Yeremiya 38:13 - Tonga Bible 1986

¹³ Sono ŵangumuguziya pachanya Yeremiya ndi vingwe, ŵangumutuzga mu chisima. Ndipo Yeremiya wanguja mu bwalo la ukaidi.

Yeremiya 38:13 ပူးပေါင်းရင်းမြစ်များ

Chiyambo 37:28

Sono ŵamaronda ŵa Midiani ŵangudumuwapo; ndipo ŵangumuskoska Yosefe ndi ŵangumutuzgiya kubwalo kwa zenje lo, ndi ŵangumuguliska ku ŵaYishumaele pa mashekelo gha siliva machumi ghaŵi; ndipo ŵanguruta nayo Yosefe ku Egipiti.

1 ŴaKaronga 22:27

Mukanene kuti, ‘Viyo ndimu wanene karonga, “Uyu munthu mumuŵike mu nyumba ya magoŵa, ndipo mumurghiske kurgha kumanavi ndi maji ghamanavi, mpaka po ine ndaza mu chimangu.” ’ ”

Nehemiya 3:25

Palali mwana waku Azai wangulongoso pakuthyana ndi chingodya ndi chisongo chakutuliya kubwalo ku nyumba ya pachanya ya karonga pa bwalo la ulonda. Wakundondoloska iyo wenga Pedaya mwana munthurumi waku Paroshi.

Nthanthi 29:10

Ŵanthu ŵakunweka ndopa ŵatinkha wambura kalema, ndipo wamphulupulu wapenja umoyo wake.

Yeremiya 26:16

Sono ŵaraŵara ndi ŵanthu wose ŵanguti ku ŵazukuru ndi ŵamchimi, “Uyu munthu kuti watenere chilangu cha nyifwa cha, pakuti warongorore mu zina la Ambuya Chiuta wide kwakuifwe.”

Yeremiya 32:2

Pa nyengo yiya wumba wa ŵankhondo ŵa karonga ŵaku Babiloni unguzinga Yerusalemu, ndipo Yeremiya mchimi wangujarikiya mu bwalo la ukaidi lo lenga mu nyumba ya ufumu ya karonga waku Yuda,

Yeremiya 37:21

Viyo karonga Zedekiya wangurangura, kuti ŵamuŵike Yeremiya mu bwalo la nyumba ya ukaidi; ndipo chimbanduka cha chingwa chiperekeke kwaku iyo zuŵa ndi zuŵa chakutuliya ka mseu wa ŵakubika, mpaka chingwa chose cha mu msumba chimari. Viyo Yeremiya wanguja mu bwalo la nyumba ya ukaidi.

Yeremiya 38:12

Sono Ebedimeleke mu Etiopia yo wanguti kwaku Yeremiya, “Uŵike malizwazwa ndi saru sakuguga so mu nkhwapa mwako ndi vingwe vyo.” Yeremiya wanguchita viyo.

Yeremiya 38:28

Ndipo Yeremiya wangujaririya mu bwalo la ukaidi mpaka ku zuŵa lo Yerusalemu wangutoreke.

Yeremiya 38:6

Viyo ŵangumuto Yeremiya ŵangumupong'a mu chisima cha maji chaku Malikiya mwana wa karonga, cho chenga mu bwalo la ukaidi, ŵangumusiska Yeremiya ndi vingwe. Ndipo mwengavi maji mu chisima cho, kweni ulambwe pe, ndipo Yeremiya wanguphata mu ulambwe wo.

Chitenje 3:58

“Mwandimiriya mlando wangu, Ambuya, mwawombo umoyo wangu.

Machitidu gha Ŵakutumika 23:35

ndipo pakuziŵiska kuti wenga waku Kilikia, wali, “Ndivwenge iwe penipo ŵakukusumuwa nawo ŵaburika.” Ndipo wangulangula kuti wasungike mu nyumba ya ufumu yaku Herode.

Machitidu gha Ŵakutumika 24:27

Kweni vinguti vyafiskika virimika viŵi, Porkio Festo wangusere mu ura waku Feliko; ndipo pakukhumba kuŵakondweska ŵaYuda, Feliko wangumureka Paulo mu magoŵa.

Machitidu gha Ŵakutumika 28:16

Ndipo penipo tingusere mu Roma, Paulo wanguzomerezgeka kuja pakuyija, pamoza ndi wankhondo yo wamlindanga.

Machitidu gha Ŵakutumika 28:30

Ndipo Paulo wangujaririya virimika viŵi vyamphumphu wakujihiŵa mweneko; ndipo warondiyanga wose wo ŵaserenga kwake,