Yeremiya 45:1 - Tonga Bible 1986

¹ Mazu gho Yeremiya mchimi wangurongoro kwaku Baruki mwana waku Neriya, penipo walembanga mazu yagha mu buku wachimunene Yeremiya, mu chirimika cha chinayi chaku Yehoyakimu mwana waku Josiya karonga waku Yuda:

Yeremiya 45:1 ပူးပေါင်းရင်းမြစ်များ

2 ŴaKaronga 24:1

Mu mazuŵa ghake Nebukadanezara karonga waku Babiloni wangukweriyako, ndipo Yehoyakimu wanguŵa mteŵeti wake virimika vitatu, ndipo wanagung'anamukako ndi kumugarukiya.

2 Mikoka 36:5

Yehoyakimu wenga wa virimika machumi ghaŵi pachanya vinkhonde (25) wachamba kuwusa. Ndipo wanguwusa virimika chumi ndi chimoza mu Yerusalemu. Wanguchita uheni paurongo pa Ambuya Chiuta wake.

Yeremiya 25:1

Mazu gho ghanguza kwaku Yeremiya gha pa ŵanthu wose ŵaYuda, mu chirimika cha chinayi chaku Yehoyakimu mwana waku Josiya karonga waku Yuda (cho chenga chirimika chakudanga chaku Nebukadanezara karonga wa Babiloni),

Yeremiya 26:1

Pakwamba kuwusa Yehoyakimu mwana waku Josiya, karonga waku Yuda, mazu ghangutuwa ku Ambuya,

Yeremiya 32:12

ndipo ndingupaska kalata yuwa kwaku Baruki mwana waku Neriya mwana waku Mahaseya, paurongo paku Hanamele msiŵani wangu, paurongo pa ŵakaboni ŵeniwo ŵangulemba mazina ghawo pa kalata wakuguliskiyapo, ndi paurongo pa ŵaYuda wose wo ŵanguteka mu bwalo la ukaidi.

Yeremiya 32:16

“Pavuli ndati ndapaska karata wakuguliskiyapo kwaku Baruki mwana waku Neriya, ndinguromba ku Ambuya ndinguti:

Yeremiya 36:1

Mu chirimika cha chinayi chaku Yehoyakimu mwana waku Josiya, karonga waku Yuda, mazu yagha ghanguza kwaku Yeremiya kutuwa ku Ambuya:

Yeremiya 36:2

“Uto mapepala ghakuzinga ndipo ulembepo mazu ghose ghenigho ndarongora nawe ghakumikana ndi Yisraele ndi Yuda ndi mitundu yose, kwamba zuŵa lo ndingurongoro nawe, kwamba ku mazuŵa ghaku Josiya mpaka msana wale.

Yeremiya 36:26

Ndipo karonga wangulanguliya Yeramelu mwana wakaronga, ndi Seraya mwana waku Azariele ndi Shelemiya mwana waku Abdeli kwachiŵako Baruki mlembi ndi Yeremiya mchimi yo, kweni Ambuya anguŵabisa.

Yeremiya 36:32

Sono Yeremiya wanguto chizinga chinyake cha buku wangupaska kwaku Baruki mlembi, mwana waku Neriya mweniyo wangulembapo pa kumunene Yeremiya mazu ghose gha mu chizinga gho Yehoyakimu karonga waku Yuda wangocha pa moto; ndipo mazu ghanandi ghakukozgana nagho ghangusazgikiyako kwaku gho.

Yeremiya 36:4

Sono Yeremiya wangudana Baruki mwana waku Neriya, ndipo Baruki wangulemba pa mapepala ghakuzinga wachimukambiya Yeremiya mazu ghose gha Ambuya ghenigho wangurongoro nayo.

Yeremiya 45:2

“Viyo atiti Ambuya, Chiuta waku Yisraele, kwaku iwe, Baruki:

Yeremiya 46:2

Ndi ghakunena ndi Egipiti, gha pa wumba wa ŵankhondo ŵaku Farao Neko, karonga wa Egipiti, ŵeniwo wenga pa msinji Efrate pa Karchemishi ndi ŵeniwo Nebukadanezara karonga wa Babiloni wanguthereska mu chirimika cha chinayi chaku Yehoyakimu mwana waku Josiya, karonga waku Yuda:

Yeremiya 51:59

Mazu gho Yeremiya mchimi wangulanguliya Seraya mwana waku Neriya, mwana waku Maseya, penipo wanguruta ndi Zedekiya karonga waku Yuda ku Babiloni, mu chirimika cha chinayi cha muwusu wake, Seraya wenga nduna yira ya nkhondo yakugaŵa vya nkhondo.

Danyele 1:1

Mu chirimika cha chitatu cha muwusu waku Yehoyakimu karonga waku Yuda, Nebukadanezara karonga waku Babiloni wanguza ku Yerusalemu ndi wanguwugoŵe msumba wo.