Yeremiya 38:5 - Tonga Bible 1986

⁵ Karonga Zedekiya wanguti, “Ehe, wemu manja ghinu; pakuti karonga kuti wangachitapu kanthu cha kakumikana namwe.”

Yeremiya 38:5 ပူးပေါင်းရင်းမြစ်များ

2 Samuele 19:22

Kweni Davidi wanguti, “Ndenamwe ndi kanthu uli imwe, mwa ŵana ŵaku Zeruya kuti msana wale muŵi nge ngwakupindikana nane? Kumbi munthu wangabayika mu Yisraele msana wale? Kumbi kuti ndiziŵa cha kuti zuŵa lino nde karonga pa ŵaYisraele?”

2 Samuele 3:39

Ndipo ine ndatomboroka msana wale nanga nde karonga wakupakika; ŵanthu yaŵa, ŵana ŵaku Zeruya mbanonono kwangu. Ambuya achitiye wakuchita uheni kwakuyana ndi uheni wake.”

Nthanthi 29:25

Kopa munthu nkhuthya chiŵana, kweni mweniyo wagomekezga mu Ambuya we pakukho.

Yeremiya 26:14

Kweni ine, ehe, nde mu manja ghinu. Ndichitiyeni cho chingamuŵiyani chamampha ndi chakurunjika.

Yeremiya 37:17

karonga Zedekiya wangutuma kwachimutuzga ndipo wangumuronde. Karonga wangumufumba ku udeke mu nyumba yake, wanguti, “Kumbi ghaliko mazu ghatuwa kwa Ambuya?” Yeremiya wanguti, “Ghaliko.” Sono wanguti, “Ukaperekekanga mu janja la karonga waku Babiloni.”

Danyele 6:16

Viyo karonga wangulangula, ndipo wanguza Danyele wangutoreka ndi wangupong'eka mu zenje la nkharamu. Ndipo karonga wanguti kwaku Danyele, “Mphanyi Chiuta wako yo utumtataliya nyengo zose wakutaske!”

Danyele 6:17

Wanguto mwa ndi wanguuŵika pa khomo la zenje, ndipo karonga wanguuzighiriya ndi chizighiriyu chake ndi chizighiriyu cha nduna zake, mwakuti pa ŵevi kanthu kakusinthika kakukwaska Danyele.

1 Samuele 15:24

Sauli wangunena ndi Samuele, “Ndalakwa; pakuti ndajumpha dangu la Ambuya ndi mazu ghinu, chifukwa ndingopa ŵanthu ndinguvwiya mazu ghawo.

1 Samuele 29:9

Akishi pakwamuka Davidi wanguti, “Ndiziŵa kuti we wambura kalema pa maso pangu nge ndi mungelo waku Chiuta; kweni ndipuuli nduna za ŵaFilisti zanena kuti, ‘Wangarutanga nafwe cha ku nkhondo.’