Yeremiya 4:16 - Tonga Bible 1986

¹⁶ Chenjezga mitundu kuti watuza; memeza mu Yerusalemu. “Akuŵazinga ŵatuliya ku charu cha kutali; ŵakambuliya pa mizi yaku Yuda.

Yeremiya 4:16 ပူးပေါင်းရင်းမြစ်များ

Yesaya 34:1

Ndereni pafupi, mwa ŵa mitundu mwe, kuzachivwa, ndipo tegherezgani, mwa ŵanthu mwe! Charu chapasi chitegherezge, ndi vyose vyakuzaza mwake, charu, ndi vyose vyakutuwa mwaku cho.

Yesaya 39:3

Sono Yesaya mchimi wanguza ku karonga Hezekiya, wanguti kwaku iyo, “Ŵakambanji yaŵa ŵanthu? Wachiza kwako ŵatuliya pani?” Hezekiya wanguti, “Ŵaza kunu kwangu kutuliya ku charu cha kutali, ku Babiloni.”

Yeremiya 1:15

Pakuti, ehe, ndikadananga makhamu ghose gha maufumu ghaku nkhonde, atiti Ambuya; ŵakazanga, ndipo we yose wazamuŵika chitengo chake pakuserere pa malikomo gha Yerusalemu kunyekezga ku malinga ghake kwakuzunguliya kose ndi pa mizi yose yaku Yuda.

Yeremiya 16:6

Wose ŵara ndi ŵamana ŵakafwiyanga mu charu ichi; kuti ŵakaŵikikanga cha, ndipo paulengevi yumoza wakuŵatenje nanga nkhujicheka pamwenga kumeta phala chifukwa chawo.

Yeremiya 2:15

Nkharamu zamuwurumiya, zamukorome kwakubangula. Zapopeska charu chake; mizi yake njakupasuka, mulivi wakujamo.

Yeremiya 31:10

“Avwani mazu gha Ambuya, mwa ŵamitundu, ndipo mughataule mu malikumba gha kutali: Munene, ‘Yo wanguparghang'a Yisraele wakawunganiskanga ndipo wakamusunganga uli ndimo muliska wasungiya mskambu wake.’

Yeremiya 39:1

Mu mwezi wa chumi, chirimika cha chinkhonde ndi vinayi chaku Zedekiya karonga waku Yuda, Nebukadanezara karonga wa Babiloni ndi wumba wake wose wa nkhondo ŵanguza kurwana ndi Yerusalemu ndipo ŵanguwuzinga;

Yeremiya 4:17

Ŵazunguliya Yerusalemu kumunanga uli mbalonda ŵa munda, chifukwa wandigarukiya ine, atiti Ambuya.

Yeremiya 5:15

“Ehe, ndikatolenga paku iwe mtundu wakutuliya kutali wa nyumba yaku Yisraele, atiti Ambuya. “Uwu ndi mtundu wakukhwima, ndi mtundu wamwaka, mtundu weniwo mazu ghake imwe mulivi kughaziŵa, chingana nkhuti mungawamo cha cho warongoro.

Yeremiya 5:6

Chifukwa chenichi nkharamu yakutuwa ku dondo yazakuŵabaya, mphumphi yakutuwa ku bozwa yazakuŵamara. Nyalubwe wakhazga mu mizi yawo, we yose wakutuwa mwaku yo wakaparurikanga tumanatumana; chifukwa vyakulakwa vinandi; kuwere vuli kwawo nkhukuru.

Yeremiya 50:2

“Ŵandiska mukati mu mitundu ndi memeza, umike mbendera umemeze, ungabisanga cha, kamba kuti: ‘Babiloni watoreka Belo walengeskeka, Merodaki wadika nthazi. Vikozgu vyake vyalengeskeka ŵangoza ŵake ŵamara nthazi.’

Yeremiya 6:18

Chifukwa cho vwani, mwa mitundumwe, ndipo ziŵani, mwa mpingu, cho chikaŵanga kwaku iwo.

Yeremiya 6:19

Yivwa, wa charu chapasi we; ndikazanga ndi chiheni pa ŵanthu yaŵa, chipasi cha vipangu vyawo! Chifukwa walivi kuphwere mazu ghangu: ndipo nge ndi dangu langu ŵalikana.

Yeremiya 6:22

Atiti viyo Ambuya: “Ehe, ŵanthu ŵakatuwanga ku charu chaku nkhonde, mtundu ukuru ukatuwanga kutali ukongwa mu charu chapasi.

Yeremiya 6:23

Ŵapinga uta ndi mkondo, mbakari ndipo ŵalivi lisungu, mdinu wawo ukozgana ndi nyanja yakuuruma; ŵakwera pa ŵakavalo, ŵatijivwarika uli ndi munthu wakuya ku nkhonde, kurwana ndi iwe, wa msumba wa Zioni!”

Yeremiya 8:19

Avwani, kuliya kwa ŵanthu ŵangu, kutuliya mu utali ndi mu usani wa charu: “Kumbi Ambuya mulivi mu Zioni? Kumbi karonga wake kuti we mwake cha?” “Chifukwa nchine ŵandisosomole ku kukwiya ndi ŵangoza ŵawo ŵakusemeka, ndipo ndi ŵangoza ŵawo ŵachilendo?”

Ezekiele 21:22

Mu janja lake la marghe mutuwa mphenduzga yapa Yerusalemu, kujura mlomo ndi kuliya, kusoska mazu ndi kubangula, kumika vyakugumuliya pa malikomo, kuviwunjika vimbumira, kuzenga vitanthali vya nkhondo.