Yeremiya 40:3 - Tonga Bible 1986

³ Ambuya ŵeneko ŵachichita uli ndimo angukambiya. Chifukwa mungulakwiya Ambuya, ndipo mwengavi kuvwiya mazu ghawo, chinthu ichi chaza paku imwe.

Yeremiya 40:3 ပူးပေါင်းရင်းမြစ်များ

Nehemiya 9:28

kweni pavuli ŵanguti ŵapumuwa ŵangulakwa so paurongo pinu, ndipo imwe munguŵajowole mu janja la ŵakupindikana ŵawo, viyo kuti ŵenga ndi mtufu paku wo; kweni penipo ŵangung'anamuka ndi ŵanguliriya kwaku imwe munguŵavwa ko kuchanya, ndipo nyengo zinandi munguŵapozomoska kwakuyana ndi malisungu ghinu.

Nehemiya 9:33

Imwe mwaŵa ŵakongolekwa mwaku cho chatiziya ifwe, pakuti imwe mwachita kwamagomekezgeka ndipo ifwe tachita kwakunanga;

Yeremiya 11:17

Ambuya ŵa maŵanja, wo ŵangukupandani, ŵalangula kuti muwone chiheni, chifukwa cha uheni wo ŵaYisraele ndi ŵaYuda ŵachita, kundisosomole ku ukari pakoche sembe kwaku Bala.”

Yeremiya 22:8

“ ‘Ndipo mitundu yinandi yazamudumuwapo pa msumba uwu, ndipo munthu yose wazamunena ku munyake, “Chifukwa chine Ambuya achita nawo viyo msumba ukuru uwu?”

Yeremiya 39:16

“Ruta, ukakambe kwaku Ebedimeleke mu Etiopia, ‘Viyo atiti Ambuya ŵa maŵanja, Chiuta waku Yisraele: Ehe, ndikafiskanga mazu ghangu gha pa msumba uwu chifukwa cha uheni kuti mpha chifukwa cha umampha cha, ndipo ghakafiskikanga paurongo pako mu zuŵa lenilo.

Yeremiya 44:23

Chifukwa mungocha vyachema, ndi mungulakwiya Ambuya ndi kuti munguvwiya cha mazu gha Ambuya pamwenga kwenda mu dangu lawo ndi mu malangulu ghawo ndi virunguchizgu vyawo, reka chiheni ichi chakuwiyani, uli ndimo kuliri msana wale.”

Yeremiya 50:7

Wose wo ŵanguŵasaniya ŵanguŵaparuwa, ndipo ŵakupindikana ŵawo ŵanguti, ‘Ifwe tilivi kafukwa, pakuti iwo ŵakulakwiya Ambuya, uja wawo weneko, Ambuya, wo nchigomekezgu cha auskeu,’ kwamphuwanga ŵakakhorwanga, atiti Ambuya.

Chitenje 2:17

Ambuya achita cho angulongoso, afiska kufinga kwawo, uli ndimo anguteme kale ukongwa, abwanganduliya pasi kwambura lisungu; aŵakondweska ŵakupindikana ŵako, ndipo akuzga nthazi ya ŵarwani ŵinu.

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

ŴaRoma 3:19

Kweni tiziŵa kuti vyenivyo vyose chikamba chilangulu cho, chikambiya wo ŵe pasi pa chilangulu; alinga kuti uchetamiskike mlomo wose, ndi kuti charu chose chitoleke ku cheruzgu chaku Chiuta.

Marangu 29:25

Sono ŵanthu ŵakakambanga kuti, ‘Nchifukwa chakuti ŵangutaya phanganu la Ambuya, Chiuta wa auskeu, lo wangupangana nawo pa nyengo yo wanguŵatuzgiya mu charu cha Egipiti,