Yeremiya 48:44 - Tonga Bible 1986

⁴⁴ Yo wathaŵa ku mantha, wakawanga muzenje, ndipo yo wakwera kutuwa mu zenje wakawiranga mu chiŵana. Pakuti ndikatolenga vinthu ivi paku Moabu mu chirimika cha kulangika kwawo, atiti Ambuya.

Yeremiya 48:44 ပူးပေါင်းရင်းမြစ်များ

Yeremiya 11:23

ndipo palivi yumoza waku wo wakasiyikanga. Pakuti ndikatolenga chiheni pa ŵanthu ŵaku Anatoti, chirimika cha kulangika kwawo.”

1 ŴaKaronga 19:17

Ndipo mweniyo wakapozomokanga ku lipanga laku Hazaeli wakamubayanga ndi Jehu ndipo yo wakapozomokanga ku lipanga laku Jehu wakamubayanga ndi Elisha.

Amosi 5:19

kwenge ndipa munthu wanguthaŵa ku nkharamu ndipo wangukumana ndi chipembere; pamwenga wangusere mu nyumba ndi kunyekezga janja lake ku chimati, ndipo njoka yingumuruma.

Yeremiya 46:21

Chingana mba nkhondo ŵake, ŵakulembereka mukati mwake ŵe nge ndi mathole ghakututuŵa; inya ŵang'anamukako, ŵathaŵiya wose pamoza, ŵalivi kuma; pakuti zuŵa la soka lawo laza pakuwo, nyengo ya kulangika kwawo.

Mika 7:4

Wamampha waku wo walingana ndi chatata, wakunyoroka ukongwa waku iwo walingana ndi lisitu la minga. Zuŵa la ŵalonda ŵawo, ndi la chilangu chawo; laza sono, kutimbanyika kwa vinjeru vyawo kwafika.

Hoseya 9:7

Mazuŵa ghakurangikiya ghafika, mazuŵa ghakuwezge thayu ghafika. Yisraele wakaghaziŵanga. Mchimi ngwakupusa, munthu wa mzimu wafuntha, chifukwa cha ubendezi winu ndi kutinkha kukuru.

Yeremiya 51:18

Vya wakawaka, nchitu yakupusika; pa nyengo ya kulangika kwawo vikamaranga.

Yeremiya 23:12

Chifukwa cho nthowa zawo zikaŵanga kwaku iwo nge ndi nthowa zakuteremuka mu mdima, mwenimo ŵakadikiskikiyangamo ndi kuwa; pakuti ndikatolenga chiheni pakuwo mu chirimika cha kulangika kwawo, atiti Ambuya.

Yeremiya 16:16

“Ehe, ndikadananga ŵarovi ŵa somba ŵanandi, atiti Ambuya, ndipo ŵakaŵakonga; pavuli ndikadananga ŵachiŵinda ŵanandi, ndipo ŵakaŵasakanga mu phiri lose ndi mtunthu wose ndimumalijengwajengwa gha majarawi.

Yeremiya 10:15

Mbaŵakaŵaka, ndi nchitu yakufuvya; panyengo ya kulangika kwawo ŵakamaranga.

Yesaya 24:18

Mweniyo wathaŵa pakuvwa mazu gha chofyu wakawanga mu zenje lo, ndipo yo wakwera kutuwa mu zenje wakawilanga mu chiŵana. Pakuti mudangazi gha kuchanya ghajurika, viŵanja vyacharu chapasi vinjenjeme.

Yesaya 10:3

Mukachitanganje mu zuŵa la chilangu, mu lirondo lo likatuwanga kutali? Nkhwakuyani ko mukachimbiriyanga kusaniya chovyo ndipo usambasi winu ukasiyikanga pani?

1 ŴaKaronga 20:30

Ŵakujapo ŵanguthaŵiya mu msumba wa Afeke, ndipo linga linguwiya pa ŵanthu vikwi machumi ghaŵi ndi vinkhonde ndi viŵi (27,000) wo ŵangujapo. Benehadadi nayo wanguthaŵa, ndipo wangusere mu chipinda cha nyumba ya mukati mu msumba.

Yeremiya 8:12

Kumbi ŵanguchita soni penipo wanguchita ukazuzi? Awa, kuti ŵanguchita soni ndi keni kamana cha; ŵengavi kuziŵa kuzimbwa. Chifukwa cho ŵakawanga mukati mu ŵakuwa, penipo ndikaŵalanganga ŵakathereskekanga, atiti Ambuya.

Yeremiya 50:24

Ndingukuthya chiŵana ndipo unguwira Babiloni we, iwe kuti unguchiziŵa cha; ungusanirika ndi kukoreka chifukwa ungulimbana ndi Ambuya.

Yeremiya 50:27

Bayani nkhuzi zake zose, muyi nazo kukubayika. Soka kwaku iwo pakuti zuŵa lawo laza nyengo ya chilangu chawo.

Chitenje 3:47

mantha ndi zimbuna zakuwamo vyaza paku ifwe, phasulu ndi kwanangika;

Yesaya 24:17

Chofyu, ndi zenje, ndi chiŵana vye paku iwe, wakuja mu charu chapasi we!

Yeremiya 49:8

Thaŵani, weriyani vuli, jani mu zindimba, mwa ŵakuja mu Dedani mwe! Pakuti ndikatolenga soka laku Esau paku iyo, pa nyengo yo ndimulangenge.