Yeremiya 47:3 - Tonga Bible 1986

³ Po chiwawa cha mdinu wa ŵakavalo ŵake ŵanthurumi pa kuchimbiya ndi mankharu kwa magareta ghake, pa chiwawa cha kukunkhuruka kwa mikombelo yake, auskeu kuti ŵalereska kuvuli ku ŵana ŵawo cha; manja ghawo ngakukhwinyatadi,

Yeremiya 47:3 ပူးပေါင်းရင်းမြစ်များ

Yesaya 5:28

mivwi yawo njakuthwa, mauta ghawo ghose ngakupinda, vitende vya ŵakavalo ŵawo viwoneka uli ndi sangarawe, mikombelo yawo uli ndi kavuruvuru.

Yeremiya 46:9

Skomani, mwa ŵakavalo mwe, ndipo urumani, mwa magareta! Ŵankhondo ŵatuwe: ŵanthu ŵaku Etiopia ndi Puti ŵeniwo ŵako nguru, ŵanthu ŵaku Ludi, ŵakuziŵiska kuto uta.

Yeremiya 50:42

Ŵato uta ndi mkondo; mbakari, ndipo ŵalivi lisungu. Mdinu wawo we uli nkhuuruma kwa nyanja; ŵakwera pa ŵakavalo, ŵakuvwala nge ndi munthu wa kulimbana nawe, wamwana munthukazi we wa Babiloni!

Yeremiya 8:16

“Kututa kwakukoroma kwa ŵakavalo ŵawo kuvwika kutuwa mu Dani, pakuvwa kuliya kwa ŵakavalo ŵanthurumi charu chose chiyaghayika. Ŵatuza kunanga charu ndi vyose, vyakuzaza mwaku cho, muzi ndi wose ŵakuja mwaku wo.

Ezekiele 23:24

Ŵakazanga paku iwe kutuliya ku nkhonde, ndi magareta gha nkhondo ndi magareta ghanyake ndi mpingu wa ŵanthu ŵanandi; ŵakajimikanga kwakuzunguliya kulimbana nawe ŵakuvwara chapachifuŵa, nguru ndi chisoti, ndipo ndikaperekanga cheruzgu kwaku iwo, ŵakakweruzganga kwakulingana ndi cheruzgu chawo.

Nahumu 2:4

Magareta gharotoka mu ŵagurwi, ghabwanyana-bwanyana mu miseu; ghang'anima nge vyenje, kumwetuka nge ndi malimphezi.

Nahumu 2:8

Nineve we nge nchisima cho maji ghake ghapungulika. “Wadanirizga; mani!” Kweni kulivi yumoza wakuweko.

Chivumbuzi 9:9

Nganga zawo zingujarika ndi vyo vinguwoneka ulaka vyapachifuŵa vyachisulo; chiwawa cha mapapa ghawo chenga nge nchiwawa cha magareta gha ŵakavalo ŵanandi ŵachichome ku nkhondo.

Ŵeruzgi 5:22

“Sono ghanguvwika ukongwa marundi gha ŵakavalo, ndi kuchilipuka, kuchilipuka kwa ŵakavalo ŵake ŵanthazi.