Yeremiya 4:8 - Tonga Bible 1986

⁸ Chifukwa chaku ichi vwarani chigudulu, liyani ndi bangurani; pakuti ukari wakofya wa Ambuya ulivi kuwerere vuli kutuwako kwidu.”

Yeremiya 4:8 ပူးပေါင်းရင်းမြစ်များ

Sumu 78:49

Wanguŵapasuwa mu ufyu wa kandundu kake, ukari, kuŵaŵa kwa mtima, ndi suzgu; pakutuma mpingu wa ŵangelo ŵakuparghang'a.

Yesaya 10:4

Palivi chakujako kweni kusindama pasi mukati mu ŵamagoŵa pamwenga kuwa mukati mu ŵakubayika. Mu chifukwa chose ichi, kukara kwake kuti kwarata kunyake cha ndipo janja lake leche kutambaruka.

Yesaya 13:6

Liyani, pakuti zuŵa la Ambuya laŵandika, likazanga nge ndi phasulu la kutuwa ku Wanthazizose!

Yesaya 22:12

Mu zuŵa liya Ambuya Chiuta wa maŵanja wangulangula kuliya ndi kutenje, kumeta maphara ndi kuvwara vigudulu;

Yesaya 32:11

Tenthemani, mwa ŵanthukazi ŵakufwasa imwe, tenthemani, mwa ŵambura kughanaghanako kanthu; zuwani, mujijarike nkhuli, ndi vwarani vigudulu mu viunu vinu.

Yesaya 5:25

Chifukwa cho kukara kwa Ambuya kungukole pa ŵanthu ŵawo, ndipo angutambaruliya janja lawo paku wo ndi anguŵakoso, maphiri ghanguyaghayika; ndipo viŵanda vyawo vyenga nge ndi choto mu miseu mukati. Paku vyose ivi kukara kwawo kuti kwakungunuka cha ndipo janja lake leche kutambaruka.

Yesaya 9:12

ŴaSiriya kuchiri ku vuma ndi ŵaFilisti kuchiri ku zambwe, kumeza Yisraele ndi mlomo wakuyasama. Mu chifukwa ichi kukara kwake kulivi kuwezgeka janja lake leche kutambaruka.

Yesaya 9:17

Chifukwa cho Ambuya kuti akondwere cha pa ŵampupuka ŵawo, ndipo walivi chitima pa ŵana ŵaranda ndi vyoko; pakuti we yose yo walivi Chiuta ndipo ndimchita uheni, mlomo wose ukamba ubereŵeza. Mu chifukwa ichi chose kukara kwawo kulive kuwezgeka, ndi janja lawo leche kutambaruka.

Yesaya 9:21

Manase waturgha Efraimu, Efraimu waturgha Manase, ndipo wose pamoza ŵatinkha Yuda. Mu chifukwa ichi chose, kukara kwake kuti kwarata kunyake cha ndipo janja lake leche kutambaruka.

Yeremiya 25:34

“Mwenjerwe, imwe ŵaliska; ndipo liyani, kunkhurukani mu vyoto, imwe ŵambuyawo ŵa mskambu, pakuti mazuŵa gha kubayika kwinu ndi kumbininiskika ghafika, ndipo mukaŵanga nge mbabira ŵakusankhika.

Yeremiya 30:24

Kukwiya kwakofya kwa Ambuya kuti kukarekanga cha, mpaka penipo wachita ndi kufiska vyenivyo arongoso kuvichita. Mu mazuŵa gho ghatuza mwazamuwamo ichi.

Yeremiya 48:20

Moabu wachita soni, pakuti wasweka; tenje ndi kuliya! Unene mu Arnoni, kuti Moabu waja mapopa.

Yeremiya 6:26

Mwa ŵanthu ŵangu, vwarani vigudulu, ndipo mukunkhuwe mu vyoto; muchite chitenje nge nchikuliya mwana munthurumi yumoza pe, maliro ghakuŵaŵa kwakuruska; pakuti kwamabuchibuchi wakubaya yo wakazanga paku ifwe.

Chitenje 1:12

“Kumbi nchaŵaka ichi kwaku imwe, imwe mose mwaŵakujumphapo? Lereskani, ndipo wonani vinu chilipo chitima chinyake chakuyana ndi chitima changu cho chingutoleke paku ine, chenicho Ambuya andisuzga nacho pa zuŵa la kukwiya kwawo kwakofya.

Ezekiele 21:12

Liya ndi ubangule, mwana wa munthu, pakuti lamikana ndi wanthu ŵangu; lamikana ndi mafumu ghose ghaku Yisraele; ŵaperekeka ku lipanga pamoza ndi ŵanthu ŵangu. Chifukwa cho puma pa chigha chako.

Ezekiele 30:2

“Mwana wamunthu, chima, ukambe kuti, Viyo atiti Ambuya Chiuta: Liya ukongwa, ‘Owe zuŵa lo!’

Yoele 1:13

Vwarani chigudulu, muliye imwe ŵazukuru, tenjeni mwa ŵateŵeti ŵa jochero la sembe. Sereni, mwaŵakuvwala vigudulu ndi cherezgani usiku wose, owe! Mwa ŵateŵeti ŵaku Chiuta wangu! Chifukwa mpasku wa vyakurgha ndi mpasku wa vyakumwa vyagota ku nyumba yaku Chiuta winu.

Amosi 8:10

Ndisanduskenge madghera ghinu kuŵa chitenje, ndi sumu zinu zose kuŵa chitenje; ndivwalikenge viwunu vinu vyose ndi vigudulu, ndi phara pa mutu wose; nkhachichitanga nge nchitenje chapa mwana yumoza pe munthurumi, ndi umari wake nge ndi zuŵa la urwirwi.

Mika 1:16

Mujimete phara ndimusunge sisi linu, chifukwa cha ŵana ŵinu wo mukondwa nawo; mujimete phara nge ndi nkhwazi chifukwa ŵatuwengeko kwaku imwe kuya ku uŵanda.

Maŵerengedu 25:4

Ambuya angunena ndi Mosese, “Uto mafumu ghose gha ŵanthu, uŵapayike pa mtandasanya pa maso pa Ambuya, mwakuti ukari wakofya wa Ambuya utuweko kwaku Yisraele.”