Yeremiya 39:8 - Tonga Bible 1986

⁸ ŴaKaldiya ŵangocha nyumba ya karonga ndi nyumba za ŵanthu, ndi ŵangubwanganduliya pasi malinga gha Yerusalemu.

Yeremiya 39:8 ပူးပေါင်းရင်းမြစ်များ

2 ŴaKaronga 25:8

Mu mwezi wa chinkhonde, pa zuŵa la chinkhonde ndi chiŵi la mwezi, cho chengachirimika cha chumi pachanya nkhonde ndi vinayi cha karonga Nebukadanezara karonga wa Babiloni; Nebuzaradani nduna yira ya ŵalinda ŵa karonga, muteŵeti wa karonga wa Babiloni wanguza ku Yerusalemu.

2 Mikoka 36:19

Wangocha nyumba yaku Chiuta, ndipo wangubwanganduwa linga lose la Yerusalemu, wangocha zinyumba za ŵakaronga ŵake ndi vyose, wangumbininiska viyaŵi vyose vyamtengo wapatali.

Nehemiya 1:3

Ndipo iwo ŵanguti kwaku ine, “Wo ŵachalipo ŵamoyo mu charu chiya wo ŵanguthaŵa kuyoleke ku umkoli ŵemu suzgu yikuru ndi chilengesku; linga la Yerusalemu likugumukiya pasi, ndipo malikomo ghake ghakufya ndi moto.”

Sumu 79:7

Ŵabaya ŵanthu ŵidu, ndi kupasuwa charu chidu.

Yesaya 5:9

Ambuya ŵa maŵanja arapa mu makutu ghangu: “Kwakuneneska nyumba zinandi zikaŵanga makunthu, nyumba zikuru ndi zamanyanda, mwambura munthu wakujamo.

Yeremiya 17:27

Kweni asani mukarekanga kundivwa ndi kureka lamulu lakuti zuŵa la sabata liŵe lakupaturika, ndi kupinga katundu kusere pa malikomo gha Yerusalemu pa zuŵa la sabata; po ndipo ndikakozganga moto mu malikomo ghake, zikafyanga nyumba za ufumu za Yerusalemu ndipo kuti ukazimwikanga cha.’ ”

Yeremiya 21:10

Pakuti ndalereska chisku changu pa msumba uwu kuwuchitiya uheni umampha cha, atiti Ambuya: ukapaskikanga mu janja la karonga wa Babiloni, ndipo wakawochanga ndi moto.’

Yeremiya 32:29

ŴaKaldiya wo ŵaturwa ndi msumba uwu ŵakazanga ndi kupong'a moto pa msumba uwu, kuwocha, ndi zinyumba zo pa mabagha ghake sembe za vyakusunkhizga zaperekeka kwaku Bala ndi mpasku ya vya kumwa yadirikiya ku ŵachiuta ŵanyake, kundisosomole ine ku kukwiya.

Yeremiya 34:2

“Viyo atiti Ambuya, Chiuta waku Yisraele: Ruta, ukakambe ndi Zedekiya karonga waku Yuda, ukati viyo kwaku iyo, ‘Viyo atiti Ambuya: Ehe, ndipereka msumba uwu mu janja la karonga wa Babiloni, ndipo wakawuwochanga ndi moto.

Yeremiya 34:22

Ehe, ndikalanguranga, atiti Ambuya, ndipo ndikaŵawezgiyanga ku msumba uwu; ndipo ŵazamukurwa nawo, ndi kuwocha ndi moto. Ndikachitanga misumba yaku Yuda kuŵa mapopa mwambura wakujamo.”

Yeremiya 37:10

Pakuti chingana mungapunda nkhondo yose ya ŵaKaldiya wo ŵaturwana namwe, ndi ŵangajako mukati mwawo ŵakurasika pe munthu we yose mu hema lake, wayukenge ndi kocha msumba uwu ndi moto.’ ”

Yeremiya 38:18

Kweni asani ukarekanga kuthera ku ŵaraŵara ŵa karonga wa Babiloni, po ndipo msumba uwu ukapaskikanga mu janja la ŵaKaldiya, ŵakawochanga ndi moto, iwe nawe kuti ukapozomokangako cha ku janja lawo.”

Yeremiya 5:10

“Ukwere ukaporoti mu mizere yake ya mphereska ndi ukaparghang'e, kweni kwachimarizgiya limu cha; katuzgemo mphanda zake pakuti kuti za Ambuya cha.

Yeremiya 7:20

Chifukwa cho atiti Ambuya Chiuta; Ehe, kukwiya kwangu ndi ukari wangu vikapungulikiyanga pa malo yagha, pa munthu ndi nyama, pa miti yamu minda ndi chipasi chapa nyata. Vikawochekanga ndipo kuti vikazimwikanga cha.”

Chitenje 1:10

Murwani watambaruwa manja ghake pa vinthu vyake vyakuzirwa vyose, inya, wawona mitundu yibwanganduwa malo ghake ghakupaturika, ŵeniwo imwe mungukanizga kusere mu maunganu ghinu.

Chitenje 2:2

Ambuya abwanganduwa kwambura lisungu mizi yose yaku Yakobe; mu ukari wawo abwanganduliya pasi malinga gha misumba, yaku Yuda; asiskiya pasi mu muyuyu ufumu ndi weruzgi wake.

Chitenje 2:7

Ambuya ayeya chigaŵa chawo cha sembe, apata malo ghawo ghakupaturika; apereka vimati vya nyumba zake za ufumu mu janja la wakupindikana; kuliya kukuru kunguchitika mu nyumba ya Ambuya, nge mpha zuŵa la dghera lakutemeka.

Ezekiele 16:41

Ŵakawochanga nyumba zako zose ndi kuŵika cheruzgu paku iwe mu maso gha ŵanthukazi ŵanandi; Ndikukanizgenge kuchita ureŵi, ndipo kuti ukaperekanga so mphoto ya kugula ureŵi cha.

Ezekiele 23:47

Ndipo mzinda ukaŵapong'anga ndi mya ndi kuŵatunga ndi malipanga ghawo; ŵakabayanga ŵana ŵawo ŵanthurumi ndi ŵanthukazi, ŵakawochanga nyumba zawo.

Ezekiele 33:21

Pa zuŵa la chinkhonde la mwezi wa chumi, mu chirimika cha chumi ndi viŵi cha uŵanda widu, munthu yo wanguthaŵa ku Yerusalemu wanguza kwaku ine, wanguti, “Msumba wawa.”

Amosi 2:5

Viyo nditumenge moto paku Yuda, ndi ukawochanga malinga ghaku Yerusalemu.”

Mika 3:12

Viyo chifukwa chaku imwe Zioni wakalimikanga nge ndi munda; Yerusalemu wakaŵanga ndundu ya vyakupasuka, ndi phiri la nyumba nge ndi miti yitali mulisuwa.