Yeremiya 4:20 - Tonga Bible 1986

²⁰ Phasulu lindondoloska ndi nthazi pa phasulu, charu chose chapopeskeka. Mahema ghangu ndi saru zangu zakuchinga vyanangika kwamabuchibuchi.

Yeremiya 4:20 ပူးပေါင်းရင်းမြစ်များ

Sumu 42:7

Ndimba yidana ku ndimba pa kudiririska kwa vipopomo vinu; mayigha ghinu ghose ndi maŵiriŵiri ghinu ghaŵenuka paku ine.

Sumu 72:19

Litumbikike zina lake la unkhankhu muyaya; unkhankhu wake uzaze mu charu chose, Ameni! Ameni!

Chituwa 33:5

Pakuti Ambuya anguti kwaku Mosese, “Kamba ku ŵaYisraele, ‘Mwe ŵanthu ŵanonono mtima; asani pa nyengo yimoza ndingaruta kwenda mukati mwinu mphanyi ndingamumalani. Iku sono zuwani vyakujitozga navyo, alinga ndiziŵe nchine ndingachita namwe.’ ”

Yesaya 13:6

Liyani, pakuti zuŵa la Ambuya laŵandika, likazanga nge ndi phasulu la kutuwa ku Wanthazizose!

Yesaya 15:5

Mtima wangu uliya chifukwa chaku Moabu, ŵakuthaŵa ŵake ŵachimbiriya ku Zoara, ku Eglatisheshiya. Pakuti pachikwera chaku Luhiti ŵatendachiliya ŵachikwera, mu mseu wakuya ku Horonaimi wasoska chitenje cha pharghaniku.

Yesaya 33:20

Lereska pa Zioni muzi wakurghiyapo madghera ghakutemeka! Maso ghinu ghakawonanga Yerusalemu, malo ghakujamo gha chisisi, chihema chambura manderezgeka, cho mphandu zake kuti zikazulikanga cha, chingana nkhuti vingwe vyake vidomoke nako cha.

Yesaya 47:9

Ivi vinthu viŵi vikazanga kwako mu kanyengo, pa zuŵa limoza pe; nyifwa za ŵana ndi uchoko vikazanga pako mwa nthazi zikuru, nanga ŵa vyanusi ŵako ŵangaŵa ŵanandi ndi nthazi yikuru ya mayera ghako.

Yesaya 54:2

Kuzga malo gha hema lako, ndipo zitambaruskike saru za kuchinga za mwakujamo mwako; ungarekanga cha, tambaluwa vingwe vyako ndi limbiska mphandu zako.

Yeremiya 12:11

Ŵachisanduska uyiku; nchauyiku, chiliriya ine. Charu chose ŵachisanduska uyiku, kweni palivi munthu yo waphwereko ndi ichi.

Yeremiya 17:18

Ŵalengeskeke ŵeniwo ŵatindisuzga; kweni ine mungandilengeska cha; ŵadiskike nthazi rekani kundidiska nthazi ine. Toleni paku iwo zuŵa liheni muŵaphwanye ndi kuphwanya kwa kaŵi.

Yeremiya 4:21

Mpaka zuŵanji ndikawonanga mbendera, ndi kuvwa kuliya kwa mbata?

Yeremiya 4:27

Pakuti viyo atiti Ambuya, “Charu chose, chikaŵanga mapopa, kweni kuti ndikamaranga vyose cha.

Yeremiya 4:6

Soskani mbendera kurazga ku Zioni, thaŵani kwachibisama, mungasweranga cha, chifukwa ndituza ndi chiheni kutuliya ku nkhonde ndi phasulu likuru.

Yeremiya 9:18

ŵatinthimike, ŵabuske chitenje paku ifwe, mwakuti maso ghidu ghapopome masozi, ndi nkhope zidu zidike maji.

Chitenje 3:47

mantha ndi zimbuna zakuwamo vyaza paku ifwe, phasulu ndi kwanangika;

Ezekiele 14:21

“Pakuti viyo atiti Ambuya Chiuta: Kuŵenge uli ukongwako asani ndituma vyeruzgu vyangu vinayi pa Yerusalemu lipanga, chailala, vikoko viheni, ndi chideru, kudumuwamo munthu ndi chakuŵeta!

Yoele 1:15

Owe, zuŵa liya! Chifukwa zuŵa la Ambuya laŵandika, nge ndi phasulu kutuliya kwaku Wanthazi zose, lituza.

ŴaLevi 26:18

Ndipo asani mutondeka kundivwiya mwaku vyose ivi Ine ndikamulanganinga so kuwerezgapo kankhonde ndi kaŵi, chifukwa cha maulakwi ghinu.

ŴaLevi 26:21

“Viyo asani mwendenge kwakupambana nane, ndipo kuti mukandivwiyanga cha, ndikatolenga videru vinyake paku imwe kusazgapo kankhonde ndi kaŵi kuruska unandi wa maulakwi ghinu.

ŴaLevi 26:24

iku ine nane nkhayendanga kwakupambana namwe, ndipo ine ndamweni ndikamupumaninga kuwerezgapo so kankhonde ndi kaŵi, chifukwa cha maulakwi ghinu.

ŴaLevi 26:28

iku ine nane ndikayendanga kwakupambana namwe ndi ukari, ndimulangeninge ndamweni kuwerezgapo kankhonde ndi kaŵi chifukwa cha maulakwi ghinu.

Habakuku 3:7

Ndinguwona mahema ghaku Kusana mu suzgu vyakuchinga vya charu chaku Midiani vingusukunika.

Maŵerengedu 16:21

“Jipatuweniko ku wumba uwu, mwakuti ndi ŵamari wose.”

Maŵerengedu 16:45

“Tuwani mukati mu wumba uwa, alinga kuti ndiŵamare wose.” Ndipo anguwa kavunama.

Mateyu 10:28

Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena.

2 ŴaTesalonika 1:9

Aŵa wose ŵakalangikanga ndi phasulu lamuyaya lakutuliya ku chisku cha Ambuya ndi ku unkhankhu wa nthazi zake,