Yeremiya 4:19 - Tonga Bible 1986

¹⁹ Kuŵaŵa kwangu, kuŵaŵa kwangu, ndikunkhuwa mu kuŵaŵa! Owe, vimati vya mtima wangu! Mtima wangu upuma mwakofya kuti ndingaja chisisi cha; pakuti ndituvwa kuliya kwa mbata kumemeza kwa nkhondo.

Yeremiya 4:19 ပူးပေါင်းရင်းမြစ်များ

Chiyambo 49:6

Iwe wa mtima wangu, ungazanga mu fundu yawo cha; iwe wa mzimu wangu, ungajibatikanga ku mpingu wawo cha; pakuti mu kukara kwawo wangubaya ŵanthu, ndipo mu kuwura kujiko kwawo wangupunduwa ng'ombe.

2 ŴaKaronga 4:19

Ndipo wanguti ku wiske, “Koto mutu wangu, mutu wangu!” Wiske wanguti ku mteŵeti wake, “Munyamuliye ku anyina.”

2 ŴaKaronga 8:11

Ndipo wangumulereska, mpaka wanguchita soni, ndipo munthu waku Chiuta wanguliya.

Sumu 103:1

Rumbanga Ambuya, wa mzimu wangu, ndipo chose cha mukati mwangu, chirumbe zina lawo lakupaturika!

Sumu 116:7

Wa mzimu wangu, uwere ku chipumulu chako; chifukwa Ambuya aŵa amampha kwangu.

Sumu 119:136

Masozi ghangu ghadika nge ndi msinji, chifukwa ŵanthu kuti ŵasunga dangu linu cha.

Sumu 119:53

Ndizazika ndi ukari chifukwa cha ŵaheni, wo ŵatuswa dangu linu.

Sumu 146:1

Rumbani Ambuya! Rumbanga Ambuya, wa mzimu wangu!

Sumu 16:2

Ku Ambuya ndititi, “Imwe ndimwe Ambuya; pade paku imwe ndilivi kamampha.”

Yesaya 15:5

Mtima wangu uliya chifukwa chaku Moabu, ŵakuthaŵa ŵake ŵachimbiriya ku Zoara, ku Eglatisheshiya. Pakuti pachikwera chaku Luhiti ŵatendachiliya ŵachikwera, mu mseu wakuya ku Horonaimi wasoska chitenje cha pharghaniku.

Yesaya 16:11

Chifukwa ichi mzimu wangu udandaula nge ndi kaligu paku Moabu ndi mtima wangu paku Kirheresi.

Yesaya 21:3

Chifukwa cho chiunu changu chazazika ndi suzgu; urwirwi wandikwetere, uli mburwirwi wa munthukazi yo wapapa; ndakotama pasi viyo kuti nditondeka kuvwa, ndagongowa viyo kuti nditondeka kulereska.

Yesaya 21:4

Mtima wangu ugunda, vyakofya vyandofya ukongwa, kucha ko ndingunweka kwandisandukiya ine kuŵa chofyo.

Yesaya 22:4

Chifukwa cho ine ndinguti: “Lereskani kunyake kutuwako kwangu, ndirekeni ndiliyi masozi ghakuŵaŵa; mungatakatakiyanga kundisangaluska cha chifukwa chakumara kwa ŵanthu ŵangu.”

Yeremiya 13:17

Kweni asani murekenge kutegherezga, mzimu wangu ukatenjenga ku ubende chifukwa cha kujikuzga kwinu; maso ghangu ghakaliyanga ukongwa ndi kumphororoska masozi, pakuti mskambu wa Ambuya wayoreke ku umkoli.

Yeremiya 20:9

Asani ndititi, “Kuti ndikamuzumbuwanga cha, pamwenga kuchima so mu zina lake,” mu mtima wangu muchita nge mwe moto wakukole wo wajarikiya mu viwanga vyangu, ndipo ndavuka kuwusunga mukati, viyo kuti ndingaziŵa kujiko cha.

Yeremiya 23:9

Gha pa ŵamchimi: mtima wangu wasweka mukati mwangu viwanga vyangu visukunika; ndakozgana ndi munthu wakulowe, uli ndi munthu wathereskeka ndi vinyo, chifukwa cha Ambuya ndi chifukwa cha mazu ghawo ghakupaturika.

Yeremiya 4:21

Mpaka zuŵanji ndikawonanga mbendera, ndi kuvwa kuliya kwa mbata?

Yeremiya 4:5

Kambani mwaku Yuda ndipo memezani mu Yerusalemu, ndi muti, “Mbani mbata kuporota mu charu; kamburani, munene kuti, ‘Wunganani, ndipo tiyeni tirute ku mizi ya malinga!’

Yeremiya 42:14

‘Awa, tikarutanga ku charu cha Egipiti, kweniko kuti tamuwona nkhondo cha, pamwenga kuvwa mazu gha mbata, pamwenga kufwa ndi nja chifukwa cha kusoŵa chiŵande, ndipo tamuja kwenikuwa,’

Yeremiya 49:2

Chifukwa cho, ehe, mazuŵa ghakazanga, atiti Ambuya, ndikachiskanga mumemezu wankhondo kuti uvwike kwachirwana ndi Raba wa Amoni; ukaŵanga chimbumira cha mapopa, ndipo mizi yake yikawochekanga ndi moto; sono Yisraele wakapokanga wo ŵangupoka iyo, atiti Ambuya.

