Yeremiya 38:20 - Tonga Bible 1986

²⁰ Yeremiya wanguti, “Kuti ukapaskikanga kwaku wo cha. Uvwiye mazu gha Ambuya mwaku vyo ndikamba nawe,

Yeremiya 38:20 ပူးပေါင်းရင်းမြစ်များ

Chiyambo 12:13

Unene kuti we mzichi wangu, alinga kuti kundiŵiye umampha ine chifukwa chako, ndi kuti umoyo wangu utaskike chifukwa chako.”

Chiyambo 19:20

Awonani msumba uwa we pafupidi kuthaŵiyako, ndipo ngumanavi. Ndizomerezgeni kuthaŵiya kwaku wo si ngumanavi? Ndipo umoyo wangu ukataskikanga!”

2 Mikoka 20:20

Ndipo ŵangucherera ndi chivivivi wanguruta ku bozwa laku Tekoa; ŵachiruta, Yehosafati wanguma wanguti, “Mundivwe, mwa ŵaYuda ndi Yerusalemu! Vwanani mwaku Chiuta widu, ndipo mukhozgekenge; gomezgani ŵamchimi ŵake ndipo mupundenge.”

Nthanthi 4:4

ada ŵangundisambizga, ndipo ŵanguti kwaku ine, “Uchite kuti mtima wako ukoreske mazu ghangu; sunga marangu ghangu, ndi uje wamoyo;

Nthanthi 7:2

sunganga marangu ndi ujenge wamoyo, sunganga kurunguchizga kwangu uli ndi mboni ya jisu lako;

Yesaya 55:3

Khazgani gutu linu, zani kwangu; vwani, alinga kuti mzimu winu uŵe wamoyo; ndipo ndikachitanga namwe phanganu la muyaya, chifundu changu, chanju changu nchakukho nadi paku Davidi.

Yeremiya 11:4

lenilo ndingulanguliya auskemwe pa nyengo yo ndinguŵatuzgiya mu charu cha Egipiti, kutuwa mu ng'anjo ya chisulo, ndinguti, Tegherezgani ku mazu ghangu, ndipo chitani chose cho nditumulanguliyani. Po ndipo mukaŵanga ŵanthu ŵangu, ndipo ine ndikaŵanga Chiuta winu,

Yeremiya 11:8

Ndipuuli kuti ŵanguvwiya pamwenga kutegherezga cha; kweni yose wangwenda mu unonono wa mtima wake uheni. Chifukwa cho ndingutole paku wo mazu ghose gha phanganu ili, lenilo ndinguŵalanguliya kulichita, kweni ŵengavi kulichita.”

Yeremiya 26:13

Chifukwa ichi sinthani nthowa zinu ndi machitidu ghinu, ndi vwiyani mazu gha Ambuya Chiuta winu; ndipo Chiuta wakarekanga kuchita chiheni cho wakukamba paku imwe.

Yeremiya 38:21

Kweni asani ukana kuthera, ichi ndicho chakuwona cho Ambuya andirongo.

Yeremiya 7:23

Kweni langulu lo ndinguŵapaska ndi ili, ‘Muvwiyenge mazu ghangu, ndipo ine ndikaŵanga Chiuta winu, imwe mukaŵanga ŵanthu ŵangu; mwendenge mu nthowa yose yo ndikulanguliyani alinga kukuŵiyeninga umampha.’

Danyele 4:27

Viyo, karonga, muronde chenjezgu, langu; mureke kuchita uheni, ndi mwanji kuchita urunji, mureke maubedezi ghinu pakurongo lisungu ku ŵakusuzgika, kuti vinu nyengo ya chimangu chinu yingakuskikiyako.”

Amosi 5:4

Chifukwa atiti Ambuya ku nyumba yaku Yisraele:

Amosi 5:6

Penjani Ambuya ndipo muŵenge ŵamoyo, vinu angakole nge ndi moto mu nyumba yaku Yosefe, ndiyinganyeka ndi pangaŵavi yumoza wamuzimwiyenge moto wo Betele.

Machitidu gha Ŵakutumika 26:29

Ndipo Paulo wanguti, “Pamwenga yifupi pamwenga yitali, ndiromba Chiuta kuti mphanyi imwe mwija pe cha, kweni so wose wo ŵatindivwa msana wale, mungaŵa ulaka ndimo ndiliri ine, kweni kwambura magoŵa ghenagha.”

2 ŴaKorinte 5:11

Viyo pakuziŵa wofi wa Ambuya tichichizga ŵanthu, kwani ifwe mo tiliri tawoneka kwaku Chiuta; ndipo ndigomekezga kuti tawoneka mu njuŵi zinu so.

2 ŴaKorinte 5:20

Viyo te mathenga pa chifukwa chaku Kristu, nge Chiuta waŵeyererenga mwaku ifwe: tininizikiya imwe pa chifwa chaku Kristu, mwanjaniskikiye kwaku Chiuta.

2 ŴaKorinte 6:1

Ndipo taŵakutakatakiya pamoza nayo, tikuŵeyereni karonde wezi waku Chiuta kwaumbughuya cha.

Yakobe 1:22

Ndipo muŵe ŵakuchita mazu, ndi ŵakughavwa pe cha, ndi kujifuvya.