Yeremiya 48:14 - Tonga Bible 1986

¹⁴ Mukamba uli, ‘Te ŵanthazi ndi ŵankhondo ŵakulimba’?

Yeremiya 48:14 ပူးပေါင်းရင်းမြစ်များ

Sumu 11:1

Mwaku Chiuta ndidingang'a; undineniyenge uli iwe kuti, “Thaŵiya ku mapiri nge nchiyuni.

Sumu 33:16

Palivi karonga wakutaskika ndiukuru wa nkhondo yake; ngwazi kuti yingataskika chifukwa cha nthazi yake yikuru cha.

Wakutaula 9:11

Ndinguwona so kuti panu pasi maphara kuti gheku ŵapusu cha, nanga ndi nkhondo kuti yaku ŵanthazi cha, nanga nkhurgha ku ŵazeru, nanga mbusambasi ku ŵakuwamo nanga mbulemu ku zing'ombwa cha: kweni nyengo ndi mwaŵi viŵiya kwaku wose.

Yesaya 10:13

Pakuti watiti: “Ndi nthazi za janja langu ndachichita ichi, ndipo ndi zeru zangu, pakuti nde ndi kuwamo; ndanderezga maliri gha ŵanthu, ndipo ndakwamphuwa mausambasi ghawo, uli ndi nkhuzi ndasiskiya pasi wo ŵanguja pa vitengo vya ufumu.

Yesaya 10:16

Viyo Ambuya, Ambuya ŵa maŵanja akatumanga urwali wakondeska mukati mu ŵankhondo ŵawo ŵakututuŵa, ndipo pasi pa unkhankhu wawo kukole kukakozgekanga, uli nkhukole kwa moto.

Yesaya 16:6

Tavwa gha kujikuzga kwaku Moabu, mwenimo wangujikuzgiya; kujikwezga kwake, kujikuzga kwake, ndi mtafu wake kujithamiya kwake nkhwa utesi.

Yeremiya 49:16

Kofya ko we nako kwakupusika, ndi kujikuzga kwa mtima wako, iwe wakuja mu malijengwajengwa gha mya, iwe uthamiya utali wa mtunthu. Chingana uchita chivimbu chako nge ncha nombo, ine ndikakusiskiyanga pasi kutuwa kwenikuwa, atiti Ambuya.

Yeremiya 8:8

“Mungakamba uli, kuti, ‘Te ŵazeru ifwe, ndipo dangu la Ambuya le ndi ifwe’? Kweni ehe, peni yautesi ya ŵalembi yalemba utesi.

Yeremiya 9:23

Viyo atiti Ambuya, “Munthu wazeru wareke kutumbwiya mu zeru zake, wakulimba wareke kutumbwiya mu kulimba kwake, musambasi wareke kutumbwiya mu usambasi wake;

Ezekiele 30:6

“Viyo atiti Ambuya: Wo ŵazomerezgana ndi Egipiti ŵakawanga, ndipo kujikuzga kwake kwa nthazi kukasiskikiyanga pasi; kutuwa ku Migdolo mpaka ku Siyene ŵakawanga ndi lipanga mukati mwake, atiti Ambuya Chiuta.

Zefaniya 2:10

Ichi ŵaŵenge nacho mu malo ghakujikuzga kwawo, chifukwa ŵadumbizganga ndi kujitumbwiya pa ŵanthu ŵa Ambuya ŵa maŵanja.