Yeremiya 48:12 - Tonga Bible 1986

¹² “Chifukwa cho, ehe, mazuŵa ghakazanga, atiti Ambuya, po ndikamutumiyanga ŵakuvunikiriya wo Wazakumuvunikiriya, kukhutuwa viyaŵi vyake, ndi kuswa vipindi vyake tumanatumana.

Yeremiya 48:12 ပူးပေါင်းရင်းမြစ်များ

Sumu 2:9

Uŵausenge ndindodo ya chisulo, ndi kuŵaphwanya tumana tumana nge nchiŵiya cha muwumbi.”

Yesaya 16:2

Ulaka ndi viyuni vyakuphururuka, uli ndi visa vyakupasuka, ndimu ŵaliri ŵana ŵanthukazi ŵaku Moabu pa vipholi vyaku Arnoni.

Yesaya 30:14

ndipo kusweka kwake kwe nge nchiŵiya cha muumbi cho chaphwanyika kwambura lisungu, viyo kuti mutivimbanduka twake nanga nkhazinga kamoza kuti kangasanirikapo cha ko kangaŵa kakupariya moto pa chipa, pamwenga kuneghiyako maji pa chisima.”

Yeremiya 14:3

Ŵara-ŵara ŵake ŵatuma ŵateŵeti ŵawo kwachito maji: ŵatuza ku visima, kuti ŵasaniyako maji cha, ŵaweko ndi viyaŵi vyawo vya mwazi: ŵachita soni, ŵatimbanizgike, ndipo ŵavunikiriya mitu yawo.

Yeremiya 19:10

“Penipo ndipo ukaswanga supa yo mu maso gha ŵanthu wo ŵakarutanga nawe,

Yeremiya 25:34

“Mwenjerwe, imwe ŵaliska; ndipo liyani, kunkhurukani mu vyoto, imwe ŵambuyawo ŵa mskambu, pakuti mazuŵa gha kubayika kwinu ndi kumbininiskika ghafika, ndipo mukaŵanga nge mbabira ŵakusankhika.

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.

Yeremiya 48:11

Moabu waja pa chimangu kutuliya ku uhurwa wake, nge ndi vinyo yo watengama pa visika vyake; walivi kukhutulikapo kutuwa ku chiyaŵi ichi kuya ku chiyaŵi chiya, walivi kurorekapo nanga nkhu umkoli; chifukwa cho kunowa kwake kweche mwake, ndipo chema chake kuti chasinthapo cha.

Yeremiya 48:13

Sono Moabu wakalengeskekanga kwaku Kemoshi, nge ndimo nyumba yaku Yisraele yingulengeskeke kwaku Betele, gomezgu lawo.

Yeremiya 48:15

Wakuparghang'a Moabu ndi misumba yake waza, ndipo ŵanyamata ŵake ŵakutowa ŵasikiya kukubayika, watiti Karonga, yo zina lake ndi Ambuya ŵa maŵanja.

Yeremiya 48:38

Pachanya pa nyumba zose za Moabu ndi mu maluluwa mose kuti mwe kanthu so kanyake cha kweni kutenje pe; pakuti ndaswa Moabu nge nchiyaŵi chenicho palivi yumoza wakuchiphwere, atiti Ambuya.

Yeremiya 48:8

Wakupasuwa yo wakazanga pa msumba we wose, paulengevi msumba wakupozomoka; dambo likamaranga, chifya chikaphwanyikanga, nge ndimo akambiya Ambuya.

Nahumu 2:2

(Chifukwa Ambuya awezge so kuzirwa kwaku Yakobe nge nkhuzirwa kwaku Yisraele. Chifukwa ŵakuskoŵa ŵaŵapantha ndi kunanga mphanda zawo.)