Yeremiya 4:1 - Tonga Bible 1986

¹ “Asani mukawenga, Yisraele we, atiti Ambuya, mutenere kuweredi kwaku ine. Asani munderezgapo maukazuzi ghinu paurongo pangu, ndi kuti mukangang'a cha,

Yeremiya 4:1 ပူးပေါင်းရင်းမြစ်များ

Chiyambo 35:2

Viyo Yakobe wanguti ku ŵamu nyumba yake ndi kwaku wose ŵeniwo ŵenga nayo, “Tayani ŵachiuta ŵalendo wo ŵe mukati mwinu, ndipo mujiphoto, ndipo musinthe vyakuvwala vinu;

2 ŴaKaronga 23:13

Karonga wangupasuwa malo gha pachanya gho ghenga ku vuma kwa Yerusalemu, ku malaŵi kwa Yerusalemu, ku malaŵi kwa phiri la ukazuzi, ghenigho Solomoni karonga waku Yuda wanguzenge Ashatoreti ukazuzi wa ŵina Sidoni, wanguzenge Kemochi ukazuzi wa ŵaMoabu, ndi wanguzenge Milkomu ukazuzi wa ŵaAmoni.

2 ŴaKaronga 23:24

Ndipo so Josiya wangutuzgamo ŵakombeza ndi zifwiti ndi ŵamaula ndi ŵangoza ndi maukazuzi ghose gho ghangusanirika mu charu chaku Yuda ndi Yerusalemu, alinga kuti wawandiske mazu gha dangu gho ghangulembeka mu buku lo Hilkiya mzukuru wangubowozga mu nyumba ya Ambuya.

2 Mikoka 15:8

Ndipo Asa wanguti wavwa mazu yagha gha uchimi waku Azaria mwana waku Odedi, wangukhwima mtima, wangutuzga unyakazi ndi vikozgo mu charu chose chaku Yuda ndi Benjamini, ndi mizi yo wanguronda ku mapiri ghaku Efraimu, ndipo wangunozgaso Jochero laku Chiuta lo lenga pa maso pa khomo la nyumba yaku Chiuta.

2 Mikoka 33:8

ndipo kuti ndinderezgenge cha rundi laku Yisraele mu charu cho ndaŵikiya ambuyamwe, asani iwo ŵaphwerenge kuchita vyose vyo ndaŵalanguliya kwakuyana ndi dangu vilayizgu ndi vyakutemeka vyaku Mosese.”

2 Mikoka 34:33

Ndipo Josiya wangutuzgamo ukazuzi wose mu vyaru vyose vyaku Yisraele ndi kuchichizga wose wo ŵengamo mu Yisraele kuti watatariye Ambuya Chiuta wawo. Mu mazuŵa ghose ghaku iyo kuti ŵangupatuka cha kureka kurondo Ambuya Chiuta wa Ambuyawo.

Yesaya 31:6

Wereni kwaku iyo mweniyo imwe mwagarukako ukongwa, mwa ŵanthu mwe ŵaYisraele.

Yeremiya 15:19

Chifukwa cho atiti Ambuya: “Asani uwengeko, ndikakuwerezgiyangamo ndipo ukamanga paurongo pangu. Asani ukakambanga cho nchakuzirwa, ndi cho nchawaka cha, ukaŵanga uli ndi mlomo wangu! Ŵakawerenga kwaku iwe, kweni iwe kuti ukawerenga kwaku iwo cha.

Yeremiya 15:4

Ndipo ndikaŵachitanga chakofya ku maufumu ghose mu charu, chifukwa chaku cho Manase mwana waku Hezekiya karonga waku Yuda, wanguchita mu Yerusalemu.

Yeremiya 18:11

Sono, chifukwa cho, kamba ku ŵanthu ŵaYuda ndi ŵakuja mu Yerusalemu, atiti Ambuya, ‘Ehe, ndirongosole chiheni paku imwe, ndighanaghana fundo yakumikana namwe. Weniko, we yose ku nthowa yake yiheni, ndipo nozgani nthowa zinu ndi machitidu ghinu.’

Yeremiya 24:9

Ndikaŵachitanga kuŵa chakofya ku maufumu ghose gha charu chapasi, kuŵa chakusekeka, chakukambika, kawerere, ndi chakutembeka mu malo ghose ghenigho ndikaŵadikiskiyangako.

Yeremiya 25:5

kuti, ‘Ng'anamukaniko ku nthowa yinu yiheni ndi kumachitidu ghaheni, ndi muje pa charu cho Ambuya akukupaskani imwe ndi auskemwe kutuliya ku kale mpaka ku muyaya,

Yeremiya 3:1

“Asani munthu wapata muwoli wake ndipo watumsiya, ndipo sono watuŵa muwoli wa munthu munyake, kumbi munthu yo waweriyenge ku munthukazi yo? Kumbi kuti chikazuzgikenge weni ukongwa cha charu cho? Iwe wareŵa ndi mabwezi ghanandi; kumbi ukaweriyanga kwangu? atiti Ambuya.

Yeremiya 3:12

Ruta, ukarati maso ku nkhonde, ukamemeze mazu yagha kuti, ‘Weko Yisraele wambura magomekezgeka, atiti Ambuya. Kuti ndikakulereskanga mu ukari cha, pakuti nde wa lisungu, atiti Ambuya; kuti ndikakalipanga muyaya cha.

Yeremiya 3:14

Weko, wa mwana wambura magomezgeka, atiti Ambuya; pakuti nde mbuyako; ndikakutoninga, yumoza kutuwa ku muzi, ndi ŵaŵi kutuwa ku mphapu yimoza, ndipo ndikakutoliyaninga ku Zioni.

