Yeremiya 38:17 - Tonga Bible 1986

¹⁷ Sono Yeremiya wanguti kwaku Zedekiya, “Viyo atiti Ambuya, Chiuta ŵa maŵanja, Chiuta waku Yisraele, Asani ukajithereskanga ku ŵaraŵara ŵa karonga ŵa Babiloni po ndipo ukataskikanga kuŵa wamoyo, ndipo msumba uwu kuti ukawochekanga ndi moto cha, iwe ndi nyumba yako mukaŵanga ŵamoyo.

Yeremiya 38:17 ပူးပေါင်းရင်းမြစ်များ

Chiyambo 12:13

Unene kuti we mzichi wangu, alinga kuti kundiŵiye umampha ine chifukwa chako, ndi kuti umoyo wangu utaskike chifukwa chako.”

2 ŴaKaronga 24:12

Ndipo Yehoyakini karonga waku Yuda wangujipereka ku karonga wa Babiloni, iyo mweneko, anyina ŵateŵeti ŵake mafumu ghake ndi ŵamazaza ŵapa nyumba ya ukaronga wose wangujipereka. Karonga waku Babiloni wangumuko umkoli mu chirimika cha chinkhonde ndi vitatu cha muwusu wake,

2 ŴaKaronga 25:27

Ndipo mu chirimika cha machumi ghatatu pachanya ghankhonde ndi viwi cha uŵanda waku Yehoyakini karonga waku Yuda, mu mwezi wa chumi ndi yiŵi, pa zuŵa la machumi ghaŵi pachanya ghankhonde ndi ghaŵi gha mwezi, Evili-merodaki karonga wa Babiloni, mu chirimika cho wangwambiyamo kuwusa, mu lisungu likuru wangupaska wanangwa Yehoyakini karonga waku Yuda wangumufwatuwa mu nyumba ya magoŵa;

1 Mikoka 17:24

ndipo zina linu likakhozgekanga ndi kukuzgika muyaya, kuti, “Ambuya ŵa maŵanja, Chiuta waku Yisraele, ndiyo Chiuta waku Yisraele”; ndipo nyumba ya mteŵeti winu Davidi yikakhozgekanga paurongo pinu.

Ezra 9:4

Ndipo wose wo ŵangopa mazu ghaku Chiuta waku Yisraele chifukwa cha kunanga kwaku wo ŵanguwe ku umkoli ŵanguwungana kwaku ine po ndinguja pasi wambura nthazi mpaka pa sembe ya mazulo.

Jobu 23:13

Kweni iyo ngwa mtima umoza, ndiyani wangaziŵa kumunyongo pa wama? Cho wakhumba, ndicho wachita.

Sumu 80:14

A Chiuta wa maŵanja, weni ni! Kuchanya ko tilereskeni; zaninga ndi mutaske mphereska yinu!

Sumu 80:7

Tiwezgeni, A Chiuta wanthazi zose! Mutirongo chanju chinu, alinga kuti titaskike!

Yeremiya 27:12

Kwaku Zedekiya karonga waku Yuda ndingukamba viyo: “Ŵikani makhosi ghinu mu gori la karonga wa Babiloni mumutataliye iyo ndi ŵanthu ŵake, mwakuti muŵe ŵamoyo.

Yeremiya 27:17

Rekani kuŵategherezga; tataliyani karonga wa Babiloni mwakuti muŵe ŵamoyo. Chifukwa chine chakuti msumba uwu uŵe mapopa?

Yeremiya 27:8

“ ‘ “Kweni asani mtundu we wose, pamwenga ufumu, ukarekanga kutataliya Nebukadanezara, karonga wa Babiloni, ndi kureka kuŵika khosi lake mu gori la karonga wa Babiloni; ine ndikawulanganga mtundu wo ndi lipanga, ndi chilala, ndi chideru, mpaka penipo ndawumara ndi janja lake, atiti Ambuya.

Yeremiya 38:2

“Viyo atiti Ambuya, Yo wakajanga mu msumba uwu wakabayikanga ndi lipanga, chilala, ndi chideru; kweni mweniyo wakarutanga ku ŵaKaldiya wakajanga wamoyo; wakajanga ndi umoyo wake nge ndi mphoto ya nkhondo ndi kuja wamoyo.

Yeremiya 39:3

Penipo Yerusalemu wangutoreka, ŵaraŵara wose ŵa karonga ŵa Babiloni ŵanguza ndi ŵanguja pasi mu likomo la pakati: Nergala-sharezere, Samagaranebo, Serasekimu mlonda mura, Nergalasharezere, mchimi mura, pamoza ndi nduna zose za karonga wa Babiloni.

Yeremiya 40:9

Gedaliya mwana waku Ahikamu, mwana waku Shafani wangurapa kwaku wo ndi ŵanthu ŵawo, wakuti, “Mungopanga cha kutataliya ŵaKaldiya. Janinga mu charu, tataliyani karonga wa Babiloni, ndipo kukamuŵiyaninga umampha.

Yeremiya 44:7

Ndipo sono atiti Ambuya Chiuta wa maŵanja, Chiuta waku Yisraele, Chifukwa chine muchita uheni ukuru uwu paku mwaŵeni, kudumuwako kwaku imwe munthurumi ndi munthukazi, litema ndi, mwana, kutuwa mukati mwaku Yuda; kwambura kumusiyiyani wakujako?

Ezekiele 8:4

Ndipo awonani, kwenikuwa kwenga unkhankhu waku Chiuta waku Yisraele, ngenchiwona chiya ndinguwona mu chidika.

Amosi 5:27

chifukwa ichi nkhamutoriyaninga ku uŵanda kujumpha Damasko,” atiti Ambuya mweniyo zina lake ndi Chiuta wa maŵanja.