Yeremiya 50:22

Kuwawata kwa nkhondo kwe ku charu, ndi phasulu likuru!

Yeremiya 6:24

Tavwa mbiri yaku ichi, manja ghidu ngambura nthazi, kuŵaŵa kwatizinga kuŵaŵa uli nkhwa munthukazi wakupapa.

Yeremiya 8:18

Chitima changu nchambura kuchizgika, mtima ngwakutama mukati mwangu.

Yeremiya 8:21

Mtima wangu walasika, chifukwa cha bala la ŵanthu ŵangu, nditenje, ndipo mantha ghandizinga.

Yeremiya 9:1

Aha, mphanyi mutu wangu wenga maji, ndi maso ghangu chisima cha masozi alinga kuti ndiliye msana ndi usiku chifukwa cha ŵakubayika ŵa ŵanthu ŵangu!

Yeremiya 9:10

“Dangani kuliya ndi kwenjerwa chifukwa cha mapiri, tenjeni chifukwa cha mauliska gha mubozwa, chifukwa ghachitika mapopa palivi yo waporotamo, ndipo kubama kwa ng'ombe kuti kuvwika cha; vyose viyuni vya mude ndi nyama za mudondo vyathaŵa kuti viwoneka so cha.

Chitenje 1:16

“Paku ivi vinthu ndiliya; maso ghangu ghadira masozi, pakuti wakusangaruska we kutali ndi ine, yo wangandiwerezgamo nthazi; ŵana ŵangu ŵe ŵija, pakuti wakupindikana wapunda.”

Chitenje 1:20

“Ehe, Ambuya mwe, pakuti nde mu suzgu, mzimu wangu wemu viwawa, mtima wangu utumba mukati mwangu, chifukwa chakuti ndaŵa wakugaruka ukongwa, mu mseu lipanga libaya; mu nyumba le nge ndi nyifwa.

Chitenje 2:11

Maso ghangu ghajaliya kuliya pe; mzimu wangu usuzgika; mtima wangu upungulikiya mu chitima chifukwa cha kubwangandulika kwa ŵanthu ŵangu, chifukwa malitema ndi ŵana ŵalakatuka, mu miseu ya msumba wo.

Danyele 4:19

Ndipo Danyele, yo wadanikanga so Belteshazara, wanguzizwa kwa kanyengo ndipo maghanaghano ghake ghangumusuzga. Karonga wanguti, “Belteshazara wangwamuka wanguti, ‘Loto ili lirongo wo ŵatimutinkhani, ndi kang'anamuridu kake karongo ŵarwani ŵinu!

Danyele 7:15

“Mtima waku ine, Danyele, wenga mukati mwangu wakwenjerwa, chiwona cha mutu wangu chingundisuzga.

Danyele 7:28

“Uwo ndiwo umari wa makani, kweni ine Danyele maghanaghano ghangu ghangundisuzga ukongwa ndi kaŵiro kangu kangusanduka. Kweni ndingusunga makani yagha mu mtima wangu.”

Danyele 8:27

Ndipo ine, Danyele ndingugururuka nthazi ndi ndingutama kwa mazuŵa ghanandi; pavuli ndinguchira, ndingutakataka nchitu ya karonga; kweni ndenga wakuzizwa ndi chiwona ichi, kuti ndinguchiziŵiska cha.

Amosi 3:6

Kumbi mbata yingambika mumsumba, ndipo ŵanthu ŵangareka kopa? Kumbi chiheni chingaŵamo mu msumba, kwambura kuti chachitika ndi Ambuya?

Habakuku 3:16

Ndituvwa, ndi liŵavu langu litenthema, mlomo wangu umbwambwantha pa mazu ghinu; chiwozga chisere mu viwanga vyangu, nditenthema mukati mwangu. Ndirindizgenge kwa chisisi zuŵa la suzgu lo liziya wo ŵasere kwaku ifwe ndi nkhondo.

Maŵerengedu 10:9

Ndipo asani muruta ku nkhondo mu charu chinu kwachirwa ndi wakupindikana winu yo watimusuzgani, po ndipo mukambanga mumemezu ndi zimbata alinga kuti mukumbukike ndi Ambuya Chiuta winu, ndi kutaskika ku ŵarwani ŵinu.

ŴaRoma 10:1

Mwa ŵabali, linkweka la mtima wangu ndi niniziku langu lakwaku Chiuta pa chifukwa chaku wo, ndikhumba kuti ŵataskike.

1 ŴaKorinte 14:8

Pamwenga napo, asani mbata yingapaska mazu ghakudondeska, njani wajiskomiyenge ku nkhondo?

ŴaGalatia 4:19

Mwatwana twangu, paku twenito ndilimbiya so mu urwirwi mpaka Kristu wangaumbika mwinu,

Ŵeruzgi 5:21

Mweza wa Kishoni unguŵakukurwiska, mweza wakuchimbiya, mweza wa Kishoni, chimbyanga ku nthazi, wa mzimu wangu, ndi nthazi!