Yeremiya 39:5 - Tonga Bible 1986

⁵ Kweni wumba wa ŵankhondo ŵa ŵaKaldiya unguŵandondoloska, ndipo ungusaniya Zedikiya mu madambo gha Yeriko; ŵanguti ŵamuto, ŵanguza nayo kwaku Nebukadanezara karonga wa Babiloni pa Ribula, mu charu cha Hamati, ndipo wangumweruzga.

Yeremiya 39:5 ပူးပေါင်းရင်းမြစ်များ

2 Samuele 8:9

Penipo Toi karonga waku Hamati wanguti wavwa kuti Davidi wathereska nkhondo yose waku Hadadezere,

2 ŴaKaronga 17:24

Ndipo karonga wa Asiriya wanguza nawo ŵanthu kutuwa Babiloni, Kuta, Ava, Hamati ndi Sefarvaimu, ndi wanguŵaŵika mu misumba ya Samaria mu malo gha ŵanthu waYisraele, ŵanguhara Samaria, ndipo ŵanguja mu misumba yake.

2 ŴaKaronga 23:33

Ndipo Farao-Neko wangumumanga pa Ribla mu charu chaku Hamati mwakuti wareke kuwusa mu Yerusalemu, ndipo wangupereka msonkho mu charu cho wa matalente machumi pe chumi ghasiliva ndi talente limoaza la golide.

2 ŴaKaronga 25:6

Viyo ŵangumweruzga.

2 Mikoka 33:11

Ndipo Ambuya pa chifukwa ichi, anguŵaziya ndi ŵachirongozgi ŵankhondo ŵa karonga wa Asiriya, ŵangumuko Manase ndi kumumanga ndi maunyoro, wanguruta nayo ku Babiloni.

Yesaya 22:3

Ŵeruzgi ŵinu wose ŵathaŵiya pamoza, ŵanguyoreka kwambura uta. Imwe mose mungusanirika munguyoreka, chingana ŵanguthaŵiya kutali.

Yeremiya 21:7

Pavuli atiti Ambuya, ndikaperekanga Zedekiya karonga waku Yuda, ndi ŵateŵeti ŵake, ndi ŵanthu ŵamu msumba uwu wo ŵakapozomokanga ku chideru, lipanga ndichilala, mu janja laku Nebukadanezara karonga wa Babiloni, ndi mu janja la ŵakupindikana ŵawo, mu janja laku wo ŵapenja kuŵabaya. Ŵakaŵakosonga ndi lipanga; kuti wakaŵafwiyanga lisungu, pamwenga kuŵareka, pamwenga kuŵa ndi chitima cha.’

Yeremiya 24:8

“Kweni atiti viyo Ambuya: Kwakukozgana ndi nkhuyu ziheni zo kuti zingarghika cha, ndimu ndikachitiyanga ndi Zedekiya karonga waku Yuda, ŵaraŵara ŵake, ndi ŵakujapo ŵa Yerusalemu wo ŵakajangapo mu charu, ndi ŵakuja mu charu cha Egipiti.

Yeremiya 38:18

Kweni asani ukarekanga kuthera ku ŵaraŵara ŵa karonga wa Babiloni, po ndipo msumba uwu ukapaskikanga mu janja la ŵaKaldiya, ŵakawochanga ndi moto, iwe nawe kuti ukapozomokangako cha ku janja lawo.”

Yeremiya 38:23

“Ŵawoli ŵinu wose ndi ŵana ŵinu ŵanthurumi ŵakarongozgekiyanga ku ŵaKaldiya, ndipo imwe mwaŵene kuti mukapozomokanga cha ku janja lawo, kweni mukakorekanga ndi karonga wa Babiloni, ndipo msumba uwu wochekenga, ndi moto.”

Yeremiya 4:12

njanthazi ukongwa kuchita cho. Sono ndine ndikambiya mu cheruzgu paku iwo.”

Yeremiya 44:30

Viyo atiti Ambuya, Ehe, ndikampaskanga Farao, Hofwa karonga wa Egipiti mu janja la ŵakupindikana ŵake ndi mu janjalaku wo ŵapenja kumubaya, ndimu ndingupaskiya Zedekiya karonga waku Yuda mu janja laku Nebukadanezara karonga wa Babiloni, mweniyo wenga wakupindikana wake ndi wapenjanga kumubaya.”

Yeremiya 49:23

Gha paku Damasko. “Hamati ndi Arpadi ŵasuzgika, pakuti ŵavwa uthenga uheni; ŵasongonoka ndi mantha, ŵasuzgika uli ndi nyanja yo yayuka yo kuti yingaja bata cha.

Chitenje 1:3

Yuda waruta mu umkoli chifukwa cha kusunjizgika, ndi nchitu zizitu, sono waja mukati mu mitundu kweni kuti wasaniya malo gha chipumulu cha; kweni ŵakumundondoloska ŵake wose ŵamusaniya mu suzgu yake.

Chitenje 4:20

Muvuchi wamu mphunu zidu ifwe tawakupakika wa Ambuya, ungutoleka mu mazenje ghako, iyo mweniyo tingumukamba, “Pasi pa chiduzi chake tikawanga wamoyo mu wamitundu.”

Ezekiele 23:24

Ŵakazanga paku iwe kutuliya ku nkhonde, ndi magareta gha nkhondo ndi magareta ghanyake ndi mpingu wa ŵanthu ŵanandi; ŵakajimikanga kwakuzunguliya kulimbana nawe ŵakuvwara chapachifuŵa, nguru ndi chisoti, ndipo ndikaperekanga cheruzgu kwaku iwo, ŵakakweruzganga kwakulingana ndi cheruzgu chawo.

Habakuku 1:7

mbakofya ndi ŵakutenthemeska; cheruzgu chawo ndi ulemu wawo vituwa kuŵeneko.

Maŵerengedu 13:21

Viyo ŵanguruta ŵangwendere charu kwamba ku mabozwa gha Zini kwachifika ku Rehobo, kuŵandikana ndi ku Hamati.

Yoswa 13:5

ndi charu cha ŵaGebela, Lebanoni yose kurata kuwuturi wa lumwi, kutuwa ku Balgada kusika kwa phiri Hermoni mpaka kukuserere kwa Hamati

Yoswa 4:13

akhumba vikwi machumi ghanayi (40,000) ŵakulongosoreke nkhondo ŵangwambuka paurongo pa Ambuya ku kurwana, ku madambo ghaku Yeriko.

Yoswa 5:10

Po ŵaYisraele ŵenga ŵeche mu ugoŵi ku Gilgala ŵangusunga phaska pa zuŵa la chumi ndi chinayi la mwezi, ndi mazulo mu madambo gha Yeriko.

Ŵeruzgi 3:3

Mitundu yose iyi: mafumu ghankhonde gha ŵaFilisti, ndi ŵaKanani wose, ŵaSidoni, ndi ŵaHivi wo ŵajanga pa phiri la Lebanoni, kwamba ku phiri Bala-Hermoni kwachifika pakuserere mu Hamati.