Yeremiya 42:5 - Tonga Bible 1986

⁵ Sono iwo ŵanguti kwaku Yeremiya, “Ambuya aŵe kaboni mumeneska ndi wamagomekezgeka paku ifwe asani tirekenge kuchita kwakuyana ndi mazu ghose gho Ambuya Chiuta wako watukutuma kwaku ifwe.

Yeremiya 42:5 ပူးပေါင်းရင်းမြစ်များ

Chiyambo 31:50

Asani wamusuzga ŵana ŵangu, pamwenga wamutoliyapo ŵanthukazi ŵanyake pa ŵana ŵangu, chingana palivi munthu pamoza nafwe, kumbuka, Chiuta ndi kaboni pakati pako ndi ine.”

Chituwa 20:19

ndipo ŵanguti kwaku Mosese, “Iwe ndiwe urongoronge nafwe ndipo tikavwanga; kweni Chiuta wareke kukamba nafwe vinu tingafwa.”

Chituwa 20:7

“Ungazumbuwanga sina la Ambuya Chiuta wako kwa ŵaka cha; pakuti Ambuya kuti akamurekanga wambura kalema cha yo wazumbuwa ŵaka zina la wo.

Yeremiya 42:20

kuti pakupuruka kwinu mukafwanga. Pakuti mungundituma ku Ambuya Chiuta winu kuti, ‘Tirombe ku Ambuya Chiuta widu, ndipo chose cho Ambuya Chiuta widu wakambenge utitauliye ndipo tikachichitanga.’

Yeremiya 43:2

Azariya mwana waku Hoshaya ndi Yohanani mwana waku Kareya ndi ŵanthu wose ŵamuyuyu ŵanguti kwaku Yeremiya, “Ukamba utesi. Ambuya Chiuta widu wengavi kukutuma kukamba kuti, ‘Rekani kuya ku Egipiti kwachija kwenikuwa.’

Yeremiya 43:4

Viyo Yohanani, mwana waku Kareya, ndi zinduna za maŵanja ndi ŵanthu wose kuti ŵanguvwiya cha mazu gha Ambuya, kujaririya mu charu chaku Yuda.

Yeremiya 5:2

Chingana ŵatiti, “Nge ndimo aliri amoyo Ambuya,” kweni ŵarapa kwakupusika.

Mika 1:2

Vwani imwe mwa ŵanthu mose; tegherezga wa charu ndi vyose vyo vye mwenimo; rekani Ambuya Chiuta waŵenge kaboni wakususka imwe, Ambuya mu kasopi wawo wakupaturika.

Malaki 2:14

Mufumba kuti, “Warekiyanji?” Chifukwa Ambuya ŵenga ŵakaboni ŵa phanganu pakati pako ndi muwoli wa uhurwa wako, kwaku mweniyo kuti waŵa wamagomekezgeka cha, chingana ndi bwezi lako lakusungana nalo, ndiso muwoli wako wa phanganu.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

ŴaRoma 1:9

Chifukwa Chiuta ndi kaboni wangu, mweniyo ndimteŵete mu mzimu wangu mu evangeli wa Mwana wake, kuti kwambura kulekezga ndizumbuliya imwe mu marombo ghangu,

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;

Chivumbuzi 3:14

“Ku mungelo yo wa mpingu wamu Laodikea lembapo: ‘Vyenivi watiti Ameni yo, kaboni wamogomekezgeka ndi wakuneneska, Chandu wa ulengi waku Chiuta.

Ŵeruzgi 11:10

Ŵaraŵara ŵamu Gileada ŵanguti kwaku Jefta, “Ambuya akaŵanga kaboni pakati pidu; tikachitanga nge ndimo ukambiya.”

1 Samuele 12:5

Ndipo wanguŵamuka, “Ambuya ndi kaboni paku imwe, wakupakika wake ndi kaboni pa zuŵa linu, kuti imwe mulivi kusaniya kaheni mu janja langu.” Ŵanthu ŵanguti, “Mba kaboni.”

1 Samuele 20:42

Viyo Jonafani wanguti kwaku Davidi, “Rutanga mu chimangu, ifwe tose taŵi tarapiyana mzina la Ambuya kuti, ‘Ambuya akaŵanga pakati paku ine ndi iwe, pakati pa mbeu yangu ndi mbeu yako muyaya.’ ” Pavuli Davidi wangusoka, wanguruta, ndipo Jonafani wanguwere ku muzi.