Yeremiya 4:10 - Tonga Bible 1986

¹⁰ Sono ine ndinguti, “Ambuya Chiuta, kwakuneneska mwaŵapusika limu ŵanthu yaŵa ndi Yerusalemu, pakukamba kuti, ‘Kukamuŵiyaninga umampha’; penipo lipanga lafika pa umoyo wawo iwo.”

Yeremiya 4:10 ပူးပေါင်းရင်းမြစ်များ

Chituwa 5:22

Sono Mosese wangung'anamukiya ku Ambuya, ndi wanguti, “Ambuya, chifukwa chine mwaŵachitiya chiheni yaŵa ŵanthu? Na mungunditumiyanji ine?

Chituwa 9:14

Pakuti nyengo yino yasono ndikatumanga videru vyangu vyose pa mtima wako, ndi pa ŵateŵeti ŵako ndi ŵanthu ŵako, alinga kuti muziŵe kuti kulivi nanga njumoza wakulingana ndi ine mu charu chose chapasi.

Yesaya 30:10

ŵeniwo ŵakamba ku ŵakuwona, “Rekani kuwona”; ndi ku ŵamchimi, “Mungatichimiyanga cha ifwe cho nchakurunjika; kambani nafwe vinthu vya koloŵa, chimani vyautesi,

Yesaya 37:35

Pakuti ndikavikiriyanga muzi uwu kuutaska; chifukwa chaku ndamweni ndi chifukwa cha mteŵeti wangu Davidi.”

Yesaya 63:17

Ambuya mwe, chifukwa chine mutitichitiska kusovya ku nthowa yinu, ndi kunonopeska mitima yidu, kuti tireke kumopani imwe? Weni chifukwa cha ŵaŵanda ŵinu, mafuku ghakumwaŵeni.

Yeremiya 1:6

Sono ine ndinguti, “A, Ambuya Chiuta! Ehe, kuti ndiziŵa cha kurongoro, pakuti nde mwanamana.”

Yeremiya 23:17

Ŵakamba kwakukiyakiya kwaku wo ŵanyoza mazu gha Ambuya, ŵatiti, ‘Kukaŵanga umampha kwaku imwe,’ ndi kwaku yose wakuchita vyamu mtima wake, watiti, ‘Palivi uheni wo ukakuziyanga.’ ”

Yeremiya 32:17

‘Owe Ambuya Chiuta! Ndimwe mukwata machanya ndi charu chapasi ndi nthazi yinu yikuru ndi janja linu lakutambaruka! Palivi cho nchinonono kwaku imwe.

Yeremiya 4:18

Nthowa zinu ndi machitidu ghinu ndivyo vyatore ivi paku imwe Iyi ndi suzgu yako, ndipo njakuŵaŵa.”

Yeremiya 5:12

Ŵakamba vya utesi pa Ambuya, ndipo ŵatiti, ‘Kuti wachitenge kanthu cha; palivi chiheni cho chikazanga paku ifwe, chingana nkhuti tikawonanga lipanga pamwenga chilala cha.

Yeremiya 6:14

Ŵachizga bala la ŵanthu ŵangu kamanavi keni, ŵatiti, ‘Chimangu chimangu’, penipo kulivi chimangu.

Yeremiya 8:11

Ŵachizga bala la ŵanthu ŵangu kamanavi keni, ŵatiti, ‘Chimangu, chimangu,’ penipo chimangu palivi.

Chitenje 2:21

Mu fuvu la mu ŵagurwi mwagona ŵaŵisi ndi ŵakukota; ŵamwali ŵangu ndi ŵanyamata ŵangu ŵabayika ndi lipanga; mu zuŵa la ukari winu mwaŵabaya, kubaya kwambura lisungu.

Ezekiele 11:13

Ndipo kunguŵa kuti, po ndachimanga, kuti Peletiya mwana waku Benaya wakufwa. Ndinguwa kavunama, ndinguliya kwakubangula, kuti, “Owe Ambuya Chiuta! Kumbi mukamaliyanga limu tetete ŵakujapo ŵa ŵaYisraele?”

ŴaRoma 1:24

Chifukwa chenichi Chiuta wanguŵapereka ku ukazuzi mu maulakalaka gha mitima yawo kuti ŵayuyuwe maliŵavu gha ŵeneko;

ŴaRoma 1:26

Chifukwa chenichi Chiuta wanguŵapereka ku maulakalaka ghaunyakazi: chifukwa ŵanthukazi ŵawo ŵangusanduska kachitiro ka kawi kuŵa kambura kawi.

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,