Yeremiya 3:22

“Weniko mwa ŵana ŵambura magomezgeka mwe, ndikakuchizganinga kuti muŵe ŵamagomezgeka.” “Ehe, tituza kwinu; pakuti imwe ndimwe Ambuya Chiuta widu.

Yeremiya 35:15

Ndakutumiyani ŵateŵeti ŵangu wose ŵamchimi, kuŵatuma kaŵikaŵi, kuti, ‘Ng'anamukaniko yose waku imwe ku nthowa yake yiheni, ndipo musinthe machitidu ghinu, ndipo mungalondonga ŵachiuta ŵanyake cha kuŵatataliya po ndipo mukajanga mu charu chenicho ndingukupaskani imwe ndi auskemwe.’ Kweni kuti munguvwiya cha pamwenga kutegherezga kwangu.

Yeremiya 36:3

Kokuli nyumba yaku Yuda yikavwanga uheni wose weniwo ndikhumba kuchita paku wo alinga we yose winu wangang'anamukako ku nthowa yake yiheni, ndikuti ndinguŵagowoke ulakwi ndi uheni wawo.”

Yeremiya 4:4

Jichinjiyeni ku Ambuya tuzganipo khungu la mitima yinu, mwa ŵanthu ŵaku Yuda ndi ŵakuja mu Yerusalemu, vinu ukari wangu ungaruta nge ndi moto, ndi kocha penipo palivi wakuwuzimwa chifukwa cha uheni wa machitidu ghinu.”

Yeremiya 7:3

Viyo atiti Ambuya ŵa maŵanja, Chiuta waku Yisraele, Nozgani nthowa zinu ndi machitudu ghinu, ndipo ndikakupaskaninga kuja mu malo yagha.

Yeremiya 7:5

“Pakuti asani munozga nthowa zinu ndi machitidu ghinu, asani muteruzga nadi cheruzgu chirunji yumoza ndi munyake,

Yeremiya 7:7

po ndipo ndikakupaskaninga kuja malo yagha, mu charu chenicho ndingupaska mwaka ku auskemwe muyaya.

Ezekiele 11:18

Ndipo ŵatakuti ŵaza muwa ŵakatuzgangamo ukazuzi wake wose ndi maunyakazi ghake.

Ezekiele 18:13

wateuliskiya chanduwu, ndi kutoko chakusazgiyapo; kumbi wangaja ndi umoyo uyu? Kuti wakajanga ndi umoyo cha. Wachita vya unyakazi vyose ivi, kwakuneneska wakafwanga, ndopa zake zikaŵanga pa mweneko.

Ezekiele 43:9

Sono rekani watuzgeko kwangu maukazuzi ghawo ndi viŵanda vya mafumu ghawo, ndipo ndikajanga mukati mwawo muyaya.

Hoseya 14:1

Yisraele uwere kwa Ambuya, Chiuta wako, pakuti waguŵa chifukwa cha ubendezi wako.

Hoseya 2:2

“Mususkani ndi nyinamwe, suskani chifukwa ndi muwoli wangu cha, nane kuti ndi murumi wake cha. Kuti watuzgepo ureŵi pa maso pake, ndi ureŵi pakati pa maŵe ghake.

Hoseya 7:16

Ŵawere kwaku Bala; ŵakozgana ndi uta wakupusika, mafumu ghawo ghazamubayika ndi lipanga chifukwa cha nkhaza za lilimi lawo. Ichi ndicho chamukuŵa chilengesku chawo mu charu cha Egipiti.

Yoele 2:12

Ambuya atiti, “Chingana ndi sono, ng'anamukiyani kwangu ndi mtima winu wose, ndi kunguzga kurgha, ndi kuliya masozi, ndi kutenje;

Zekariya 1:4

Mungaŵa nge mba uskemwe cha, kwaku ŵeniwo ŵamchimi ŵakale ŵadanirizganga kuti, ‘Viyo atiti Ambuya ŵa maŵanja, weniko ku nthowa zinu ziheni, ndi ku nchitu zinu ziheni, ndi ku nchitu zinu ziheni.’ Kweni kuti wanguvwa cha, pamwenga kundivwiya, atiti Ambuya.

Marangu 27:15

“ ‘Watembeke munthu yo wachita ngoza wakusongono, wo mbukazuzi ku Ambuya, chinthu chakuchitika ndi manja gha munthu mumisiri, ndipo watichimika ku ubende.’ Ndipo ŵanthu wose ŵakamukanga, ŵanenenge, ‘Ameni.’

Marangu 4:30

Penipo mwe mu suzgu chifukwa vinthu vyose ivi vyakuŵiyani mu mazuŵa ghakumariya, mung'anamukiyenge ku Ambuya Chiuta winu ndi kuvwiya mazu ghake.

Yoswa 24:14

“Viyo sono wopani Ambuya, ndipo mteŵetiyeni mu uneneska ndi mu kugomezgeka; tayani ŵachiuta wo auskemwe ŵangutataliya kusirgha ku Msinji, ndi mu Egipiti, teŵetiyani Ambuya.

Ŵeruzgi 10:16

Viyo ŵangutuzgamo ŵachiuta ŵachilendo mukati mwawo ndi ŵangutataliya Ambuya; ndipo iwo angukaripa pa masuzgu ghaku Yisraele.

1 Samuele 7:3

Penipo Samuele wangunena ndi nyumba yaku Yisraele, “Asani mung'anamukiya ku Ambuya ndi mtima winu wose, iku tuzgani ŵachiuta ŵachilendo ndi Ashitaroto mukati, rongozgiyani mitima yinu ku Ambuya, mteŵetiyeni iyo, ndipo wakamupozomoskaninga mu janja la ŵaFilisti.”