Yeremiya 38:2 - Tonga Bible 1986

² “Viyo atiti Ambuya, Yo wakajanga mu msumba uwu wakabayikanga ndi lipanga, chilala, ndi chideru; kweni mweniyo wakarutanga ku ŵaKaldiya wakajanga wamoyo; wakajanga ndi umoyo wake nge ndi mphoto ya nkhondo ndi kuja wamoyo.

Yeremiya 38:2 ပူးပေါင်းရင်းမြစ်များ

Yeremiya 21:4

“Mukakambe viyo kwaku Zedekiya, ‘Viyo atiti Ambuya, Chiuta waku Yisraele: Ehe, ndikawezgiyanga vuli vidya vya nkhondo vyo vye mu manja ghinu, vyenivyo imwe murwiya navyo pa karonga wa Babiloni ndi pa ŵaKaldiya wo ŵakuzingani kubwalo ku malinga; ndipo ndikaŵawunjikanga wose mukati mu msumba uwu.

Yeremiya 24:8

“Kweni atiti viyo Ambuya: Kwakukozgana ndi nkhuyu ziheni zo kuti zingarghika cha, ndimu ndikachitiyanga ndi Zedekiya karonga waku Yuda, ŵaraŵara ŵake, ndi ŵakujapo ŵa Yerusalemu wo ŵakajangapo mu charu, ndi ŵakuja mu charu cha Egipiti.

Yeremiya 27:11

Kweni mtundu we wose weniwo ukaŵikanga khose lake mu gori la karonga wa Babiloni ndi kumutataliya, ndikawusiyanga pa charu chake, kulima, ndi kuja mwenimo, atiti Ambuya.” ’ ”

Yeremiya 27:13

Chifukwa chine kuti iwe ndi ŵanthu ŵako mubayike ndi lipanga, chilala, ndi chideru nge ndimo Ambuya akukambiya pa mtundu wose wo ukalekanga kutataliya karonga wa Babiloni?

Yeremiya 29:16

Ambuya atiti gha pa karonga mweniyo waja pa chitengo chaku Davidi, ndi ghapa ŵanthu wose ŵeniwo ŵaja mu msumba uwu, ŵabali ŵinu wo ŵengavi kuruta namwe ku umkoli:

Yeremiya 29:18

Ndikaŵandondoloskanga ndi lipanga, chilala ndi chideru, ndipo ndikaŵawoneskanga nge nchakunyozeka mu maso mwa maufumu ghose gha charu chapasi, kuwa chakutembeka, chakofya, chakuyeyeka, ndi chakusekeka mu mitundu yose mwaku yo ndikuŵadikiskiyamo,

Yeremiya 34:17

Chifukwa cho, viyo atiti Ambuya: Mulivi kundivwiya ine kumemeza we yose ku mwana munyake ndi ku mzengezgani wake; wanangwa, ehe, nditikupaskani wanangwa waku lipanga, waku chideru, ndi wanangwa waku chilala, atiti Ambuya. Ndikamuchitaninga kuŵa chakofya ku maufumu ghose gha charu chapasi.

Yeremiya 39:18

Pakuti ndikakutaskanga, kuti ukabayikanga ndi lipanga cha; kweni ukaŵanga ndi umoyo wako nge ndi mphoto ya nkhondo, chifukwa wagomezga mwaku ine, atiti Ambuya.’ ”

Yeremiya 42:17

Ŵanthu wose wo ŵarazga visku vyawo kuya ku Egipiti kwachija kwenikuwa, ŵakafwanga ndi lipanga, ndi chilala, ndi chideru ndipo kuti ŵakaŵanga ndi ŵakujapo cha pamwenga ŵakupozomoka ku chiheni chenicho ndikazanga nacho pakuwo.

Yeremiya 42:22

Sono chifukwa cho ziŵiskani kuti mukafwanga ndi lipanga, ndi chilala, ndi chideru mu malo ghenigho munweka kwachijamo.”

Yeremiya 44:13

Ndikalanganga wo ŵaja mu charu cha Egipiti, uli ndimo ndalangiya Yerusalemu, ndi lipanga, ndi chilala, ndi chideru;

Yeremiya 45:5

Ndipo kumbi utijipenje vinthu vikuru? Reka kuvipenja; pakuti, ehe, nditole chiheni pa vyamoyo vyose, atiti Ambuya: kweni ndikakupaskanga iwe umoyo wako nge ndi mphoto ya nkhondo mu malo ghose kweniko ungaya.”

Ezekiele 14:21

“Pakuti viyo atiti Ambuya Chiuta: Kuŵenge uli ukongwako asani ndituma vyeruzgu vyangu vinayi pa Yerusalemu lipanga, chailala, vikoko viheni, ndi chideru, kudumuwamo munthu ndi chakuŵeta!

Ezekiele 6:11

Viyo atiti Ambuya Chiuta: “Kuŵanga manja ghako, uku udyaka rundi lako, ndi kuti, Owe! Chifukwa cha uheni wa maunyakazi ghose gha nyumba yaku Yisraele; pakuti ŵakabayikanga ndi lipanga, ndi chilala, ndi chiwowota.

Ezekiele 7:15

“Lipanga le kubwaro, chideru ndi chilala vye mukati, yo we mu munda watufwa ndi lipanga; ndipo yo we mu msumba nja ndi chiwowota vithwazuwa.