Yeremiya 40:7 - Tonga Bible 1986

⁷ Nduna zose za maŵanja mu charu chapakweru ndi ŵanthu, ŵanguvwa kuti karonga wa Babiloni wakumika Gedaliya mwana waku Ahikamu kuŵa mumirizi mu charu chiya. Ndipo ŵanguvwa kuti wakupereka kwaku iyo ŵanthurumi, ŵanthukazi, ndi ŵana, ŵa ŵakusauka ŵeniwo ŵengavi kutoreke ku umkoli ku Babiloni;

Yeremiya 40:7 ပူးပေါင်းရင်းမြစ်များ

2 ŴaKaronga 25:12

Kweni nduna yo yingusiyamo ŵasauchi ukongwa mu charu cho kuti ŵaŵenge ŵakusunga minda ya mphereska ndi ŵakulima.

2 ŴaKaronga 25:4

Sono ŵanguswa linga, karonga yo ndi ŵanthu wose ŵankhondo ŵanguthaŵa ndi usiku munthowa yakuya ku likomo la pakati pa malinga ghaŵi, kudumuwa pa munda wakaronga, chingana ŵaKaldiya ŵanguzingirikizga msumba wo, ndipo ŵangulazga ku Araba.

Yeremiya 39:10

Nebuzaradani, nduna ya ŵalonda, wangusiyamu mu charu chaku Yuda, ŵanthu ŵanyake ŵakusauka ŵeniwo ŵengavi kuŵa ndi kanthu, ndipo wanguŵapaska minda ya mphereska ndi minda pa nyengo yeniyo pe.

Yeremiya 39:14

ŵangutuma ndi ŵangwachimuto Yeremiya ku bwalo la ukaidi, ŵangumupereka kwaku Gedaliya mwana waku Ahikamu, mwana waku Shafani, kuti warutenge nayo kwake. Viyo wanguja mukati mu ŵanthu wo.

Yeremiya 39:4

Penipo Zedikiya karonga waku Yuda ndi ŵankhondo ŵake wose ŵanguwawona, ŵanguthaŵa. Ŵangutuwa mu msumba ndi usika ŵanguruta mu nthowa yaku munda wa karonga, ŵanguporota pa likomo la pakati pa malinga ghaŵi, ndipo ŵanguruta kulazga ku Araba.

Yeremiya 39:9

Sono Nebuzaradani, nduna ya ŵalonda wanguyola ŵanthu wose wo ŵangusiyika mu msumba, ŵeniwo ŵanguthaŵiya kwaku iyo, ndi wose wo ŵangujamo kuya ku umkoli ku Babiloni.

Yeremiya 41:1

Mu mwezi wa chinkhonde ndichiŵi, Ishimaele mwana waku Netaniya, mwana waku Elishama, wamu mbumba ya ufumu, yumoza wa nduna zira za karonga, wanguza ndi ŵanthu chumi kwaku Gedaliya mwana waku Ahikamu, pa Mizipa. Ŵachirgha kurgha pamoza pa Mizipa,

Yeremiya 41:10

Sono Ishimaele wanguŵachita uŵanda ŵanthu wose ŵakujapo wo ŵenga mu Mizipa, ŵana ŵanthukazi ŵakaronga ndi ŵanthu wose wo ŵangujapo mu Mizipa, wo Nebuzaradani nduna ya ŵalonda ŵa ŵakaida wangupereka kwaku Gedaliya mwana waku Ahikamu. Ishimaele mwana waku Netaniya wanguŵayole ku umkoli ndipo wangusoka wangwambukiya ku Amoni.

Yeremiya 41:11

Kweni penipo Yohanani mwana waku Kareya, ndi ŵarongozgi wose ŵa maŵanja ŵapamoza nayo, ŵanguvwa gha uheni wose wo Ishimaele mwana waku Netaniya wanguchita,

Yeremiya 43:6

ŵanthurumi, ŵanthukazi, ŵana, ŵana ŵanthukazi ŵa ŵakaronga, ndi munthu yose mweniyo Nebuzaradani nduna ya ŵalonda ŵangusiya ndi Gedaliya mwana waku Ahikamu, mwana waku Shafani; ndi so Yeremiya mchimi ndi Baruki mwana waku Neriya.

Yeremiya 52:16

Kweni Nebuzaradani wangusiya ŵanyake ŵa ŵakusauka ŵa charu cho kuŵa ŵalimi ŵa mphereska ndi wakulima.

Ezekiele 45:16

Ŵanthu wose mu charu ŵakaperekanga mpasku uwu ku karonga mu Yisraele.