Yeremiya 38:18 - Tonga Bible 1986

¹⁸ Kweni asani ukarekanga kuthera ku ŵaraŵara ŵa karonga wa Babiloni, po ndipo msumba uwu ukapaskikanga mu janja la ŵaKaldiya, ŵakawochanga ndi moto, iwe nawe kuti ukapozomokangako cha ku janja lawo.”

Yeremiya 38:18 ပူးပေါင်းရင်းမြစ်များ

2 ŴaKaronga 24:12

Ndipo Yehoyakini karonga waku Yuda wangujipereka ku karonga wa Babiloni, iyo mweneko, anyina ŵateŵeti ŵake mafumu ghake ndi ŵamazaza ŵapa nyumba ya ukaronga wose wangujipereka. Karonga waku Babiloni wangumuko umkoli mu chirimika cha chinkhonde ndi vitatu cha muwusu wake,

Yeremiya 21:10

Pakuti ndalereska chisku changu pa msumba uwu kuwuchitiya uheni umampha cha, atiti Ambuya: ukapaskikanga mu janja la karonga wa Babiloni, ndipo wakawochanga ndi moto.’

Yeremiya 27:8

“ ‘ “Kweni asani mtundu we wose, pamwenga ufumu, ukarekanga kutataliya Nebukadanezara, karonga wa Babiloni, ndi kureka kuŵika khosi lake mu gori la karonga wa Babiloni; ine ndikawulanganga mtundu wo ndi lipanga, ndi chilala, ndi chideru, mpaka penipo ndawumara ndi janja lake, atiti Ambuya.

Yeremiya 37:8

Ndipo ŵaKaldiya ŵazenge so kurwa ndi msumba uwu; ŵakautonga ndi kuwuwocha ndi moto.

Yeremiya 38:23

“Ŵawoli ŵinu wose ndi ŵana ŵinu ŵanthurumi ŵakarongozgekiyanga ku ŵaKaldiya, ndipo imwe mwaŵene kuti mukapozomokanga cha ku janja lawo, kweni mukakorekanga ndi karonga wa Babiloni, ndipo msumba uwu wochekenga, ndi moto.”

Yeremiya 38:3

Viyo atiti Ambuya, msumba uwu ukapaskikangadi mu janja la ŵankhondo wa karonga wa Babiloni, ukatorekanga.”

Yeremiya 39:3

Penipo Yerusalemu wangutoreka, ŵaraŵara wose ŵa karonga ŵa Babiloni ŵanguza ndi ŵanguja pasi mu likomo la pakati: Nergala-sharezere, Samagaranebo, Serasekimu mlonda mura, Nergalasharezere, mchimi mura, pamoza ndi nduna zose za karonga wa Babiloni.

Yeremiya 39:8

ŴaKaldiya ŵangocha nyumba ya karonga ndi nyumba za ŵanthu, ndi ŵangubwanganduliya pasi malinga gha Yerusalemu.

Ezekiele 12:13

Ndikapong'anga chirepa changu paku iyo, ndipo wakawiranga mu chiŵana changu; ndizenge nayo ku Babiloni mu charu cha ŵaKaldiya, kweni kuti wakachiwonanga cha; ndipo wakafwiyanga kwenikuwa.

Ezekiele 17:15

Kweni wangumugarukiya pakutuma ŵamirizi ku Egipiti, kuti ŵamupaske ŵakavalo ndi nkhondo yinandi. Kumbi wakaruskanga? Kumbi wangapozomoka munthu wakuchita ivi? Waswe phanganu ndi kupozomoka?