda mu msumba, mu ŵagurwi ndi mu mabwalo; ndimupenjenge, yo mzimu wangu utanja.” Ndingumupenja, kweni kuti ndingumusaniya cha.

Yesaya 59:4

Palivi yumoza yo wasere pa mlandu mu uneneska palivi yo watiya ku dangu mu ukongorekwa; ŵayegeme pa mpandira uyumu, ŵarongoro mautesi, ŵazuwuka urwani, ndipo ŵapapa mphurupuru.

Yeremiya 2:29

“Chifukwa chine mudinginikiya paku ine? Imwe mose mwandigarukiya, atiti Ambuya.

Yeremiya 44:15

Sono ŵanthurumi wose ŵeniwo ŵanguziwa kuti ŵawoli ŵawo ŵangupereka vyachema ku ŵachiuta ŵanyake, ndi ŵanthukazi wose wo ŵanguma penipa, mpingu ukuru, wose ŵakuja mu Patarose mu charu cha Egipiti, ŵangwamuka Yeremiya:

Yeremiya 8:6

Ine ndaphwere ndi kutegherezga, kweni kuti ŵakamba kwakurunjika cha; palivi munthu yo wang'anamuka ku uheni wake, kunena kuti, ‘Nchine cho ndachita?’ Munthu yose wawere ku nthowa yake, nge ndi kavalo wakuchimbiriya mu nkhondo.

Yeremiya 9:2

Owe, mphanyi ndinguŵa ndi msasa wa ŵalendo mu bozwa, mwakuti ndingasiya ŵanthu ŵangu ndi kuruta kutuwako kwaku wo! Pakuti wose mbareŵi, mpingu wa ŵanthu ŵa chiŵembo.

Yeremiya 9:7

Chifukwa chenichi atiti Ambuya ŵa maŵanja, “Ehe, ndiŵasongononge ndi ndiŵesenge, pakuti na nchine so cho ndingachita, chifukwa cha ŵanthu ŵangu.

Ezekiele 22:30

Ndipo ndingupenjapenja munthu mukati mwawo yo wangwenere kuzenga linga ndi kuma mwakupasuka paurongo pangu chifukwa cha charu, mwakuti ndireke kuchipasuwa; kweni ndengavi kumusaniya.

Ezekiele 9:9

Iyo wangunena nane, “Uheni wa nyumba yaku Yisraele ndi Yuda ngukuru ukongwa; charu chazaza ndopa, msumba wazaza ukazuzi, pakuti ŵatiti, ‘Ambuya achipata charu, ndipo Ambuya kuti alereska cha.’

Danyele 12:4

Kweni iwe Danyele usunge mazu yagha ndi uzighiriye buku mpaka nyengo ya umari. Wanandi ŵachimbiriyenge uku ndi uku, ndipo vinjeru vyazamkuwa.”

Yoele 2:9

Wayingayingenge mu msumba, ŵaulukiya pa malinga; ndi ŵakwera pa zinyumba, ŵasere mu madangazi nge ndi munkhungu.

Amosi 8:12

Ŵakayinganga kutuwa ku nyanja mpaka ku nyanja yinyake, kutuwa ku nkhonde mpaka ku vuma; ŵakachimbiyanga uku ndi uku, kupenja mazu gha Ambuya, kweni kuti ŵakaghasaniyanga cha.

Zekariya 2:4

ndipo wanguti kwaku iyo, “Chimbiya, unene munyamata yuwa, kuti, ‘Yerusalemu wakaŵanga ndi ŵanthu ŵakujamo nge ndi mizi yambura malinga, chifukwa cha unandi wa ŵanthu ndi ng'ombe mwenimo.

Luka 14:21

Ndipo muŵanda yo wanguza, ndipo wangutauliya mbuyake vinthu vyenivi. Sono mweninyumba, wakutundiya, wangumunene muŵanda wake, ‘Tuliya ruŵi ku miseu ndi nthowa zamu muzi, ndipo katore muno ŵakavu ndi ŵakupunduka ndi ŵachiburumutiya ndi ŵakuganthiya.’

2 ŴaTesalonika 2:10

ndipo ndi fuzi yose ya uwura-urunji kwaku wo mbakutayika; chifukwa-wangukana kwanja uneneska wo, mwakuti wataskike.