Yeremiya 38:10 - Tonga Bible 1986

¹⁰ Sono karonga wangulanguliya Ebedimeleke mu Etiopia yo, “To ŵanthu ŵatatu pamoza nawe, ndipo kamusoskeni Yeremiya, kumutuzga mu chisima wenga wandafwe.”

Yeremiya 38:10 ပူးပေါင်းရင်းမြစ်များ

Estere 5:2

ndipo wanguti wawona Estere fumukazi wama mu luluwa wangusaniya wezi mu maso ghake ndipo wangumutambaruliya nthonga ya golide Estere yo yenga mu janja lake. Viyo Estere wangundere kufupi, ndikukwaska songo ya nthonga ya karonga.

Estere 8:7

Karonga Ahaswerusi wanguti kwaku Estere fumukazi ndi kwaku Mordikayi mu Yuda yo, “Onani ndapaska Estere nyumba yaku Hamani ndipo iyo ŵangupayika pa muti, chifukwa iyo wakhumbanga kubaya ŵaYuda.

Sumu 75:10

Wabwanganduwenge nthazi yose ya ŵaheni, kweni nthazi ya ŵakurunjika yikakuzgikanga.

Nthanthi 21:1

Mtima wa karonga nkhamsinji ka maji mu janja la Ambuya; ŵatiurongozge kose kweniko ŵakhumba.

Yeremiya 38:11

Viyo Ebedimeleke wanguto ŵanthu pamoza nayo, wanguruta ku nyumba ya karonga, mu malo ghakusungako vinthu, ndipo wangutomo malizwazwa ndi saru zakuguga, vyenivyo wangusiskiya kwaku Yeremiya ndi vingwe mu chisima.

Yeremiya 38:7

Penipo Ebedimeleke mu Etiopia, wamuthenu, mweniyo wenga mu nyumba ya karonga, wanguvwa kuti Yeremiya ŵamuŵika mu chisima karonga wanguja pasi mu Likomo la Benjamini,

Yeremiya 38:9

“Mbuyangu karonga, ŵanthu yaŵa ŵachita chiheni mwaku chose cho ŵachita kwaku Yeremiya mchimi pakumupong'a mu chisima; ndipo wakafwiyanga mwenimuwa ndi nja pakuti kurgha mulivi mu msumba.”