Yeremiya 4:21 - Tonga Bible 1986

²¹ Mpaka zuŵanji ndikawonanga mbendera, ndi kuvwa kuliya kwa mbata?

Yeremiya 4:21 ပူးပေါင်းရင်းမြစ်များ

2 Mikoka 35:25

Yeremiya nayo wangumtenjere Josiya; ndipo ŵakumba wose ŵanthurumi ndi ŵanthukazi ŵamumbiyanga Josiya mukutenje kwawo mpaka kuno kule. Wanguchita chitenje nge ndi dangu mwaku Yisraele; wonani vikulembeka mu Buku la Chitenje.

2 Mikoka 36:10

Mu nyengo ya chifuku Nebukadanezara wangutuma ŵanthu kuza nayo ku Babiloni pamoza ndi viyaŵi vya nyumba yaku Chiuta, wangumika Zedekiya mbali wake kuŵa karonga mu Yuda ndi mu Yerusalemu.

2 Mikoka 36:17

Pa chifukwa ichi Chiuta wanguŵaziya ndi karonga wa ŵaKildiya yo wangubaya ŵanyamata ŵawo ndi lipanga mu nyumba yawo yakupaturika, ndipo kuti yinguŵachitiya lisungu cha chingana mbanyamata pamwenga ŵamwali, khongwi pamwenga yo wenga khongwi lakukota ukongwa: wanguŵapereka wose mu janja lake.

2 Mikoka 36:3

Ndipo karonga waku Egipiti wangumtuzgamo mu ufumu wake mu Yerusalemu ndi kusonkheska charu matalente gha siliva machumi chumi ndi talente limoza la golide.

Yeremiya 4:19

Kuŵaŵa kwangu, kuŵaŵa kwangu, ndikunkhuwa mu kuŵaŵa! Owe, vimati vya mtima wangu! Mtima wangu upuma mwakofya kuti ndingaja chisisi cha; pakuti ndituvwa kuliya kwa mbata kumemeza kwa nkhondo.

Yeremiya 4:20

Phasulu lindondoloska ndi nthazi pa phasulu, charu chose chapopeskeka. Mahema ghangu ndi saru zangu zakuchinga vyanangika kwamabuchibuchi.

Yeremiya 4:22

“Pakuti ŵanthu ŵangu mbakupusa kuti ŵatindiziŵa cha; mbana ŵakupusa, ŵalivi kuwamo. Mbakuchenje mu kuchita uheni, kweni kuchita umampha kuti ŵaziŵa cha.”

Yeremiya 42:14

‘Awa, tikarutanga ku charu cha Egipiti, kweniko kuti tamuwona nkhondo cha, pamwenga kuvwa mazu gha mbata, pamwenga kufwa ndi nja chifukwa cha kusoŵa chiŵande, ndipo tamuja kwenikuwa,’

Yeremiya 6:1

Thaŵiyani kwakubisama, mwa ŵanthu ŵaku Benjamini, kuthaŵa mukati mu Yerusalemu! Mbani mbata mu Tekoa, ndipo soskani chiteskeru pa Betehakeremu; pakuti chiheni chituza kutuliya ku nkhonde ndi pharghaniko likuru.