Yeremiya 38:14 - Tonga Bible 1986

¹⁴ Karonga Zedekiya wangutuma kwachidana Yeremiya mchimi ndipo wangumuronde pa kuserere pa chitatu pa kasopi. Karonga wanguti kwaku Yeremiya, “Ndikakufumbanga; ungandibisangapo kanthu cha ine.”

Yeremiya 38:14 ပူးပေါင်းရင်းမြစ်များ

2 Samuele 14:18

Penipo karonga wangwamuka munthukazi yo, “Ungandibisanga kanthu cha nanga nkhamoza ko ndikufumbenge.” Munthukazi wanguti, “Kambani mbuyangu karonga.”

1 ŴaKaronga 10:5

vyakurgha vyapa gome lake, kajaridu, ka ŵamazaza ŵake, kateŵetedu ka ŵaŵanda ŵake, vivwaru vyawo, ŵakunyamuwa vyandi, ndi mipasku yake yakocha yeniyo wangupereka pa nyumba ya Ambuya, nthazi yake yose yingumara.

1 ŴaKaronga 22:16

Kweni karonga wanguti kwaku iyo, “Ndikakulumbiriskanga kalinga mwakuti ukambe kanyake cha, kweni uneneska pe mu zina la Ambuya?”

2 ŴaKaronga 16:18

Malo ghakudingang'amo pa sabata gho ghanguzengeka mukati mu nyumba ya karonga, ndi khomo la kubwalo la kuserepo karonga ŵangutuzgamo mu nyumba ya Ambuya, chifukwa cha karonga wa Asiriya.

2 Mikoka 18:15

Kweni karonga wanguti kwaku iyo, “Kumbi ndikurapiske karinga kuti undikambiye uneneska pe mu zina laku Chiuta?”

Yeremiya 15:11

Ambuya mwe, kwakuneneska ndapempha umampha wawo kwinu, ndamuŵeyereni chifukwa cha wakupindikana, mu nyengo ya suzgu ndi mu nyengo ya kuyungwa!

Yeremiya 37:17

karonga Zedekiya wangutuma kwachimutuzga ndipo wangumuronde. Karonga wangumufumba ku udeke mu nyumba yake, wanguti, “Kumbi ghaliko mazu ghatuwa kwa Ambuya?” Yeremiya wanguti, “Ghaliko.” Sono wanguti, “Ukaperekekanga mu janja la karonga waku Babiloni.”

Yeremiya 42:20

kuti pakupuruka kwinu mukafwanga. Pakuti mungundituma ku Ambuya Chiuta winu kuti, ‘Tirombe ku Ambuya Chiuta widu, ndipo chose cho Ambuya Chiuta widu wakambenge utitauliye ndipo tikachichitanga.’