Yeremiya 40:5 - Tonga Bible 1986

⁵ Asani ukajanga iku uwere kwaku Gedaliya mwana waku Ahikamu, mwana waku Shafani mweniyo, karonga wa Babiloni wakumika kuŵa mumirizi wa misumba yaku Yuda, ndipo ukajenge nayo mukati mu ŵanthu; pamwenga rutanga kose kweniko ughanaghana kuti nkhwakurunjika kuyako.” Viyo nduna ya ukaidi wangumupaska vyakurgha ndi chaulera, ndipo wangumuzomerezga kuruta.

Yeremiya 40:5 ပူးပေါင်းရင်းမြစ်များ

2 ŴaKaronga 22:12

Ndipo wangulanguliya Hilkiya mzukuru, ndi Ahikamu mwana waku Shafani, ndi Akiboru mwana waku Mikaya, ndi Shafani mlembi, ndi Asaya mteŵeti wakaronga, kuti,

2 ŴaKaronga 22:14

Viyo Hilkiya, Ahikamu, Akiboru, Shafani, ndi Asaya ŵanguruta kwaku Hulda mchimi munthukazi, muwoli waku Shalumu mwana waku Tihava mwana waku Harhasi, wakusunga vyakuvwara (panyengo iyi wajanga mu Yerusalemu mu chigaŵa cha chiŵi); ndipo ŵangurongoronayo.

2 Mikoka 34:20

Wangumunene Hilikiya ndi Hikamu mwana waku Shafani, ndi Abdoni mwana waku Mika, ndi Shafani mlembe, ndi Asaya wa nchitu wa karonga, kuti,

Ezra 7:27

Atumbikike Ambuya Chiuta wa ŵambuyafwe, yo wanguŵika chinthu cha viyo mu mtima wa karonga, kutozga nyumba yaku Chiuta mu Yerusalemu;

Ezra 7:6

Uyo Ezra wanguturiya ku Babiloni. Wenga mlembi waku ziŵiska vya dangu laku Mosese lo Ambuya Chiuta waku Yisraele wangupereka. Ndipo karonga wangumupaska vyose vyo wangupempha, chifukwa janja la Ambuya Chiuta wake lenga paku iyo.

Nehemiya 1:11

Ambuya gutu linu litegherezge ku rombu la mteŵeti winu ndi ku rombu la ŵateŵeti ŵinu wo ŵakondwere mukopa zina linu; ndipo mumupundiske mteŵeti winu ndipo mumuchitiye lisunge mu maso ghaku uyo munthu.” Pa nyengo yo ndenga wakupereka nkhombo ya karonga.

Jobu 22:29

Chifukwa Chiuta wayuyuwa ŵakujikuzga, ndi wataska ŵakujiyuyuwa.

Nthanthi 16:7

Asani nthowa za munthu zikondwereska Ambuya, iwo ŵachitiska ŵakupindikana ŵake nawo kuŵa nayo ndi chimangu.

Nthanthi 21:1

Mtima wa karonga nkhamsinji ka maji mu janja la Ambuya; ŵatiurongozge kose kweniko ŵakhumba.

Yeremiya 15:11

Ambuya mwe, kwakuneneska ndapempha umampha wawo kwinu, ndamuŵeyereni chifukwa cha wakupindikana, mu nyengo ya suzgu ndi mu nyengo ya kuyungwa!

Yeremiya 26:24

Kweni janja laku Ahikamu mwana waku Shafani lenga ndi Yeremiya viyo kuti wengavi kuperekeka ku ŵanthu kuti wabayike.

Yeremiya 39:14

ŵangutuma ndi ŵangwachimuto Yeremiya ku bwalo la ukaidi, ŵangumupereka kwaku Gedaliya mwana waku Ahikamu, mwana waku Shafani, kuti warutenge nayo kwake. Viyo wanguja mukati mu ŵanthu wo.

Yeremiya 40:4

Sono, ehe, nditukufwatuwa iwe msanawale ku maunyolo gha pa manja ghako. Asani nchakwenere kwaku iwe kuruta nane ku Babiloni, zanga, ndipo ine ndikakuphwerenga umampha; ndipo asani kuti nchakwenere cha kuruta nane ku Babiloni, ungazanga cha. Ona, charu chose che paurongo pako; rutanga kwe kose ko ughanaghana kuti nkhwamampha ndi nkhwakurunjika kuyako.

Yeremiya 41:1

Mu mwezi wa chinkhonde ndichiŵi, Ishimaele mwana waku Netaniya, mwana waku Elishama, wamu mbumba ya ufumu, yumoza wa nduna zira za karonga, wanguza ndi ŵanthu chumi kwaku Gedaliya mwana waku Ahikamu, pa Mizipa. Ŵachirgha kurgha pamoza pa Mizipa,

Yeremiya 41:18

chifukwa cha ŵaKaldiya; pakuti ŵawopanga, chifukwa Ishimaele mwana waku Netaniya wangubaya Gedaliya mwana waku Ahikamu, mweniyo karonga waku Babiloni wangumumika kuŵa mumirizi pa charu chiya.

Yeremiya 41:2

Ishimaele mwana waku Netaniya ndi ŵanthu chumi ŵa pamoza nayo ŵangusoka ndi ŵangumutema Gedaliya mwana waku Ahikamu, mwana waku Shafani ndi lipanga, ndi ŵangumubaya; mweniyo karonga wa Babiloni wangumika kuŵa mumirizi mu charu chiya.

Machitidu gha Ŵakutumika 27:3

Ndipo lamlenji tingukwezga ku Sidoni, kweniko Julio yo wangumchitiya Paulo kwaulemu, ndi kumzomerezga kuya ku ŵabwezi ŵake kwachiphwerereka ndi iwo.

Machitidu gha Ŵakutumika 27:43

Kweni kenturione yo, pakukhumba kumtaska Paulo, wanguŵakanuwako ku khumbu lawo; ndipo wangulangula kuti wo ŵangaziŵa kusambira, ŵabire mu nyanja ndi kuya ku mtunda:

Machitidu gha Ŵakutumika 28:10

ŵeniwo nawo ŵangutitumbika ndi ulemu unandi; ndipo tichisoro, ŵangupakamo vyapa maukavu ghidu.

ŴaHebere 13:6

Viyo ifwe taŵakuchintha mtima tititi, “Mbuya ndi Movya kwaku ine; kuti ndopenge cha: munthu wandichitiyenge chine?”